Zekaliya 10:4 - IBAYIBOLO 2024

⁴ Pakasi papabo akwiza pakubonekapo weka, yuyo akwiza pakuba ngati libwe ilya pankuto, nutwakukomelela ichisakasa, nubwele ubwakulwila ubwite, sona na balaghili bosi.

Zekaliya 10:4 Iomraidhean Croise

Ubwandilo 49:24

Loli ubwele bwache bukaba bwa maka, sona inyobe zyache zyamaka, pachifukwa icha Uwamaka Ghosi uwa Yakobo, pakuti we mudimi, sona lyalabwe ilya Izilayeli.

Ezila 9:8

“Loli ilelo pakabalilo akapimpa bulo, u Mwene u Chala witu atupeleye ichisa pakubaleka bumi abantu abanji pakasi papitu nukwinjila mubuzilo bwako ubuzelu bula. Utupokite kubuzya nukutupa ubumi ubupya.

Masalimo 118:22

Ibwe lilyo abazengi bakalikana ukuti lite ni mbombo, ilelo lyaba lyakulondiwa nkani ukuchila amabwe ghosi.

Yesaya 19:13

Amakambala agha mu Zowani ghaba mapunganu, abalongozi aba mu Memfisi babazimbula abantu, abalongozi banaba bazisovya inko izya mu Ijiputi.

Yesaya 28:16

U Mwene Uwamaka Ghosi akuti, “Ennya, nkwala ibwe mu Ziyoni, ibwe ilya mutengo ilya pankuto palwalo ulwanaloli, umuntu wesi yuyo akusubila mumwache, atakwiza pakukoziwa isoni.

Yesaya 49:2

Akaghupela umulomo wane pakuba ngati wepanga yuyo akwete kosikosi. Ninyobe iyache ni yache akanvighilila ane. Akampela ane pakuba ngati ne kalasilo kako bakayannya pakubombezya.

Yesaya 54:16

“Ennya, nene nkabapela abakusyana, babo bakupemba umoto uwa mazimwa, nukuyanizizya ivilwilo. Sona nene nkamupela umughoghi, ukuti akunangannye.

Yelemiya 1:18

Ilelo nakupela pakuba we kaya akakulu nkani akakuzyunguliliwa ni linga, ni mpanda iya chela, sona nulubumba ulwa mukuba, umwakuti utakachinyilaye ichisu chosi, abamwene bosi aba mu Yuda pamo amakambala ghache pamo abaputi bache sona na bantu aba muchisu chilachila.

Yelemiya 51:20

U Mwene akumubuzya u Babiloni akuti, “We ntughu yane, we nyondo yane iya kulwila ubwite, wewe ukunyavwa pakuzitizannya inko izya bantu, wewe nkubombezya pakubunangannya ubumwene,

Zekaliya 9:10

U Mwene akuti, “Nkwiza pakuzyefya ingolo izya bwite kwa Efulayimu, sona ifalasi izya bwite kwa Yelusalemu, bope ubwele ubwakulwila ubwite bukwiza pakupyoliwa. U mwene winyu akwiza pakufumusya umutende pakasi pa inko zyosi. Ubulaghili bwache bukwiza pakwandila kunyanja mupaka kunyanja iyinji, ukwandila sona kulusoko ulwa Yufuleti mupaka kubumalilo ubwa chisu.

Zekaliya 9:8

Ane nkwiza pakuba ne mulindilili uwa chisu, umwakuti atakabepo uwakwendamo. Nayumoyumo umuyivyi akwiza pakubapota abantu bane, pakuti ilelo nkubenelezya.

Ukubelengiwa 24:17

Nkwennya muntazi, nkwennya uluko lwaba Izilayeli. Umwene yuyo ayanite nu lutondwa, akwiza pakuba wa munyumba iya Yakobo. Indisa iya bumwene yikwiza pakuba ya munyumba iya Izilayeli. Indisa yache yikwiza pakubakoma abalongozi aba Mowabu, sona yikwiza pakulupota uluko ulwa Seti.

Matayi 9:38

Iputa kwa Chala, umwenecho uwa mughunda, ukuti atume abambombo pakwinula.”

Luka 20:17

U Yesu akabennya nukubalalusya ukuti, “Po nkimba Amasimbo ghanagha ghakung'anamula choni? ‘Ibwe lilyo abazengi bakalikana ukuti lite ni mbombo, ilelo lyaba lyakulondiwa nkani ukuchila amabwe ghosi.’

Aba Efeso 2:20

Namwe bulo muzengiwe palwalo lulo lukaliwa na batumiwa na balaghuzi. U Kilisitu u Yesu umwenecho we libwe ilya pankuto.

2 Timoti 2:4

Nayumo umusilikali yuyo akubomba imbombo nukupasikizyako sona imbombo izya kukaya, pakuti akulonda pakumuhobosya usongo wache.

1 Pitala 2:6

Pakuti Amasimbo ghakuti, “Nkasala ibwe ilyamutengo, lilyo nkwala mu Ziyoni pakuba lya pankuto. Po umuntu wesi yuyo akusubila mumwache atakwiza pakukoziwa isoni.”

Ubuvumbuli 17:14

Bakwiza pakulwa ubwite nu Mwana uwa ng'ozi. Loli u Mwana uwa ng'ozi na bitiziwa poka na basaliwa bache, bakwiza pakubapota pachifukwa ichakuti u Mwana uwa ng'ozi we Mwene uwa bamwene, sona we Mulaghili uwa balaghili.”

1 Samuweli 14:38

Polelo u Sabuli akati, “Mwee balongozi aba basilikali, zagha kuno, umwakuti twennye imbibi yiyo yabombiwa ilelo.