Zefaniya 3:4 - IBAYIBOLO 2024

⁴ Abalaghuzi bache bakwituvya sona te basubiliwa. Abaputi bache bakubunyazya Ubuzilo Ubuzelu nukuzinangannya indaghilo.

Zefaniya 3:4 Iomraidhean Croise

Yesaya 9:15

Abasongo na bantu abachindikiwa gho mutu, abalaghuzi babo bakumanyisya ubumyasi gho misinda.

Yelemiya 23:32

Momumo, nkubakana abalaghuzi babo ubulaghuzi bwabo ubwa vilota ivyabumyasi. Bakubabuzya nukubapuvya abantu bane napapo intakabatuma sona intakabasalapo. Ubulaghuzi bwabo bute nubwavwilizi nabumobumo ku bantu banaba. Ane ne Mwene nanena.”

Yelemiya 34:19

Abalongozi aba mu Yuda naba mu Yelusalemu namakambala agha bumwene na baputi sona na bantu bosi aba muchisu bakendagha pakasi pavigaba vibili ivya ngwata yila,

Yelemiya 5:31

Abalaghuzi bakulaghula ivyabumyasi, abaputi bakumanyisya chicho bakulonda, sona abantu bane bakuhoboka na zyosi zinizi. Po nkimba mukwiza pakubomba choni pabumalilo?”

Yelemiya 8:10

Polelo nkwiza pakubalemeka abachi babo abanavuli abanji sona amaghunda ghabo ku bantu abanji. Pachifukwa ichakuti ukwandila ku bana mupaka ku basongo bosi banaba bakunyonywa ukukabila ichuma muzila izya buzimbuli. Abalaghuzi na baputi bulo bosi bazimbuli.

Nkuto 2:14

Ivisetuka ivya balaghuzi binyu vikaba vyabumyasi, sona vitakaba ni mbombo nayimoyimo. Bakazivumbula imbibi zyako umwakuti ivintu vikwendelaye akiza. Amazyu aghabulaghuzi ghakaba ghabumyasi sona ghakabasovyanga bulo abantu.

Ezekiyeli 22:26

A baputi bache bakuzinangannya indaghilo nukuvinyazya ivintu vyane ivizelu. Batakulesannya ivintu ivizelu nivintu bulo, bakubamanyisya abantu ukuti patalipo ukulekana nakumo pakasi pa chicho chinyazu na chicho chiswefiwe, po batakughachindika Amasiku ghane Aghakutuzya, umwakuti nane bulo ntakuchindikiwa pakasi papabo.

Ezekiyeli 22:6

“ ‘Ennya abamwene aba ba Izilayeli bali pakasi papinyu bakukupula ibanda pakubombezya ubulaghili bwabo.

Ezekiyeli 44:23

Babamanyisyanje abantu bane ukulekana ukwa vintu ivizelu ni vintu vivyo te vizelu nukubalanjizya pakulesannya pakasi pavinyazu ni viswepu.

Hoseya 9:7

Amasiku aghakufundiliwa ghafikila, ghope amasiku agha muvwalo ghafikila. Aba Izilayeli bazimanye zinizi. Pachifukwa ichakuti imbibi zyinyu nyinji nkani, sona lope ulubengo lwinyu lukulu, po mukuti umulaghuzi mupunganu, wepe umuntu yuyo akulongoziwa nu muzimu apenite.

Mika 2:11

Nanti umuntu umumyasi sona umuzimbuli akwiza nukunena ukuti, ‘Nkwiza pakubalaghulila ukuti: Mukwiza pakuba nu vinyo umwinji, sona ni vyakungw'ela vivyo umuntu angakolwa navyo,’ umuntu yunuyu angaba mulaghuzi winyu!

Mika 3:11

Abalongozi bache bakulonga pachifukwa icha mabeko, abaputi bache bakumanyisya pachifukwa icha malipilo, sona abalaghuzi bakulaghula pachifukwa icha ndalama. Loli pope bulo beghamiye kwa Mwene nukuti, “Nkimba u Mwene ate pakasi papitu? Chitalipo ichiwaya chicho chingatuwila.”

Malaki 1:6

U Mwene Uwamaka Ghosi akuti, “Umwana akumuchindika uwise, wepe uwambombo akumuchindika u mwene wache. Nanti ne tata winyu, nkimba umuchizi wane ghugho ghumbaghiye ghuli kwiyi? Nanti ne mwene winyu, nkimba umuchizi ghugho ghumbaghiye ghuli kwiyi? Mwee baputi mwe mukulisamula itabwa lyane. “Loli mukulalusya ukuti, ‘Nkimba tukulisamula bulibuli itabwa lyako?’

Malaki 2:7

“Pakuti imbombo iya muputi yakusungilila ubumanyi ubwa Chala, sona abantu babaghiye bamanyilaye kukwache, pakuti yo ntumi iya Mwene Uwamaka Ghosi.

Malaki 2:8

Loli mwayileka izila, sona mwabapunuzya abantu abinji nkani ni vimanyisyo vyinyu. Mwalunangannya ulufingo lulo nkafingana nu Levi.” U Mwene Uwamaka Ghosi anena.

Matayi 7:15

“Muchebaye nabo abalaghuzi abamyasi; bakwiza kukwinyu ngati zyo ng'ozi, loli mukasi bayanite bulo ni mpumpi!

2 Aba Kolinti 11:13

Pakuti abantu banaba batumiwa abamyasi, abambombo abazimbuli, babo bakwifwanikizya bene ngati po batumiwa ba Kilisitu.

1 Yohani 4:1

Mwee bamanyani bane abaghaniwa, mutakabasubilaye abantu bosi babo bakuti bali nu Muzimu Umuzelu, loli mubayezyanje ukuti mumanye nanti naloli umuzimu ghugho bali nagho wakwa Chala. Pakuti abalaghuzi abamyasi binji nkani muchisu chosi ichapasi.

Ubuvumbuli 19:20

Loli ichinyamana chikalemiwa poka nu mulaghuzi umumyasi, yuyo akabombagha iviswigho pantazi papache. Ni viswigho vilavila akabazimbula abantu babo bakadindiwa ni chidindo icha chinyamana, sona na bantu babo batakachiputa ichifwani icha chinyamana chila. Ichinyamana poka nu mulaghuzi umumyasi yula, bosi babili aba bakasumbiwa bumi munyanja iya moto uwa sulufule.

Abalongi 9:4

Bakamupa isalabazya izya siliva 70 izyakufuma munyumba iya Baala Beliti. Akabombezya indalama zila pakughasimba uganyu amalovwa na bantu abamwalwe ukuti bamukonke.

1 Samuweli 2:22

Pakabalilo kalakala u Eli akaghosipa nkani, po akivwanga zyosi zizyo abana bache bakababombelagha aba Izilayeli, sona nukuti abana bache bala bakaghonanagha na bakolo, babo bakabombagha imbombo pamulyango uwa Chisakasa icha Mwene.