Zefaniya 3:8 - IBAYIBOLO 2024

⁸ Mundindilile pisiku lilyo nkwiza pakubikila ubwakaboni pakuti nadumula pakuzibungannya inko, nukububungannya ubumwene. Pakubapungulila ubukali bwane ubwakoghofya. Ichisu chosi ichapasi chikwiza pakulungulila numoto uwa buzuba bwane.” U Mwene anena.

Zefaniya 3:8 Iomraidhean Croise

Masalimo 12:5

“Pachifukwa ichakuti abadedebazu bakuyivyiwa, sona nukuti abapotwe bakukoloma, ane ne Mwene nkwiza pakuvundumuka. Ane ne Mwene nanena. Nkwiza pakubapoka munyobe izya babo bakubayivya.”

Masalimo 123:2

Ukuyana namumo umuzya umulumendo amusubiye u mwene wache, sona ngati mumo umuzya umulindu amusubiye u mwene wache, umwakuyana bulo aswe tukumulindilila u Mwene u Chala witu, mupaka atupelele ichisa.

Masalimo 27:14

Umusubilaye u Mwene. Banga na maka sona ujimbaye, umusubilaye u Mwene.

Masalimo 37:34

Umusubilaye u Mwene, nukuzikonka izila zyache, po akwiza pakukukwezya umwakuti ukwiza pakuchipyana ichisu. Bo abantu ababibi bazimila, ukwiza pakubennya.

Masalimo 37:7

Banga bulo myee pamaso pa Mwene, sona umulindililaye yuyo nu bufisalyoyo. Utakapasyanje nanti abanji ivintu vikubendela akiza, sona nanti bakubomba imbombo zyabo imbibi.

Masalimo 62:1

Umoyo wane ghukuba bulo myee, pakumulindilila u Chala wane, pakuti weyuyo akumpoka.

Masalimo 62:5

Umoyo wane ghukuba bulo myee, pakumulindilila u Chala wane, ulusubilo lwane luli mumwache.

Masalimo 79:5

Wee Mwene, nkimba ukwiza pakutukalalila mupaka liyi? Fwandi ubuzuba bwako bukwiza pakwaka ngati moto mupaka liyi?

Masalimo 79:6

Ubapungulilaye ubukali bwako abantu aba inko izinji babo batakumenye. Ubupungulilaye ubukali bwako ubumwene bubo butakulichindika itabwa lyako.

Ivyili 20:22

Utakatinji, “Nkwiza pakutanizya imbibi pa mbibi.” Umulindililaye u Mwene akwiza pakukwavwa.

Inyimbo izya Solomoni 8:6

Umbikaye mumoyo wako ngati cho chidindo, sona ngati chidindo panyobe yako. Pakuti ulughano lwamaka ngati bo bufwe, sona ubuzuba bukalite umoyo ngati gho mapumpa. Ulughano lukwaka ngati moto sona luli ngati ndimi izya moto.

Yesaya 14:26

Ulu lo lubatiko lulo lubatikiliwe ichisu chosi, nagholosya inyobe yane ukuti inchifunde ichisu chosi ichapasi.

Yesaya 30:18

Pachifukwa chinichi u Mwene akubalindilila ukuti abapelelaye ichisa, akunyamuka nukubalanjizya ichililizi pakuti u Mwene we Chala uwanaloli. Basayiwa bosi babo bakumulindilila!

Yesaya 34:2

U Mwene azikalaliye inko zyosi, ubukali bwache buli pavilundilo vyosi ivya bwite. Akwiza pakubanangannya nkani, umwakuti baghoghiwanje.

Yesaya 63:6

Mubukalale bwane nkazikanyankila inko, mubukali bwane nkabapela ukuti bang'wele, nukukupula ibanda lyabo pasi.”

Yelemiya 10:25

Pungulila ubukali bwako pa inko zizyo zitakumenye, pabantu babo batakukwiputa. Pakuti bamulya u Yakobo, bamulya nukumumalizya, sona bakanangannya akaya kache nukukapela pakuba nkolongo.

Hoseya 12:6

Loli unyokelaye kwa Chala wako, lemezya ulughano nu bwanaloli sona mulindililaye bulo u Chala winyu akabalilo kosi.

Yoweli 3:2

nkwiza pakuzibungannya inko zyosi, nukwika nazyo kwikombe ilya Yehoshafati. Nkwiza pakuzipa inongwa inko ukuyana ni mpyana iya bantu bane aba Izilayeli, pachifukwa ichakuti babanyampanizye abantu bane pakasi pa inko, sona bagabana ichisu chane.

Mika 7:7

Loli ane, nkwiza pakubikapo nkani umoyo wane pa Mwene wane. Nkumulindilila u Chala Umupoki wane, u Chala wane akwiza pakunyivwa.

Habakuku 2:3

Pakuti ubuvumbuli bukulindilila akabalilo kache, bukunena nizya bumalilo, sona butakwiza pakusimikiziwa ukuti bumyasi. Napapo bungakaba, pope bulo ubulindililaye, naloliloli bukwiza pakwiza, sona butakwiza pakukabila.

Zefaniya 1:18

Usiliva pamo ugolide wabo vitakwiza pakubapoka pisiku ilya kukalala ukwa Mwene. Mumoto wache uwakabini ichisu chosi ichapasi chikwiza pakulungulila, pakuti akwiza pakubamala umwalubilolubilo abantu bosi babo bakwikala mulamula.

Hagayi 2:22

Nkwiza pakubawisya abamwene aba inko izinji na maka agha bumwene bwabo. Nkwiza pakuzing'anamulannya ingolo zyabo poka nabakwendezya babo, ni falasi sona naba kukwelapo babo nukughamala amaka agha inko injeni. Ifalasi zikwiza pakufwa, sona bope abakukwelapo bakwiza pakughoghana, umuntu wesi nupanga uwa mukamu wache.’

Matayi 25:32

Po abantu aba inko zyosi bakwiza pakubungana poka pamaso papache. Akwiza pakubagaba pabili ukuyana namumo umudimi akupaghulila ing'ozi ni mbuzi.

2 Pitala 3:10

Loli isiku ilya Mwene likwiza ngati mwiba. Pisiku lilalila ivintu vyosi ivya kumwanya vikwiza pakumala ni chongo ichakoghofya. Ivintu vyosi vikwiza pakusunguluka numoto, sona ichisu ichapasi chope ni vintu vyosi vikwiza pakuba pabuzelu.

Ubuvumbuli 16:1

Po nkivwa izyu ilyamaka mu Nyumba iya Chala likunena na bantumi seveni bala likuti, “Kakupulile pachisu ichapasi ubukali ubwa Chala, bubo buli mumbako seveni zila.”

Ubuvumbuli 16:14

Iyi mizimu imibibi yiyo yikupela iviswigho. Imizimu mitatu iyi yikubuka pakubabungannya abamwene bosi aba muchisu ichapasi ukuti balwe ubwite pisiku ikulu nkani ilya Chala Uwamaka Ghosi.