Zekaliya 11:10 - IBAYIBOLO 2024

¹⁰ Po nkasenda indisa yane yiyo nkayita ukuti Chisa nukuyipyola, nukulunangannya ulufingo lulo nkafingana ninko zyosi.

Zekaliya 11:10 Iomraidhean Croise

Masalimo 50:2

U Chala akulama bo ikaye mu Ziyoni, akaya akakuboneka akiza nkani.

Masalimo 89:39

Walunangannya ulufingo lulo ukafingana nu mubombi wako, wayinyazya impumpu nu lufumbi.

Masalimo 90:17

Wee Mwene u Chala witu, u bwiza bwako bubanje papitu. Uzisaye imbombo izya nyobe zyitu, eee uzisaye imbombo izya nyobe zyitu.

Yelemiya 14:21

Pachifukwa icha itabwa lyako utakatuleke twebene, utakachisamulaye ichitengo chako icha bumwene icha buchindamu. Ukumbukaye ulufingo lwako lulo ukafingana naswe, sona utakalunangannyanje.

Ezekiyeli 24:21

‘Babuzye aba Izilayeli ukuti u Mwene Uwamaka Ghosi ati: Indi papipi pakubunyazya ubuzilo bwane ubuzelu bubo mukwituvikizyapo, ukuhoboka ukwa maso ghinyu, na chicho mukubikilapo umoyo. Po abana binyu abalumendo na balindu babo mukabaleka kwisinda mu Yelusalemu bakwiza pakufwila kubwite.

Daniyeli 9:26

Bo ghachilapo amaka 7 aghatubalilo aka 62, umupakiwa yula akwiza pakughoghiwa sona atakwiza pakusenda ichintu nachimochimo. Umulongozi poka na basilikali ababwite bakwiza pakukanangannya akaya akakulu nkani kala poka nu Buzilo Ubuzelu. Ubumalilo bwache bukwiza pakuba ngati ko kwizula ukwa mizi. Ubwite bukwiza pakubangako mupaka bo bumalilo bwache. Vinivi u Chala aviyanizizye zila.

Hoseya 1:9

Po u Mwene akati, “Umwite ukuti we Lo Ami, pakuti te mwe bantu bane, sona ane inte ne Chala winyu.

Zekaliya 11:7

Po nkazidima zizyo zyabikiwa pakuboliwa, nkaninkani izyakuyivyiwa. Po nkasenda indisa zibili, yoka nkayita ukuti we Chisa, iyinji yila nkayita ukuti Bupoka, po nkazidima ing'ozi zila.

Ukubelengiwa 14:34

Mukwiza pakufundiwa amaka 40 pachifukwa icha mbibi zyinyu, kokuti umwaka ghoka ghukwimilila isiku lyoka ilya masiku ghagho mukabuka pakutendela ichisu chila. Po mukwiza pakubumanya namumo bubeleye ububibi ubwakuti ane imbasambukile.

Luka 21:32

Naloli nkubabuzya ukuti ivintu vyosi vikwiza pakuboneka bo abantu abankulilo iyi batafuye bosi.

1 Samuweli 2:30

“ ‘Ane ne Mwene u Chala uwa Izilayeli nkabalayizya abamunyumba yako na baluko lwako ukuti bakwiza pakuba baputi bane bwila na bwila. Losi ulu ntakulonda sona! Loli nkwiza pakubachindika abantu babo bakunchindika, loli abantu babo batakunchindika nane bulo ntakwiza pakubachindika.