Zekaliya 10:1 - IBAYIBOLO 2024

¹ Mulabaye ivula kwa Mwene pakabalilo aka chisiku, yuyo akutuma amabingu aghavula, sona akubapa abantu ivula iyakusalasata, akumezya ivibyalwa mumaghunda agha muntu wesi.

Zekaliya 10:1 Iomraidhean Croise

1 Abamwene 17:1

Pakabalilo kalakala umulaghuzi u Eliya umu Tishibi uwamu Giliyadi akamubuzya u mwene u Ahabu akati, “Nkulapa pamaso pa Mwene u Chala umumi uwa Izilayeli, yuyo nkumubombela ukuti patakwiza pakubako inganda pamo ivula amaka matatu ghagho ghakwiza.”

Yobu 29:23

Bakandindililagha ngati bantu babo bakulindilila ivula, sona bakasama bulo imilomo yabo, ngati bantu babo bakulindilila ivula iya lupepo.

Masalimo 104:13

Akughasembelela amaghamba na mizi agha kumwanya, chope ichisu ichapasi chikwikuta ni seke izya mbombo zyache.

Masalimo 135:7

Akughakwezya amabingu ukwanda kubumalilo ubwa chisu, akunyampannya utumesya utwa vula, po akutuma impepo ukufuma munyumba izyakusungilamo.

Masalimo 65:9

Ukuchisaya ichisu ichapasi pakuchitumila ivula. Ukuchipela pakuba chamuvundo nkani. Po sona ukuzyizuzya isoko na mizi. Bope abantu ukubamezezya ingano. Pakuti momumo uchiyanizizye.

Masalimo 72:6

Akwiza pakuba ngati vula yiyo yikutima pamaghunda, sona ngati vula iyakusalasata pachisu.

Ivyili 16:15

Bo icheni icha mwene chikulama kokuti mulimo ubumi, sona ichisa chache chili ngati mabingu agha vula pachisiku.

Yesaya 30:23

Akwiza pakubatumila ivula iyakumezya imbeyu zizyo mubyalite, mukwiza pakuba nivyakulya vivyo seke izya mwitope ivyiza sona ivyinji. Mwisiku lilalila ing'ombe zyinyu zikwiza pakulya mubuzilo ubukulu nkani.

Yesaya 44:3

Pakuti nkwiza pakupungulila amizi pachisu ichanyota, nukubika utusoko pachisu ichumizu, Nkwiza pakupungulila u Muzimu wane pabana binyu, sona nu lusayo lwane pabaluko lwinyu.

Yesaya 5:6

Nkwiza pakughuleka ukuti ghubanje nkolongo. Ntakwiza pakughupalanta pamo ukulimamo, sona mukwiza pakumela abantolovu na mivwa. Nkwiza pakughalamula amabingu ukuti ghatakatimizyanje ivula.”

Yelemiya 10:13

Bo akujilimisya, amizi kumwanya ghakupongomoka. Weyuyo akukwezya amabingu ukwanda kubumalilo ubwa chisu chosi ichapasi. Weyuyo akulamizya utumesya ni vula sona akuyifumya impepo muchipinda ichakusungilamo.

Yelemiya 14:22

Nkimba alimo yumo u chala umumyasi, pakasi pa inko izinji yuyo angapela ivula? Nkimba mumwanya mungapela ivula? Wee Mwene u Chala witu, awe wewe wemwene. Pakuti tukusubiye wenewe mpela pakuti wewe ukuzibomba zyosi zinizi.”

Yelemiya 5:24

Batakunena mumoyo ghabo ukuti, ‘Zagha tumunyilaye u Mwene u Chala witu, yuyo akutupa ivula iya chizimyalupya pakabalilo kache, sona ni vula iyamaka pakabalilo kache, sona atwimikiye amasiku aghakutuzikizya nagha nyinulo.’

Yelemiya 51:16

Bo akujilimisya, amizi kumwanya ghakupongomoka. Weyuyo akukwezya amabingu ukwanda kubumalilo ubwa chisu chosi ichapasi. Weyuyo akulamizya utumesya ni vula sona akuyifumya impepo muchipinda ichakusungilamo.

Ezekiyeli 34:26

Nkwiza pakubasaya abantu bane poka nu buzilo bubo buzyunguliye akaghamba kane. Nkwiza pakutuma ivula pakabalilo kache, po yikwiza pakuba vula iya lusayo.

Ezekiyeli 36:37

“U Mwene Uwamaka Ghosi akuti: Chicho nkwiza pakubamula sona aba Izilayeli bo bali pakulaba kukwane ukuti imbabombele chakuti, imbabalizye babe ngati mudimo uwa ng'ozi,

Hoseya 10:12

Mwipeselaye mwebene ubugholosu umwakuti mwinulaye, lughano lulo lutakupotwapo nalumolumo. Puzannya amaghunda ghinyu, pakuti ko kabalilo akakumulondela u Mwene, mupaka u Mwene ize nukubapungulila ubugholosu.

Hoseya 6:3

Zagha tumumanye u Mwene, zagha tulemezye nkani pakumumanya. Naloliloli akwiza pakuboneka ngati ko kubuche. Akwiza pakutwizila ngati mumo yibeleye ivula pachisiku, sona ngati mumo yikutimila ivula pachisu ichapasi pakabalilo aka lupepo.”

Amosi 4:7

“Nkayilema ivula, bo inyinulo yinyu yasyala amezi matatu. Nkatimizya ivula mukaya kamo akakulu, loli intakayitimizya mukaya akanji akakulu. Ivula yikatima mumughunda ghumo, loli mumughunda ughunji ivula yitakatimamo, po imbeyu zikuma.

Mika 5:7

Abakusyalako aba Yakobo, bakwiza pakwikala pakasi pabantu abinji, ngati nganda iyakufuma kwa Mwene, ngati vula iyakusalasata pisote, bakwiza pakusubila u Chala, batakwiza pakumusubila umuntu.

Yohani 16:23

“Bo isiku lila lyakwana, mutakwiza pakundalusya nachimo. Naloli nkubabuzya ukuti Utata akwiza pakubapa chosi chicho mukulabila mwitabwa lyane.

1 Aba Kolinti 3:6

Ane nkabyala imbeyu, wepe u Apolo akasembelela amizi, loli akaba we Chala yuyo akayimezya imbeyu yila.

Ukukumbusya Amalamulo 28:23

Kumwanya kutakwiza pakubatimikizya ivula nayimoyimo, po ichisu chikwiza pakuba chumizu ngati cho chela.

Yakobo 5:7

Mwee bakamu bane, mubanje bafisalyoyo mupaka u Mwene ize. Ennya mumo umulimi akulindilila ukuti umughunda wache wele ivikomwa ivyiza nukulindilila mubufisalyoyo mupaka apokela ivula iyakwanda ni yabumalilo.