Zefaniya 3:7 - IBAYIBOLO 2024

⁷ Nkakabuzya akaya akakulu nkani nkati, ‘Naloliloli ukwiza pakunnyila nukwitika ukuchemela kwane!’ Po akaya kache katangananganika, pamo ukuti ulufundo lwane lukawile. Loli pope bulo bakaba bengo nkani pakubomba ivyamabeko vyabo vyosi.

Zefaniya 3:7 Iomraidhean Croise

Ubwandilo 6:12

U Chala akagha ukuti ichisu ichapasi chambibi, pakuti abantu bosi bakaba ni nkalo imbibi nkani.

2 Imbili 33:11

Po u Mwene akabatumila abasongo aba basilikali abamwene aba mu Asiliya, po bakamulema u Manase pakuba mukayidi, nukumubika indobani pampuno, bakamupinya ni minyololo iya mukuba nukubuka nawe ku Babiloni.

Yobu 36:10

Akubighula amakutu ukuti bivwe bo akubachemela, nukubalamula ukuti bazileke imbibi zyabo.

Masalimo 32:8

Nkwiza pakukulanjizya nukukumanyisya izila izyakuti wendayemo, sona nkwiza pakukulongozya nukukwenelezya.

Ivyili 19:20

Teghelezya zizyo bakukulingannya sona ubupokele ubumanyisi, po pabumalilo pache ukwiza pakuba we wamahala.

Yesaya 5:4

Nkimba chilipo chicho nkapotwa pakubombapo pamughunda? Po nkimba choni chicho ghukwela amampesya amababe, bo nkulindilila amampesya amiza ghagho intakasubalilagha?

Yesaya 63:8

Akati, “Naloli aba bantu bane, abana babo batanganzimbula,” po akaba Mupoki wabo.

Yelemiya 17:23

Loli pope bulo batakivwila, sona bakighalila amakutu ghabo, nukughakazya amoyo ghabo, pamo pakuleka pakwivwila ivimanyisyo vyane.

Yelemiya 25:5

Abalaghuzi bala bakati, “Umuntu wesi mumwinyu ayileke inkalo yache imbibi sona ni zila zyache imbibi, po mukwiza pakwikala muchisu chicho u Mwene akabapa amwe na banyenya binyu mupaka bwila na bwila.

Yelemiya 36:3

Pamo bo aba Yuda bivwa nizya ntamyo zizyo nkwinong'ona pakubawisizya umwakuti umuntu wesi anyokeko ku zila zyache imbibi, po ane nkwiza pakubahobokela ku bubibi bwabo bosi sona na kumbibi zyabo.”

Yelemiya 38:17

Po u Yelemiya akamubuzya u Zedekiya akati, “U Mwene Uwamaka Ghosi, u Chala uwa ba Izilayeli akuti: Nanti ukwiyipa kumakambala agha mwene uwa ku Babiloni, ukwiza pakuba mumi sona akaya akakulu nkani aka katakwiza pakochiwa numoto. Awe poka naba munyumba yako mukwiza pakuba bumi.

Yelemiya 6:8

Wee Yelusalemu, sendapo ichimanyilo, ukuti intakepukeko kukwako nukukuleka pakuba chisami, ichisu chicho atalipo nayumo umuntu angikalamo.”

Yelemiya 7:7

po nkwiza pakubitikizya pakwikala pabuzilo bunubu, muchisu chicho nkabapa abanyenya binyu ukuti chibanje chabo bwila na bwila.

Yelemiya 8:6

Nabateghelezya nkani ku zizyo bakunena loli batakunenapo nazimozimo ingolosu. Atakabapo nayumoyumo uwakuzileka imbibi zyache, nukunena ukuti, “Nkimba nananga choni?” Loli umuntu wesi akubuka ku zila izyache ni zyache, ngati yo falasi yiyo nyengo nkani pakulwa ubwite.

Hoseya 9:9

Naloliloli abantu banaba baba bamabeko nkani, ngati masiku agha Gibeya. U Chala akwiza pakubukumbuka ububibi bwabo, po akwiza pakubafunda pachifukwa icha mbibi zyabo.

Zefaniya 3:2

Katakumwivwila nayumoyumo, sona katakwitika ukuchemeliwa. Katakumusubila u Mwene, katakupalamila kwa Chala wache.

Ukukumbusya Amalamulo 4:16

ukuti mutakanange pakwipangila mwebene nachimochimo ichifwani, manyi icha mwanavuli manyi icha mukolo

1 Timoti 1:5

Loli ifundo iyakubapela indaghilo izi yakuti abitiki bosi babanje nu lughano, lulo lukufuma mumoyo umuzelu nu mabyebye umwiza, sona nu lwitiko ulwenecho.

2 Pitala 3:9

U Mwene atakuzyelazyela pakukwanilisya zizyo akalayizya, ukuyana namumo abantu bamo bakwinong'onela. Mubuzilo bwache, we mufisalyoyo namwe pakuti atakulonda ukuti nayumo umuntu azimile, loli ukuti umuntu wesi apinduke nukuzileka imbibi zyache.