Zekaliya 10:9 - IBAYIBOLO 2024

⁹ Napapo nkabanyampanizizya pakasi pa inko, loli pope bulo bakwiza pakunkumbuka ku vyisu ivyakubutali. Abene poka na bana babo bakwiza pakuba bumi, sona bakwiza pakunyokela.

Zekaliya 10:9 Iomraidhean Croise

Nehemiya 1:9

Loli nanti munganyokela kukwane nukughakonka amalamulo ghane, napapo abantu binyu babo bali kubuzya bangaba kubutali nkani, nkwiza pakubabungannya poka nukwiza nabo kubuzilo bubo nkabusala ukuti inchindikiliwanjemo.’

Esitele 8:17

Muchigaba chosi sona na mukaya kosi akakulu nkani, kosi kuko ululaghilo ulwa mwene lukafumuziwa, mukaba ukuhoboka nukusekela pakasi paba Yuda sona bakaba nu lusekelo ulukulu nkani. Abantu aba inko izinji bakanduka pakuba ba Yuda, pachifukwa ichakuti bakabanyilagha nkani aba Yuda bala.

Yesaya 44:21

U Mwene akuti, “Wee Yakobo, kumbuka ivintu ivi, wee Izilayeli kumbuka, ukuti we mubombi wane. Nkakupela pakuba we mubombi wane, intenkakuluvye nalumolumo.

Yesaya 64:4

Ukwanda bulo kale, patalipo umuntu nayumo yuyo ivuyepo, pamo ukwivwisya nikutu, sona litalipo ilyiso nalimo, lilyo limwenizyepo u Chala ukwefyako amwe, yuyo akubomba mubuzilo ubwa babo bakumulindilila.

Yesaya 65:23

Batakwiza pakubomba pabulo awe, pamo ukupapa abana, ukuti bakomanaye numukosi, pakuti bakwiza pakuba bantu, babo basayiwe nu Mwene, abene poka na baluko lwabo.

Yesaya 65:9

Mwa Yakobo mukwiza pakufumamo abaluko, sona aba mu munyumba iya Yuda, bakwiza pakusenda ichisu icha maghamba. Abantu bane abasaliwa bakwiza pakubapyana, sona ababombi bane bakwiza pakwikala kulakula.

Yelemiya 31:27

U Mwene akuti, “Amasiku ghakwiza ghagho aba Izilayeli naba Yuda poka ni vinyamana bakwiza pakubala nkani.

Yelemiya 51:50

U Mwene akubabuzya abantu bache mu Babiloni akuti, “Amwe mwe mwapona kubwite, mubukaye, sona mutakazyelaye! Mumukumbukaye u Mwene napapo muli kuchisu icha kubutali sona mukinong'onaye akaya akakulu nkani aka Yelusalemu.

Ezekiyeli 6:9

Po inko zizyo mwasendiwako pakuba bazya babo bapona bakwiza pakunkumbuka, namumo najimbiye pakwiputa kwabo ukwabumyasi, vivyo vyabapela pakunsambukila sona amaso ghabo ghabapela pakuvinyonywa ivifwani. Po bakwiza pakuchibenga ichinyonywa chabo, pachifukwa icha vintu ivyamwiko vivyo bambomba.

Hoseya 2:23

Nkwiza pakubikazikizya aba Izilayeli muchisu chane, nkwiza pakuba nichililizi na bantu babo kale intakabaghana.” Abantu babo batakitiziwa ukuti, “Mute mwe bantu bane.” Nkwiza pakubitizya ukuti, “Amwe mwe bantu abane.” Bakwiza pakunena ukuti, “Awe we Chala witu.”

Amosi 9:9

“Pakuti nkwiza pakulamula sona nkwiza pakubaneng'ennya aba Izilayeli, pakasi pa inko zyosi, ngati malezi musefa katakwiza pakubapo nakamokamo akakuwila pitope.

Mika 5:7

Abakusyalako aba Yakobo, bakwiza pakwikala pakasi pabantu abinji, ngati nganda iyakufuma kwa Mwene, ngati vula iyakusalasata pisote, bakwiza pakusubila u Chala, batakwiza pakumusubila umuntu.

Imbombo 8:1

Po u Sabuli akaba palapala pakusimikizya nizya kughoghiwa ukwa Sitefani. Isiku lilalila ichipanga mu Yelusalemu chikanda pakuvwimiwa nkani. Abitiki bosi ukwefyako abatumiwa, bakanyampana muvigaba vyosi ivya Yudeya nu Samaliya.

Imbombo 8:4

Abitiki babo bakanyampana posi na posi, bakalumbililagha Amazyu Amiza kosi kuko bakabukagha.

Aba Loma 11:24

Amwe mwe bantu babo bate ba Yuda muli ngati zyo samba izya ikwi ilya musyunguti uwa muzi lilyo lipalantiwe nukumamatiziwa kwikwi ilya musyunguti lilyo likabyaliwa. Aba Yuda bali ngati lyo likwi lilyo libyaliwe, po chikwiza pakuba chipepe nkani kwa Chala pakubamamatizya sona isamba kwikwi lilyo lyapalantiwa.