Zekaliya 10:8 - IBAYIBOLO 2024

⁸ Nkwiza pakubafyunizya abantu bane nukubabungannya. Naloliloli nkwiza pakubatabula, po bakwiza pakuba binji nkani pamaso papane.

Zekaliya 10:8 Iomraidhean Croise

1 Abamwene 4:20

Abantu aba muchisu icha Yuda nicha Izilayeli bakaba binji nkani ngati musesenga uwa mulubazu ulwa nyanja. Bakaba bantu abakuhoboka nkani pachifukwa ichakuti bakaba ni vyakulya, sona ni vyakung'wela ivyinji nkani.

Ukufuma 1:7

Loli abaluko lwabo, aba Izilayeli bakapapana nkani sona bakaba binji, na bamaka, umwakuti bakizulana posi na posi muchisu icha Ijiputi.

Yesaya 44:22

Nabwefya ububibi bwako ngati libingu, imbibi zyako nazyefya ngati we kabefu, nyokela kukwane, pakuti nakutabula.”

Yesaya 48:20

Fumamo muchisu icha Babiloni, nukubachimbila aba Babiloni, muzifumusye zinizi nukukolomoka ukwa lusekelo, sona muzilumbililaye ukuti, “U Mwene amutabula umubombi wache u Izilayeli!”

Yesaya 5:26

Akuzikwezekezya indembela inko izya kubutali, nukubafyunizya abantu aba kubumalilo ubwa chisu. Po ennya bakwiza lubilolubilo sona balubilo nkani!

Yesaya 51:11

Abapokiwa aba Mwene bakwiza pakunyokela. Bakwiza pakwinjila mu Ziyoni bo bakwimba inyimbo, nulusekelo ulwa bwila na bwila, lukwiza pakubonekagha pa vyeni vyabo. Bakwiza pakuhoboka nukusekela nkani, po ichitima nukufwifwitila vikwiza pakumala.

Yesaya 7:18

Pisiku lilalila u Mwene akwiza pakubafyunizya aba Ijiputi babo bakwiza ngati mbwele, ukufuma kubutali nkani kulusoko ulwa Ijiputi sona aba Asiliya bakwiza ngati nzuchi.

Yesaya 7:19

Bosi bakwiza pakwikala mumakombe na mumpako, na mumabwe na mumpanya iya mivwa sona nisote iteta.

Yelemiya 33:22

Nkwiza pakubapela abaluko ulwa Devedi umubombi wane naba Levi abaputi babo bakumbombela akabalilo kosi pakuba ngati zyo intondwa sona ngati musesenga uwa mulubazu ulwa nyanja ghugho ghutangabelengiwa.”

Hoseya 1:10

“Loli ubwinji ubwa ba Izilayeli bukwiza pakuba ngati musesenga uwa mulubazu ulwa nyanja, ghugho ghutangapimiwa pamo ukubelengiwa. Pabuzilo bubo bakaneniwa ukuti, ‘Amwe te mwe bantu bane,’ bakwiza pakwitiziwa ukuti ‘Bana aba Chala umumi.’

Mika 2:12

Wee Izilayeli, naloliloli nkwiza pakubabungannya mwebosi poka, naloliloli nkwiza pakubabungannya abantu abakusyalako aba Izilayeli. Nkwiza pakubabungannya ngati ng'ozi muchibagha, sona ngati gho mudimo apakudimilapo, ubuzilo bukwiza pakwizula na bantu abinji nkani.

Zekaliya 9:11

“Wee Yelusalemu, pachifukwa icha libanda lyane ilya lufingo lwane, nkwiza pakubasatula abakayidi binyu muchiliba chicho chite namizi.

Matayi 11:28

“Zagha kukwane, mwebosi mwe mulitite nukung'wamilwa nintamyo, po nkwiza pakubapa ubutuzyo.

Ubuvumbuli 22:17

U Muzimu Umuzelu nu mukolo yuyo akusendwa bakuti, “Zagha!” Umuntu wesi yuyo akwivwa zinizi, wepe anene ati, “Zagha!” Umuntu wesi yuyo ali ni nyota, ize. Umuntu wesi yuyo akughalonda, muleke asende pabulo amizi amapela bumi.

Ubuvumbuli 7:9

Pisinda pazinizi nkenelezya, po nkennya ichilundilo ichikulu icha bantu ichakuti nayumo umuntu yuyo angabelenga. Bakaba bantu aba muchisu chosi, na bantu abaluko losi, na bantu abaneno zyosi nukwimilila pantazi pachitengo icha bumwene, sona na pamaso pa Mwana uwa ng'ozi. Bakavwala inkazo inswepu nukulema isamba izya mabale munyobe zyabo.