Zekaliya 11:5 - IBAYIBOLO 2024

⁵ Abantu abakughula bakuzibola, loli bate ninongwa nayimo. Abantu babo bakuzighulizya bakuti, ‘U Mwene apaliwanje, ilelo naba ne mukabi!’ Abadimi babo bate ni chisa ni ng'ozi zyabo.

Zekaliya 11:5 Iomraidhean Croise

2 Abamwene 4:1

Isiku limo umuchi uwa bamo abalaghuzi akamulilila u Elisha akati, “Umulume wane yuyo akaba mubombi wako afuye, sona uzimenye ukuti umubombi wako akaba muntu uwakumunyila u Mwene. Polelo umuntu yuyo akamukopezya inkongole izite pakubasenda abana bane babili ukuti abaghulizye pakuba bazya, pachifukwa icha nkongole yilayila.”

Nehemiya 5:8

Nkababuzya nkati, “Aswe twabatabula aba Yuda abawamwitu, babo bakaghuliziwa ku bantu babo te ba Yuda. Polelo mukubafyenga bulo abawamwinyu ukuti bighulizye kukwinyu.” Po abantu bala bakaba bulo myee, pakuti batakaba ni chakunena nachimochimo.

Yelemiya 2:3

U Izilayeli akaba muzelu kwa Mwene, ivikomwa ivyakwanda ivya nyinulo yache, bosi babo bakalyako ivikomwa vinivi bakaba ninongwa, sona ububibi bukabawila. Ane ne Mwene nanena.’ ”

Yelemiya 50:7

Umuntu wesi yuyo akabagha akabalya, abalwani babo bakati, ‘Aswe tute ninongwa nayimoyimo, pakuti bakamunangila u Mwene, yuyo pakudimapo apanaloli, yuyo lusubilo ulwa banyenya babo.’

Ezekiyeli 34:10

U Mwene Uwamaka Ghosi akuti: Indi pabwite na badimi, nkubasusya abadimi pachifukwa icha ng'ozi zyane. Nkwiza pakubafyula ing'ozi zyane umwakuti abadimi batakwiza pakuzilyesya sona. Nkwiza pakuzipoka ing'ozi zyane kumilomo yabo, po zitakwiza pakuba chakulya chabo.

Ezekiyeli 34:21

Ing'ozi idedebazu mukuzisyempya nukuzisunkilizizya kubutali, po mukuzilasa ni mpembe nukuzinyampanizizya kubutali,

Ezekiyeli 34:6

Ing'ozi zyane zikendakendagha mumaghamba ghosi na mutumaghamba tosi ututali. Zikanyampana pachisu chosi ichapasi, sona atakabapo nayumo umuntu uwakuzilonda.

Hoseya 12:8

Aba Efulayimu bakwitutumula bakuti, “Aswe twe bakabi sona twakaba nkani. Po nubukabi bosi bunubu batakwiza pakutwagha nu bubibi pamo ni mbibi.”

Hoseya 12:9

Ane ne Mwene u Chala winyu, yuyo akabefya muchisu icha Ijiputi. Nkwiza pakubapela ukuti mwikalaye muvisakasa, ukuyana namumo mukabombelagha pa Lusekelo lwa Visakasa.

Amosi 2:6

U Mwene akuti, “Pakuti abantu aba mu Izilayeli bakunanga kabilikabili, po ane ntakwiza pakubwisya ubukali bwane. Bakubaghulizya abagholosu nu siliva, sona abapina ni nkwato.

Matayi 23:13

“Chighune nkani kukwinyu, amwe mwe bamanyisi aba Ndaghilo naba Falisayi! Mwe bazimbuli mwee! Mukwighalila umulyango uwa Bumwene ubwa Kumwanya pamaso pabantu, po amwe mwebene mutakwinjilamo, pamo ukwitikizya babo bakuyezya ukwinjilamo.

Yohani 10:1

U Yesu akati, “Naloli nkubabuzya ukuti umuntu wesi yuyo atakwendela pamulyango uwa chibagha icha ng'ozi, loli akupankula palubazu, yunuyu mwiba, sona livyondongo.

Yohani 16:2

Bakwiza pakubepusya munyumba izyakwiputilamo, sona akabalilo kakwiza kako umuntu wesi yuyo akubaghogha akwiza pakwinong'ona ukuti pakubomba bunubu, akumubombela u Chala.

2 Pitala 2:3

Pachifukwa icha kunyonywa ubukabi abene bakwiza pakubapela amwe pakuba mwe zila iyakukabilamo pakubombezya amazyu aghabuzimbuli. Loli ubulongi bwabo buyaniziwe kale, sona ukuzimila kwabo kukubalindilila.

Ubuvumbuli 18:13

ivyakunonezya ivyakulya ni vyakununkila ivya mila, uvinyo na mafuta nu busu ubutinye ni ngano ni ing'ombe ni ng'oz ni ifalasi ni ngolo na bazya sona na bantu bulo.

Ubuvumbuli 3:17

Pakuti ukunena ukuti, ‘Ane ne mukabi, indi navyo vyosi, sona ntakusobelwapo nachimochimo.’ Loli utazimenye ukuti we wantamyo, we mupelachisa, we mupina, we mufwamaso, sona uli nkule.