Zekaliya 10:11 - IBAYIBOLO 2024

¹¹ Abantu bane bakwiza pakudumusannya munyanja iya ntamyo, nkwiza pakughamazya amayigha agha panyanja. Ubwibizu ubwa lusoko ulwa Nayilo bukwiza pakupwa, kope ukwituvya ukwa ba Asiliya kukwiza pakwisiwa, indisa iya bumwene iya ba Ijiputi yikwiza pakupyoka.

Zekaliya 10:11 Iomraidhean Croise

Ubwandilo 8:1

Loli u Chala akamukumbuka u Nowa poka ni vitekwa ni vinyamana vyosi ivyamuzi vivyo akaba navyo mubwato mulamula. Po akalamula ukuti impepo yande pakukuka, panapo na panapo amizi ghala ghakanda pakupwa.

2 Abamwene 2:14

Akakoma pamizi nu mwenda uwa Eliya ghula nukuti, “Nkimba ali ko kwiyi u Mwene u Chala uwa Eliya?” Bo akoma sona, amizi ghala ghakagabinkana, po u Elisha akaloboka.

2 Abamwene 2:8

U Eliya akavula inkazo yache nukuyivunga, sona akakoma nayo pamizi. Amizi ghala ghakagabinkana umwakuti u Eliya nu Elisha bakaloboka pabumizu.

Ezila 6:22

Bakaba nu Lusekelo ulwa Chibama chicho chite ni chilungo umwakuhoboka amasiku seveni, pachifukwa ichakuti u Mwene akabahobosya nkani pakumupela u mwene uwamu Asiliya ukuti andule inyinong'ono zyache, umwakuti akabavwa pambombo iyakuzenga Inyumba iya Chala uwa Izilayeli.

Masalimo 114:3

Inyanja yikennya nukuchimbila, ulusoko ulwa Yolodani lukanyokela.

Masalimo 114:5

Wee nyanja, nkimba choni chicho ukuchimbila? Wee lusoko ulwa Yolodani, nkimba choni chicho ukunyokela.

Yesaya 14:25

Nkwiza pakubanangannya aba Asiliya babo bali muchisu chane, nukubakanyankila pamwanya pighamba lyane. Po ikoli likwiza pakwefiwapo pabantu bane, poka nu katundu pavipunko vyabo.”

Yesaya 19:16

Pisiku lilalila aba Ijiputi bakwiza pakuba ngati bakolo. Bakwiza pakutetema nukunyila pamaso pa Mwene Uwamaka Ghosi pachifukwa icha bukali bubo akwiza pa kubalanjizya.

Yesaya 43:2

Bo ukuloboka pamizi, nkwiza pakuba nawe, sona bo ukuloboka isoko, zitakwiza pakukudwibizya. Bo ukwenda pamoto, utakwiza pakupya, ghutakwiza pakukulungulizya, indimi izya moto zitakwiza pakubazimizya.

Yesaya 44:27

nizyu lyane nkutulamula utusoko ukuti, ‘Kamuka, po nkukamusya utusoko twako tula,’

Yesaya 51:10

Nkimba utakaba wewe ukakamula inyanja, amizi amibizu nkani, nkimba utakaba wewe ukapela imisebo munyanja umwakuti babo wabapoka baloboke?

Yesaya 51:9

Vundumuka, vundumuka! Mujimbaye, Wee nyobe iya Mwene, vundumuka ngati mumo ukabombelagha, mumasiku ghagho ghachilapo pakabalilo aka nkulilo iya kale. Nkimba utakaba wewe ukamudumulannya u Lahabu muvipuza, nukuyilasa injoka yila?

Ezekiyeli 30:13

“ ‘U Mwene Uwamaka Ghosi akuti: Nkwiza pakuvinangannya ivifwani, nukumazya abachala abavifwani aba mu Memfisi. Mutakwiza pakubamo sona u mwene muchisu icha Ijiputi, sona nkwiza pakubikamo ubogha muchisu chosi.

Zefaniya 2:13

U Mwene akwiza pakulanjizya amaka ghache pakulwana nichigaba icha kumitu nukumunangannya u Asiliya, akwiza pakukapela akaya aka Ninive pakuba chisami, sona chikwiza pakuba chumizu ngati nkolongo.

Ubuvumbuli 16:12

Uwantumi wasikisi akakupulila vivyo vikaba mulubako lwache mulusoko ulwa Yufuleti. Ulusoko lukapwa pakubayanizizya izila abamwene abakubufumilo bwizuba.