Zekaliya 10:3 - IBAYIBOLO 2024

³ U Mwene Uwamaka Ghosi akuti, “Ukukalala kwane kukwaka pabadimi, sona nkwiza pakubafunda abalongozi. Pakuti nkwiza pakuzisungilila ing'ozi zyane, abantu aba mu Yuda, nkwiza pakubapela pakuba bamaka nkani ngati falasi izya bwite.

Zekaliya 10:3 Iomraidhean Croise

Yobu 39:25

Nanti ipati likulila, akuti, ‘Aha!’ Izyene zimenye pakwivwa umunusi uwabwite kubutali sona zikwivwa nanti usongo uwabwite akwitizya ivilundilo ivya bwite.

Ukufuma 4:31

Aba Izilayeli bala bakasubila, sona bo bivwa ukuti u Mwene aghennya amayimba ghabo, sona nukuti akaba ni chitima nabo, bakafughama nukumwiputa.

Ivyili 21:31

Ifalasi yikuyaniziwanga pisiku ilya bwite, loli ubupoti buli munyobe izya Mwene.

Inyimbo izya Solomoni 1:9

Wee wapamoyo wane, nkukufwanikizya ni falasi, yiyo yikuwesa ingolo izya Falabo.

Yesaya 10:12

Po u Mwene ayimalizya imbombo yache yosi Pighamba ilya Ziyoni na mu Yelusalemu akwiza ukunena ukuti, “Nkwiza pakumufunda u mwene uwamu Asiliya, pachifukwa icha mituvyo nukwikwezya.

Yesaya 24:21

Mwisiku lilalila u Mwene akwiza pakubafunda abamaka bosi, babo bali pamwanya na bamwene aba muchisu ichapasi.

Yelemiya 10:21

Abalongozi bitu bapunganu sona batakubuzikizya kwa Mwene, pachifukwa chinichi ivintu vitakubendela akiza, sona imidimo yabo yinyampanite bulo.

Yelemiya 11:22

Pakuti u Mwene Uwamaka Ghosi akuti, “Nkwiza pakubafunda abalumendo aba ku Anatoti bakwiza pakughoghiwa nupanga, sona abana babo abalumendo na balindu bakwiza pakughoghiwa nizala.

Yelemiya 25:12

“Po nanti amaka 70 ghamala, nkwiza pakumufunda u mwene uwa Babiloni poka na bantu bache, ni chisu icha bantu aba mu Babiloni, pachifukwa icha mbibi zyabo, sona nkwiza pakuchipela pakuba chisami bwila na bwila.

Yelemiya 25:34

Mwee badimi, mulilaye nukufwifwitila nkani. Mwee balongozi aba bantu bane, mughalaghataye mulufumbi. Pakuti akabalilo kinyu akakughogheliwa kafika, sona mukwiza pakughoghiwa ngati bo badubi.

Yelemiya 50:6

“Abantu bane basobelite ngati zyo ng'ozi, abadimi babo babapuvizye nukubapela ukuti bendabendaye pamaghamba. Bakendakenda pamaghamba sona na patughamba, nukuluvya ubuzilo bwabo ubwakutuzyapo.

Ezekiyeli 34:11

“ ‘Pakuti u Mwene Uwamaka Ghosi akuti: Ane nemwene nkwiza pakuzilonda ing'ozi zyane nukuzisungilila.

Ezekiyeli 34:12

Ngati mumo umudimi akuzilondelezezya ing'ozi zizyo zyanyampana, momumo nane nkwiza pakubombela. Nkwiza pakuzipoka kubuzilo bosi bubo zinyampanikiyeko pisiku ilya mabingu nilya chisi.

Ezekiyeli 34:2

“Wee mwana uwa muntu, laghula umwakubasusya abadimi aba mu Izilayeli, laghula nukubabuzya ukuti, ‘Izi zyo zizyo u Mwene Uwamaka Ghosi akambuzya akati: Chighune ku badimi aba mu Izilayeli babo bakwisungilila bene! Nkimba abadimi batakughusungilila umudimo?

Daniyeli 11:32

U mwene yula akwiza pakubazimbula na mazyu aghakubadebula abantu babo bakulunangannya ulufingo. Loli abantu babo bamumenye u Chala bakwiza pakwima nkani.

Zefaniya 1:8

“Pisiku ilyachakwiyipa icha Mwene, nkwiza pakughafunda amakambala nabana bamwene, sona nabantu babo bakubomba inyiho injeni.

Zefaniya 2:7

Chikwiza pakuba cha bakusyalako icha Yuda, kulakula bakwiza pakwagha apakudimilapo. Pachamabwila bakwiza pakughona munyumba izya Ashikeloni. U Mwene u Chala wabo akwiza pakubasungilila, po akwiza pakubanyosezya ubwiza bwabo.

Zekaliya 11:17

Chighune nkani kwa mudimi uwa mwalwemwalwe, yuyo akuzitoloka ing'ozi! Leka inyobe yache yidumuliwanje, sona lyope ilyiso lyache ilya ndilo lidoboliwanje! Leka inyobe yache yilemalaye nukulemala, ilyiso lyache ilya ndilo lifwilaye zila!”

Luka 1:68

“Amapalo ghabanje kwa Mwene, u Chala uwa ba Izilayeli, pakuti iza pakubavwa abantu bache nukubasatula.

1 Pitala 2:12

Inkalo yinyu pakasi pabantu abakuzi yibanje nyiza nkani, umwakuti bo bakubatamantila ukuti mwe bantu ababibi, bazyaghannye imbombo zyinyu inyiza. Po bakwiza pakumuchindika u Chala pisiku ilya kwiza kwache.

Luti 1:6

Bo u Nabomi ivwa ukuti u Mwene abavwa abantu bache ni vyakulya, u Nabomi poka na balasagha bache babili bala bakanda ukwiyannya pakwepamo mu Mowabu nukubwela kukwabo.