Zekaliya 10:6 - IBAYIBOLO 2024

⁶ “Nkwiza pakubapela abantu aba mu Yuda, pakuba bamaka nkani, nukulupoka uluko ulwa Yosefu. Nkwiza pakubanyosezyamo, pachifukwa ichakuti indi nabo ni chililizi. Bakwiza pakuba ngati po intabakanitepo nalumo, pakuti ane ne Mwene u Chala wabo, sona nkwiza pakubamula.

Zekaliya 10:6 Iomraidhean Croise

Masalimo 89:21

Inyobe yane yibanje nawe, Eee, yimupanje amaka.

Yesaya 11:12

Akwiza pakukwezya indembela ku inko, nukubabungannya abazya, babo bakanyapana muchisu icha Izilayeli nicha Yuda, ukwanda kunkuto zyosi izya chisu.

Yesaya 14:1

U Mwene akwiza pakuba ni chililizi na bamunyumba iya Izilayeli, akwiza pakumusala sona nukumwikazya muchisu ichabo ni chabo. Abayeni bakwiza pakuba poka nabo munyumba yache.

Yesaya 41:10

Utakanyilaye, pakuti indi poka nawe, utakatetemaye pakuti ane ne Chala winyu. Nkwiza pakukupa amaka nukukwavwa, nkwiza pakukuvighilila ni nyobe yane indilo ingolosu.

Yesaya 54:4

“Utakanyilaye, utakwiza pakukoziwa isoni. Utakanyilaye pakusamuliwa utakwiza pakwisiwa. Ukwiza pakuluvya isoni zyako izya pabulumendo bwako, sona utakwiza pakukumbuka intamyo izya bufwilwe bwako.

Yesaya 54:8

Mubukali nkani, nkakufisa icheni chane mukabalilo akapimpa bulo, loli ni chisa icha bwila na bwila nkwiza pakuba ni chililizi nawe,” Momumo akunenela u Mwene Umutabuli wako.

Yelemiya 23:6

Mukabalilo kache ichisu icha Yuda chikwiza pakupokiwa sona ichisu icha Izilayeli chikwiza pakwikalagha umwakufwasa. Akwiza pakwitiziwa ni tabwa ilyakuti, ‘U Mwene we Bugholosu bwitu.’ ”

Yelemiya 3:18

Mumasiku ghalaghala ubumwene ubwa Yuda bukwiza pakuba poka nu bumwene ubwa Izilayeli, bosi poka bakwiza pakufuma kuchisu icha kumitu nukubasendela kuchisu chicho nkabapa abanyenya binyu pakuba mpyana yabo.”

Yelemiya 30:18

U Mwene akuti, “Nkwiza pakubanyosekezya abamunyumba iya Yakobo kuchisu chabo, sona nukuba nichililizi pabuzilo bwache ubwakwikalapo, akaya akakulu nkani aka Yelusalemu kakwiza pakuzengiwa sona pa chisami, sona inyumba iya bumwene yikwiza pakuzengiwa pabuzilo bwache.

Yelemiya 30:20

Abana babo bakwiza pakuba ngati mumo bakabela kale, sona ichilundilo chabo chikwiza pakwikalana pamaso papane. Nkwiza pakabafunda babo bakubayivya.

Yelemiya 31:1

U Mwene akuti, “Amasiku ghakwiza ghagho nkwiza pakuba ne Chala uwa luko losi ulwa Izilayeli, sona bakwiza pakuba bantu bane.”

Yelemiya 31:20

Nkimba u Efulayimu te mwana wane umulumendo umughaniwa, nkimba te mwana wane uwa pamoyo? Napapo nkumunena ububibi kabilikabili, loli pope bulo nkumukumbuka. Polelo umoyo wane ghukumusamba, sona nkuba nawe nichililizi ichikulu. Ane ne Mwene nanena.

Yelemiya 31:31

U Mwene akuti, “Akabalilo kakwiza kako nkwiza pakufingana nabo ulufingo ulupya, aba Izilayeli, sona na baluko ulwa Yuda.

Ezekiyeli 36:11

Nkwiza pakubabalizya abantu bane ni vinyamana, sona bakwiza pakupapa abana abinji. Abantu babo bakwikala pakasi papinyu nkwiza pakubabalizya ngati mumo bakabela kale sona ivintu vikwiza pakubendelagha akiza ukuchila kale. Po mukwiza pakumanya ukuti ane ne Mwene.

Ezekiyeli 36:37

“U Mwene Uwamaka Ghosi akuti: Chicho nkwiza pakubamula sona aba Izilayeli bo bali pakulaba kukwane ukuti imbabombele chakuti, imbabalizye babe ngati mudimo uwa ng'ozi,

Ezekiyeli 37:16

“Wee mwana uwa muntu, senda indisa nukusimbapo ukuti, ‘Yaba ya Yuda naba Izilayeli bakwangalilana nawe.’ Po usende sona indisa iyamwabo usimbepo uti, ‘Yaba ya Yosefu kokuti u Efulayimu, naba Izilayeli bakwangalilana nawe.’

Ezekiyeli 39:25

“Polelo u Mwene Uwamaka Ghosi akuti: Nkwiza pakumunyosezya ubwiza u Yakobo sona nkwiza pakuba ni chililizi pabantu bosi aba mu Izilayeli, nkwiza pakuba nubuzuba nitabwa lyane izelu.

Hoseya 1:11

Abantu aba mu Yuda, naba mu Izilayeli bakwiza pakuba poka. Bakwiza pakusala umulongozi weka, sona ivintu vikwiza pakubendela akiza muchisu chabo, pakuti isiku ilya Yezileli likwiza pakuba likulu nkani.

Hoseya 1:7

Loli nkwiza pakuba nichililizi na banyumba iya Yuda, sona nkwiza pakubapoka. Ntakwiza pakubombezya ubwele, nupanga pamo ubwite, pamo ifalasi, na bantu abakukwela pafalasi izya bwite. Loli nkwiza pakubapoka na maka agha Mwene u Chala wabo.”

Hoseya 14:9

Nkimba muntu wenu uwa mahala? Ivwisye ivintu vyosi vinivi. Nkimba muntu wenu yuyo akuvyaghannya ivintu vinivi, avimanye ivintu vinivi. Pakuti izila izya Mwene zigholokite, sona abagholosu bo babo bakwendamo, loli abantu abasambuke bakwipunulamo.

Hoseya 2:23

Nkwiza pakubikazikizya aba Izilayeli muchisu chane, nkwiza pakuba nichililizi na bantu babo kale intakabaghana.” Abantu babo batakitiziwa ukuti, “Mute mwe bantu bane.” Nkwiza pakubitizya ukuti, “Amwe mwe bantu abane.” Bakwiza pakunena ukuti, “Awe we Chala witu.”

Obadiya 1:18

Abaluko ulwa Yakobo bakwiza pakuba ngati moto, sona abaluko ulwa Yosefu bakwiza pakuba ngati ndimi iya moto. Loli abaluko ulwa Esabu bakwiza pakupya, ngati mumo umoto ghukochela ivizinka. Atakwiza pakubako nayumo uwakupona pabaluko ulwa Esabu.” U Mwene anena.

Mika 4:13

U Mwene akuti, “Wee Ziyoni, nyamuka nukukoma, pakuti nkwiza pakukupa impembe izya chela. Nkwiza pakukupa inyayo izya chela icha mukuba, po ukwiza pakuzipyolannya inko inyinji mu tunanditunandi.” Ukwiza pakumupa u Mwene ubukabi bwabo bubo ukamufyula, sona ukwiza pakumupa ubukabi bwabo bosi u Mwene uwa chisu chosi ichapasi.

Mika 4:6

U Mwene akuti, “Pakabalilo kalakala nkwiza pakubabungannya abalemazu, nkwiza pakubabungannya abazya, sona na babo imbapeleye ichitima.

Mika 5:3

Polelo u Mwene akwiza pakubabika aba Izilayeli munyobe izya balwani, mupaka pakabalilo kako umukolo yuyo ali nulwanda asayiwe, sona abanji bosi abaluko lwache bakwiza pakunyokela nukwikala poka naba Izilayeli.

Mika 5:8

Abakusyalako aba Yakobo bakwiza pakwikala pakasi pa inko, pakasi pabantu abinji nkani, ngati nkalamu yiyo yili pakasi pa vinyanama ivya mumusitu, ngati mwana uwa nkalamu yuyo ali pakasi pa mudimo uwa ng'ozi, yuyo akuzikanyankila nukuzizepulannya mutuvigaba, sona atalipo nayumoyumo uwakuzipoka.

Mika 7:16

Inko zikwiza pakwennya, nukukoziwa isoni, pachifukwa icha maka ghabo. Bakwiza pakubika inyobe zyabo pamalomo ghabo, sona amakutu ghabo ghakwiza pakuba na mapuli.

Zekaliya 1:16

“Polelo u Mwene akuti, ‘Nanyokela ku Yelusalemu nu moyo uwa chililizi, po palapala inyumba yane yikwiza pakuzengiwapo sona.’ U Mwene Uwamaka Ghosi ati, ‘Nkwiza pakugholosezya ulukusa ulwakupimila pa Yelusalemu.’

Zekaliya 10:12

Nkwiza pakubakazya abantu bane mwa Mwene, sona mwitabwa lyache bakwiza pakwenda.” U Mwene anena.

Zekaliya 13:9

Ichigaba ichabutatu nkwiza pakuchisumbila mumoto. Nkwiza pakubaswefya ngati we siliva, sona nukubayela ngati we golide. Bakwiza pakulyiputa itabwa lyane, nkwiza pakubamula po nkwiza pakunena ukuti, ‘Bantu bane.’ Abene bakwiza pakwamula ukuti, ‘U Mwene we Chala witu.’ ”

Zekaliya 8:11

Loli ilelo ntakwiza pakubabombela ichintu chimo abakusyalako bala, ukuyana namumo nkabombela kale.” U Mwene Uwamaka Ghosi anena.

Zekaliya 9:16

Pisiku lilalila u Mwene u Chala wabo akwiza pakubapoka, ngati zyo ng'ozi izya bantu bache. Bakwiza pakulama ngati mabwe aghamutengo, agha pa mpumpu.