Zekaliya 11:16 - IBAYIBOLO 2024

¹⁶ Pakuti nkukubika pakuba we mudimi uwa chisu, yuyo atakwiza pakuzisungilila ing'ozi izyakusobela, pamo pakutulonda utwana, pamo pakuzipozya zizyo zivulaye, pamo pakuzilyesya zizyo zitabinite, loli akwiza pakulya inyama iya ng'ozi inyine, sona nukuzepulannya inyayo zyabo.

Zekaliya 11:16 Iomraidhean Croise

Ubwandilo 31:38

“Nikala nawe amaka 20, ing'ozi ni mbuzi zyako zitasopoyepo nalumo. Ntaliyepo nayumo udubi uwa muchibagha chako.

Ubwandilo 33:13

Loli u Yakobo akati, “Wee mwene wane, uzimenye ukuti abana aba balita, sona imbaghiye pakuzisungilila ing'ozi ni ng'ombe zizyo zili na bana. Nanti navivulunga nkani nukwenda napapo lisiku lyoka, vyosi vikwiza pakufwa.

Yesaya 40:11

Akuzidima ing'ozi zyache ngati mudimi. Akutubunganika utwana utwa ng'ozi, nukutupakata munyobe zyache, nukuzilongozya akiza zizyo zili nutwana.

Yelemiya 23:2

Polelo u Mwene u Chala uwa Izilayeli akubabuzya abalongozi babo bakubasungilila abantu bane akuti, “Pachifukwa ichakuti mwabanyampannya abantu bane nukubachimbizizya kubutali, sona mutakubasungilila, nkwiza pakubika ulufundo papinyu pachifukwa icha mbibi zizyo mwabomba.

Yelemiya 23:22

Nanti bakimilila lumo mulukomano lwane, po ngali bakalumbilila amazyu ghane ku bantu bane, sona ngali bakabanyosyako ku zila zyabo imbibi, nakumbombo zyabo imbibi.”

Ezekiyeli 34:10

U Mwene Uwamaka Ghosi akuti: Indi pabwite na badimi, nkubasusya abadimi pachifukwa icha ng'ozi zyane. Nkwiza pakubafyula ing'ozi zyane umwakuti abadimi batakwiza pakuzilyesya sona. Nkwiza pakuzipoka ing'ozi zyane kumilomo yabo, po zitakwiza pakuba chakulya chabo.

Ezekiyeli 34:16

Nkwiza pakuzilonda zizyo zisobelite nukuzinyosya zizyo zyapulumpa. Nkwiza pakuzipinya ivilonda zizyo zivulaye nukuzikazya zizyo zidedebaye, loli inyine ni zyamaka nkwiza pakuzinangannya. Nkwiza pakuzidima ing'ozi nubwanaloli.

Ezekiyeli 34:21

Ing'ozi idedebazu mukuzisyempya nukuzisunkilizizya kubutali, po mukuzilasa ni mpembe nukuzinyampanizizya kubutali,

Daniyeli 11:36

“U mwene uwa chisu icha kumitu akwiza pakubombagha ukuyana namumo akulondela. Akwiza pakwitutumula ukuti wapamwanya nkani ukubachila abachala abanji, sona ukuti wapamwanya nkani ukumuchila u Chala uwa bachala. Akwiza pakubombagha zinizi mupaka pakabalilo kako u Chala akwiza pakumufundila. U Chala akwiza pakuzibomba zilazila zizyo akabatika.

Yohani 10:1

U Yesu akati, “Naloli nkubabuzya ukuti umuntu wesi yuyo atakwendela pamulyango uwa chibagha icha ng'ozi, loli akupankula palubazu, yunuyu mwiba, sona livyondongo.