Zekaliya 1:16 - IBAYIBOLO 2024

¹⁶ “Polelo u Mwene akuti, ‘Nanyokela ku Yelusalemu nu moyo uwa chililizi, po palapala inyumba yane yikwiza pakuzengiwapo sona.’ U Mwene Uwamaka Ghosi ati, ‘Nkwiza pakugholosezya ulukusa ulwakupimila pa Yelusalemu.’

Zekaliya 1:16 Iomraidhean Croise

Yobu 38:5

Nkimba umumenye yuyo akagaba impaka iya chisu ichapasi, yuyo akayipima nu lukusa?

Yesaya 12:1

Pisiku lilalila mukwiza pakwimba ukuti, “We Mwene! Nkukupalizya pakuti ukankalalila, ilelo ubukali bwako bwatozoka sona wansangalusya.

Yesaya 34:11

Umpughulu nu chipungu vyo vivyo vikwiza pakwikalaghamo, umpughulu umukulu nkani nu chigobe, vikwiza pakuluka ivivumbo mulamula. U Chala akwiza pakugholosya pamwanya pa Edomu, ulukusa ulwa kupimila ulwakuvulungannya, sona nukuchinangannya ichisu chilachila.

Yelemiya 30:18

U Mwene akuti, “Nkwiza pakubanyosekezya abamunyumba iya Yakobo kuchisu chabo, sona nukuba nichililizi pabuzilo bwache ubwakwikalapo, akaya akakulu nkani aka Yelusalemu kakwiza pakuzengiwa sona pa chisami, sona inyumba iya bumwene yikwiza pakuzengiwa pabuzilo bwache.

Ezekiyeli 40:3

Akansendela kulakula, sona nkennya umuntu yuyo akabonekagha ngati mukuba, akimilila pamulyango bo alemite ulukusa ulutonte, ni ndisa iyakupimila munyobe yache.

Ezekiyeli 47:3

Bo umuntu yula akubuka kubufumilo bwizuba nichakupimila munyobe yache, akapima akasoko kala amamita ghakaba 500 po akenda nane mumizi, amizi ghala ghakafika mutupunkunyu.

Ezekiyeli 48:35

“Akaya kosi akakulu nkani umwakuzyungulila kakwiza pakuba amamita 9,000. Ukwanda pakabalilo kalakala mupaka muntazi, akaya akakulu nkani kakwiza pakwitiziwanga ukuti, ‘U Mwene ali Palapala.’ ”

Hagayi 1:14

Po u Mwene akaghunyamusya umuzimu uwa Zelubabeli umwana uwa Sheyalitiyeli, yuyo akaba mulaghili uwa chisu icha Yuda, sona nu muzimu uwa Yoshwa, umwana uwa Yehozadaki, yuyo akaba muputi usongo nu muzimu uwa bantu bosi abakusyalako. Bakiza nukwanda pakuzenga Inyumba iya Mwene Uwamaka Ghosi, u Chala wabo,

Zekaliya 10:6

“Nkwiza pakubapela abantu aba mu Yuda, pakuba bamaka nkani, nukulupoka uluko ulwa Yosefu. Nkwiza pakubanyosezyamo, pachifukwa ichakuti indi nabo ni chililizi. Bakwiza pakuba ngati po intabakanitepo nalumo, pakuti ane ne Mwene u Chala wabo, sona nkwiza pakubamula.

Zekaliya 2:4

Uwakwanda yula akamubuzya uyunji yula akati, “Chimbila, mubuzye umulumendo yula ukuti, ‘U Yelusalemu akwiza pakuba kaya kako katakwiza pakuba nu lupaso pachifukwa icha bwinji ubwa bantu sona ni vitekwa vivyo vikwikala mulamula.

Zekaliya 2:5

Po ane nkwiza pakubanga ne lupaso ulwa moto sona nkwiza pakubanga ne buchindamu bwache mulamula, u Mwene anena.’ ”

Zekaliya 2:6

U Mwene ati, “Zagha! Zagha! Mwee, chimbilako kuchisu icha kumitu, pakuti nabanyampanizizya mumpepo folo izya mumwanya.

Zekaliya 4:9

“U Zelubabeli weyuyo aluzenga ulwalo ulwa Nyumba iya Chala, sona weyuyo akwiza pakuyimalizya. Po mukwiza pakumanya ukuti u Mwene Uwamaka Ghosi antuma kukwinyu.

Zekaliya 8:3

Po u Mwene Uwamaka Ghosi akuti, “Nkwiza pakunyokela mu Ziyoni nukwikala mu Yelusalemu. Po u Yelusalemu akwiza pakwitiziwa ukuti Akaya Akakulu Nkani Akasubiliwa sona kakwiza pakwitiziwa ukuti ighamba ilya Mwene Uwamaka Ghosi, likwiza pakwitiziwa ukuti Ighamba Izelu.”