Zekaliya 1:4 - IBAYIBOLO 2024

⁴ Mutakabanje ngati bo banyenya binyu, babo kale abalaghuzi bakababuzyanga amazyu ghane. Bakababuzyanga ukuti, ‘Baleke ububibi bwabo sona ni mbibi zyabo loli batakanteghelezya pamo ukunyivwila.’ U Mwene Uwamaka Ghosi anena.

Zekaliya 1:4 Iomraidhean Croise

2 Imbili 30:6

Bo u mwene alamula, intumi zikabuka mu Izilayeli, na mu Yuda mosi na bakalata abakufuma kwa mwene, na kumakambala ghache aghakuti, “Mwee bantu mwebosi aba mu Izilayeli, nyokela kwa Mwene u Chala uwa Abulahamu nuwa Yisaki nuwa Yakobo ukuti wepe anyokele kukwinyu, amwe mwe muponite munyobe izya bamwene aba mu Asiliya.

2 Imbili 30:7

Mutakabanje ngati banyenya binyu, na bakamu binyu, babo batakaba basubiliwa kwa Mwene u Chala uwa banyenya babo, umwakuti akabapela pakuba chintu ichakoghofya ngati mumo mukwenezezya.

2 Imbili 34:21

“Buka mumbuzikizyeko kwa Mwene sona na mubuzilo ubwa bantu bosi babo bakasyala mu Izilayeli na mu Yuda ukuyana na zizyo zisimbiwe mwibuku lilyo lyaghiwa. Pakuti ubukali ubwa Mwene bubo bukwaka papitu bukulu nkani, pachifukwa ichakuti abanyenya bitu batakivwila zizyo u Mwene akanena sona batakazikonka zizyo zisimbiwe mwibuku ili.”

Ezila 9:7

Ukwanda pakabalilo aka banyenya bitu mupaka nilelo bulo, twananga nkani. Pachifukwa icha mbibi zyitu, aswe na bamwene bitu poka na baputi bitu twabikiwa munyobe izya bamwene aba inko izinji, twaghoghiwa nukulemiwa pakuba bakayidi, twafyuliwa ivintu vyitu sona twakoziwa isoni pamaso pa bamwene aba inko izinji ukuyana namumo vibeleye pakabalilo aka.

Nehemiya 9:16

“Loli abanyenya bitu bakitutumula nukuba na moyo amakafu, po batakaghakonkagha amalamulo ghako.

Nehemiya 9:26

“Pope bulo batakivwilagha sona bakakusambukila nukuzisulannya indaghilo zyako. Bakabaghogha abalaghuzi bako, babo bakabasokagha ukuti banyokele kukwako. Bakakusamula pakubomba ichintu ichibibi nkani.

Nehemiya 9:30

Awe ukabafisila ilyoyo amaka aminji nkani. Ukababuzya abalaghuzi bako ukwendela mu Muzimu wako ukuti babasokaye. Pope bulo abantu bako bakaba na mapuli, po ukababika munyobe izya bantu aba inko izinji.

Masalimo 78:8

Po batakabanje ngati banyenya babo, inkulilo yiyo yitakwivwila sona ni yakusambuka, abantu babo amoyo ghabo makafu kwa Chala, sona imizimu yabo te misubiliwa kwa Chala.

Yesaya 31:6

Mwee ba Izilayeli nyokela kukwache yuyo mumusamubukiye.

Yelemiya 18:11

“Po ilelo buka ubabuzye abantu aba muchisu icha Yuda na babo bakwikala mu Yelusalemu uti, ‘U Mwene akuti: Nkwinong'ona pakubabombela ichintu ichibibi, sona nkwiyannya nukubatika zizyo nkwiza pakubabombela. Po umuntu wesi anyokeko ku zila zyache imbibi naku mbombo zyache zizyo akuzibomba. Leka inkalo zyinyu imbibi ni mbombo zyinyu.’

Yelemiya 23:22

Nanti bakimilila lumo mulukomano lwane, po ngali bakalumbilila amazyu ghane ku bantu bane, sona ngali bakabanyosyako ku zila zyabo imbibi, nakumbombo zyabo imbibi.”

Yelemiya 25:8

Polelo u Mwene Uwamaka Ghosi akuti, “Pachifukwa ichakuti mutaghivwila amazyu ghane,

Yelemiya 26:5

sona nanti mutakughivwila amazyu agha babombi bane abalaghuzi babo nkabatumila akabalilo na kabalilo, loli mutakivwila,

Yelemiya 3:12

U Mwene akati, “Buka ufumusye amazyu amiza kumitu, ‘Nyokela Izilayeli we musita kusubiliwa, icheni chane chitakwiza pakukukalalila, pakuti ane ne wachisa, ntakwiza pakukukalalila bwila na bwila. Ane ne Mwene nanena.

Yelemiya 3:14

U Mwene akuti, “Nyokela kukwane mwe bantu abasita kusubiliwa, pakuti ane ne mulume winyu. Nkwiza pakumusenda weka ukufuma mukaya koka sona babili ukufuma muluko loka ukubuka namwe ku Ziyoni.

Yelemiya 35:15

Kabilikabili nkabatumilagha ababombi bane abalaghuzi ukuti bize bababuzye ukuti, “Umuntu wesi mumwinyu azileke imbombo zyache imbibi. Yannya inkalo zyinyu, sona mutakabakonkaye abachala abanji nukubabombela. Po mukwiza pakwikala muchisu chicho imbapiye amwe na baghuso.” Loli pope bulo mutakanteghelezya sona mutakanyivwila.

Yelemiya 4:1

U Mwene akuti, “Mwee ba Izilayeli, nanti mukulonda pakunyokela kukwane, nyokela. Mwefyepo ivifwani ivinyazu vyosi pamaso papane, sona mutakusobelapo nalumo,

Yelemiya 44:16

“Aswe tutakwiza pakuteghelezya amazyu ghagho watubuzya mwitabwa ilya Mwene!

Ezekiyeli 14:6

“Polelo ubabuzye aba Izilayeli ukuti, ‘U Mwene Uwamaka Ghosi akuti: Pinduka! Vileghuke ivifwani vyinyu nukubuleka ubunyazu bosi!

Ezekiyeli 20:18

Nkababuzya abana babo munkolongo ukuti, “Mutakazikonkaye indaghilo izya banyenya binyu pamo ukusunga amalamulo ghabo pamo pakwinyazya mwebene ni vifwani vyabo.

Ezekiyeli 33:11

Ubabuzye ukuti, ‘U Mwene Uwamaka Ghosi ati: Naloliloli nkulapa, intakuhoboka nimfwa iya muntu umubibi, loli nkuhoboka nanti akuzileka imbibi nukuba nubumi. Mwee ba Izilayeli nyokako nukuzileka izila zyinyu imbibi! Nkimba mukufwilachi?’

Ezekiyeli 33:4

po nanti yumo akwivwa ukulila ukwa ipati loli atakwivwila isoki akwiza pakufwila kubwite, inongwa iyamfwa yache yikwiza pakuba papache.

Daniyeli 9:6

Tutakabateghelezya ababombi bako abalaghuzi, babo bakanenela mwitabwa lyako ku bamwene bitu, na balongozi bitu, na banyenya bitu, sona na bantu bosi aba muchisu.

Hoseya 14:1

Mwee ba Izilayeli, nyokela kwa Mwene u Chala winyu. Imbibi zyinyu zyabawisya!

Amosi 5:24

Loli buleke ubwanaloli bwendaye ngati lusoko, bope ubugholosu bwendaye ngati kasoko kako katakupwa nalumo.

Mika 2:6

Abantu bakulumbilila kukwane bakuti, “Mutakalumbililaye kukwitu. Mutakalumbililaye ukuyana nazinizi. U Chala atakwiza pakutukozya isoni.”

Zekaliya 1:3

Polelo babuzye abantu ukuti: U Mwene Uwamaka Ghosi ati, ‘Nyokela kukwane, po nane nkwiza pakunyokela kukwinyu.’ U Mwene Uwamaka Ghosi anena.

Zekaliya 7:7

Nkimba te mazyu ghagho u Mwene akalumbilila ukwendela mubalaghuzi abavula intazi bala, bo akaya aka Yelusalemu poka nutwaya utukulu tuto tukazyunguliye tuli pamutende sona, kuchigaba icha kuntende sona na mumaghamba, kuko bakikalagha?’ ”

Imbombo 26:20

Pakwanda nkalumbilila mu Damasika, ukufuma mula nkalumbilila mu Yelusalemu, sona na mosi mu Yudeya, na pakasi pabantu babo bate ba Yuda ukuti bazileke imbibi zyabo nukupindukila kwa Chala nukubomba ivintu vivyo vingalanjizya ukuti bapindukite naloli.

Imbombo 3:19

Muzileke imbibi zyinyu nukupindukila kwa Chala, ukuti azimye imbibi zyinyu. Nanti mukubomba bunubu u Mwene akwiza pakubapa akabalilo akakutuzikizya,

1 Pitala 1:18

Pakuti muzimenye ukuti mukasatuliwa kunkalo zyinyu imbibi zizyo mukapyana ku banyenya binyu. Amwe mutakasatuliwa ni vintu vimo vivyo vikunanganika ngati we siliva pamo ugolide.