Zefaniya 3:9 - IBAYIBOLO 2024

⁹ “Pakabalilo kalakala nkwiza pakuyiswefya imilomo iya inko umwakuti abantu bosi balichindikaye itabwa ilya Mwene, nukumubombela nu moyo ghoka.

Zefaniya 3:9 Iomraidhean Croise

Ubwandilo 11:1

Pakwanda abantu bosi aba pachisu ichapasi bakaba ni neno yoka, sona bakabombezyanga amazyu ghoka.

Ubwandilo 4:26

U Seti akapapa umwana umulumendo nukumwita ukuti we Enoshi. Aka kakaba kabalilo kako abantu bakanda pakumwiputa u Mwene.

Masalimo 113:3

Ukwandila kuko izuba likufumila mupaka kuko likwinjilila, itabwa ilya Mwene lyo lipaliwanje.

Masalimo 22:27

Abantu aba inko zyosi pachisu ichapasi bakwiza pakukumbuka, sona bakwiza pakunyokela kukwache. Po abantu aba inko izinji bakwiza pakufughama pamaso papako.

Yesaya 19:18

Pisiku lilalila utwaya fayivi utukulu nkani utwa mu Ijiputi tukwiza pakunena ineno iya mu Kenani nukulapa ichilapo kwa Mwene Uwamaka Ghosi. Akaya koka patwaya tula kakwiza pakwitiziwa ukuti akaya akakulu nkani aka izuba.

Yesaya 57:19

nukwimba amapalo pamilomo iya babo bakulila mu Izilayeli. Umutende, umutende, ku bantu, babo bali papipi nakubutali, sona nkwiza pakubapozya.” U Mwene anena.

Yesaya 6:7

Akaghupalamasya umulomo wane ni zimwa nukuti, “Ennya izimwa ili lyapalamasya imilomo yako ukunanga kwako kwamala, sona imbibi zyako zyahobokeliwa.”

Yelemiya 16:19

Wee Mwene, awe we maka ghane, nilinga lyane sona nkuvwamila mumwako mukabalilo akantamyo, inko izya bantu izya ukufuma pachisu ichapasi, zikwiza pakwiza kukwako nukuti, “Abanyenya bitu batakapyanapo chimo, loli abachala aba bumyasi sona na vivyo vite ni mbombo nayimoyimo.

Ezekiyeli 37:17

Uzibike poka mu ndisa yoka ukuti zibe ndisa yoka munyobe yako.

Habakuku 2:14

Pakuti ichisu chikwiza pakwizula nu bumanyi ubwa buchindamu ubwa Mwene ngati mumo amizi ghizuliye munyanja.

Zefaniya 2:11

U Mwene akwiza pakuboghofya, bo akubanangannya abachala bosi aba chisu ichapasi. Inko zyosi zikwiza pakumwiputa, inko yosi muchisu chache.

Zekaliya 14:9

U Mwene akwiza pakuba we mwene uwa chisu chosi ichapasi. Pisiku lilalila akwiza pakubako u Mwene weka, sona akwiza pakumanyikwa ni tabwa lyoka mpela.

Zekaliya 2:11

Pakabalilo kalakala, inko inyinji zikwiza pakwiza kwa Mwene, sona zikwiza pakuba bantu bache. Nkwiza pakwikala pakasi papinyu, mukwiza pakumanya ukuti u Mwene Uwamaka Ghosi antumite pakasi papinyu.

Matayi 12:35

Umuntu umwiza akunena ivintu ivyiza vivyo asungite mumoyo wache, wepe umuntu umubibi akunena ivintu ivibibi vivyo asungite mumoyo wache.

Aba Efeso 4:29

Mumalomo ghinyu mutakafumaye ineno imbibi, loli mufumaye amazyu amiza ghene aghakubazenga abanji ukuyana ni vyakusobelwa vyabo, ukuti ghabanje ghakubavwa babo bakughateghelezya.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”