Zekaliya 1:11 - IBAYIBOLO 2024

¹¹ Bakamubuzya sona uwantumi uwa Mwene, yuyo akimililagha pakasi pa makwi agha ntumbusya akati, “Twachitendela ichisu chosi ichapasi, po twagha ukuti abantu bosi bakutuzya sona bali nu mutende.”

Zekaliya 1:11 Iomraidhean Croise

Yobu 1:7

Po u Mwene akamulalusya u Satana akati, “Nkimba wafuma kwiyi?” U Satana akamwamula u Mwene akati, “Name pakwendakwenda bulo muchisu chosi ichapasi.”

Masalimo 68:17

U Chala ali ni ngolo izya bwite inyinji nkani, sona u Mwene ika pighamba ilya Sinayi po iza kubuzilo bwache ubuzelu.

Yesaya 14:7

Ichisu chosi chili pakutuzya sona chili mumutende, abantu bali pakwimba.

Daniyeli 10:20

Polelo akati, “Nkimba wachimanya chicho nkwiziye? Niza pakulwa ubwite nu wantumi uwa Peleziya, umwakuti namalana nawe, uwantumi usongo uwa Gilisi izaye.

Zekaliya 1:10

Umuntu yuyo akimililagha pakasi pa makwi agha ntumbusya akandingannya akati, “Banaba bo babo u Mwene abatuma pakuchitendela ichisu chosi ichapasi.”

Zekaliya 1:15

loli inzikalaliye nkani inko zizyo zili pamutende. Nazikalaliye panandi bulo, loli ilelo babafunda nkani abantu bane.’

Zekaliya 1:8

Pabusiku nkennya ichisetuka, pakaba uwakwendezya ifalasi inchesamu. Akimililagha pakasi pa makwi ghamo agha ntumbusya mwikombe. Po kwisinda kwache kukaba abakwendezya ifalasi inchesamu, ni yamabala sona ni swepu.

Zekaliya 6:7

Bo ifalasi izyamaka zikwepamo zikalondagha nkani pakuchitendela ichisu chosi ichapasi. Uwantumi akababuzya akati, “Bukagha pakuchitendela ichisu chila!” Po bakachitendela ichisu ichapasi.

Matayi 13:41

U Mwana uwa Muntu akwiza pakutuma abantumi bache ukwefya abantu bosi mu Bumwene bwache, babo bakupuvya abantu na babo bakubomba ivibibi.

Matayi 13:49

Momumo kukwiza pakubela pabumalilo ubwa chisu ichapasi: Abantumi bakwiza pakubuka pakwefya abantu ababibi pakasi pabantu abiza,

Matayi 25:31

“Bo u Mwana uwa Muntu akwiza pakuba we Mwene poka na bantumi bosi, akwiza pakwikala pachitengo icha bumwene icha buchindamu.

1 Aba Tesalonika 5:3

Bo abantu bakunena ukuti, “Pali umutende, vyosi vili akiza bulo”, panapo ukumongoka kukwiza pakubawila lubilolubilo. Chikwiza pakubachenusya bulo ukuyana nu bubavu bubo umukolo akwivwa pakupapa, po bate bakalyeghe napo panandi.

2 Aba Tesalonika 1:7

sona akwiza pakubapa ubutuzyo amwe mwe mukuyimba, poka naswe bulo. Akwiza pakubomba zinizi bo u Mwene u Yesu avumbuliwa kumwanya numoto uwakwaka, poka na bantumi bache abamaka.

Ubuvumbuli 1:1

Ibuku ili likulingannya nizya buvumbuli bubo u Yesu Kilisitu akavumbula. U Chala akamupa ubuvumbuli ubu, umwakuti abalanjizye ababombi bache ivintu vivyo vibaghiye pakubombiwa lunulu. U Kilisitu akamuvumbulila umubombi wache u Yohani, pakumutumila uwantumi wache.