Zekaliya 1:17 - IBAYIBOLO 2024

¹⁷ “Endelela pakufumusya bulo ukuti: U Mwene Uwamaka Ghosi ati, ‘Utwaya twane utukulu nkani tukwiza pakwizula ni vintu ivyiza, po u Mwene akwiza pakumusangalusya sona u Ziyoni nukumusala u Yelusalemu.’ ”

Zekaliya 1:17 Iomraidhean Croise

2 Imbili 6:6

Loli ilelo nakasala akaya akakulu nkani aka Yelusalemu ukuti nikalaye mulamula sona namusala u Devedi ukuti abanje mulongozi uwa bantu bane aba Izilayeli.’

Nehemiya 11:20

Po aba Izilayeli abanji bosi na baputi naba Levi bakikalagha mutwaya tosi utukulu utwa mu Yuda sona umuntu wesi akikalagha pabuzilo ubwa banyenya bache.

Nehemiya 11:3

Abalongozi aba muvigaba babo bakikalana mu Yelusalemu, kokuti aba Izilayeli, na baputi naba Levi na babombi aba mu Nyumba iya Chala na baluko ulwa bambombo aba Solomoni aba mutwaya utukulu utwa mu Yuda, umuntu wesi akikalagha pakaya kache mutwaya utukulu utwakulekanalekana,

Masalimo 69:35

Pakuti u Chala akwiza pakumupoka u Ziyoni, akwiza pakutuzenga sona utwaya utukulu nkani utwa mu Yuda. Po abantu bakwiza pakusamilamo nukwikala mulamula.

Yesaya 14:1

U Mwene akwiza pakuba ni chililizi na bamunyumba iya Izilayeli, akwiza pakumusala sona nukumwikazya muchisu ichabo ni chabo. Abayeni bakwiza pakuba poka nabo munyumba yache.

Yesaya 44:26

yuyo akunyamula amazyu agha babombi bache, nukukwanilisya zizyo intumi zyache zikanenela zila, yuyo akunena nizya Yelusalemu ukuti, ‘Akwiza pakuba na bantu abakwikalamo,’ mutwaya utukulu utwa Yuda, ‘Tukwiza pakuzengiwa sona,’ ivisami vyabo vyope, ‘Nkwiza pakuvizenga sona,’

Yesaya 49:13

Wee chisu icha kumwanya, sekelagha wee chisu ichapasi wimbaye inyimbo. Wee maghamba wimbaye! Pakuti u Mwene akubasangalusya abantu bache nukuba ni chililizi na babo bakuyimba.

Yesaya 51:12

Ane, nene nkubasangalusya. Nkimba wewenu ukuti, umunyilaye umuntu bulo, abantu babo bali ngati lisote bulo?

Yesaya 51:3

Naloli u Mwene akwiza pakumusangalusya u Ziyoni, sona akwiza pakuba nawe ni chililizi, pachifukwa ichakuti aba chisami. Akwiza pakukapela pakuba nkolongo ngati iya Edeni, sona nukukapela pakuba ngati mughunda uwa Mwene. Ukusekela poka nukwimba inyimbo, kukwiza pakwaghiwa mulamula, kokuti ivyakwiyipa ivyakupalizya nukwivwika ukwa nyimbo izyakupalizikizya.

Yesaya 52:9

Mwimbaye poka inyimbo izya lusekelo, amwe mwe visami ivya mu Yelusalemu, pakuti u Mwene abasangalusya abantu bache, amutabula u Yelusalemu.

Yesaya 54:8

Mubukali nkani, nkakufisa icheni chane mukabalilo akapimpa bulo, loli ni chisa icha bwila na bwila nkwiza pakuba ni chililizi nawe,” Momumo akunenela u Mwene Umutabuli wako.

Yesaya 66:13

Ngati mumo u mayi akumusangalusizya u mwana wache, momumo nkwiza pakubasangalusizya namwe, mukwiza pakusangalusiwa mu Yelusalemu.”

Yelemiya 31:13

Po abalindu bakwiza pakujina nukusekela, bope abasongo na balumendo banaba. Nkwiza pakukupela ukulila kwabo kula pakuba lusekelo, nkwiza pakubasangalusya nukubahobosya mubuzilo ubwa chitima.

Yelemiya 33:13

Mutwaya utukulu utwa mutughamba, kubwinjililo ubwa muntende ubwa tughamba sona na ku Negebu, kuchigaba chosi icha Benjamini, mutwaya utwakuzyungulila u Yelusalemu sona na mutwaya utukulu utwa Yuda, ing'ozi zikwiza pakwenda pamaso pabantu abakuzibelenga.

Yelemiya 33:9

Akaya akakulu kanaka kakwiza pakuba kaya akakufumusya imbili yane inyiza, niya lusekelo sona niya kunchindika sona niya muchizi pamaso pabantu bosi aba inko zyosi pachisu ichapasi bo bakwivwa inyiza zyosi zizyo nakabombela akaya kanaka. Bakwiza pakuba nubogha bo bakwennya ukuti nabapa ubukabi nu mutende uwakufikapo.

Ezekiyeli 36:33

“ ‘U Mwene Uwamaka Ghosi akuti: Pisiku lilyo nkwiza pakubaswefya kumbibi zyinyu zyosi, nkwiza pakubikazya sona mutwaya twinyu, nukuzenga sona vivyo vyali visami.

Amosi 9:14

Nkwiza pakubanyosya sona abantu bane kuchisu chabo. “Bakwiza pakutuzenga sona utwaya twabo utukulu nkani utwakunanganika nukwikala mulamula. Bakwiza pakubyala amampesya nukung'wela uvinyo wabo, bakwiza pakulima amaghunda, nukulya ivikomwa vyabo.

Obadiya 1:20

Aba Izilayeli babo bakalemiwa pakuba bakayidi, bakwiza pakuchifyula ichisu icha Kenani pakuba chabo, mupaka kumpaka iyakumitu kwa Zalefati. Aba ku Yelusalemu babo bakaba bakayidi mu Sefaladi, bakwiza pakufyula utwaya utukulu utwa Negebu.

Zekaliya 1:14

Po uwantumi yuyo akanenagha nane akambuzya akati, “Fumusya ukuti u Mwene Uwamaka Ghosi ati, ‘Ubuzuba bwane bukwaka pa Yelusalemu, sona na pighamba izelu ilya Ziyoni,

Zekaliya 1:18

Po nkatalankannya, pamaso papane pakaba impembe folo!

Zekaliya 2:12

Abantu aba mu Yuda bakwiza pakuba mpyana iya Mwene muchisu ichizelu, po akaya aka Yelusalemu kakwiza pakuba kaya kache akapamoyo.

Zekaliya 2:4

Uwakwanda yula akamubuzya uyunji yula akati, “Chimbila, mubuzye umulumendo yula ukuti, ‘U Yelusalemu akwiza pakuba kaya kako katakwiza pakuba nu lupaso pachifukwa icha bwinji ubwa bantu sona ni vitekwa vivyo vikwikala mulamula.

Zekaliya 3:2

Uwantumi uwa Mwene akamubuzya u Satana akati, “U Mwene akuchemele! U Mwene yuyo amusala u Yelusalemu akuchemele! Nkimba umuntu yunuyu ate ngati chizinka ichakwaka ichakuzompoliwa pamoto?”

Aba Efeso 1:4

Pakuti akatusala aswe mwa Kilisitu, bo ni chisu ichapasi chitapeliwe ukuti tubanje bantu abazelu, sona na basita chilema pantazi papache.