Zefaniya 3:20 - IBAYIBOLO 2024

²⁰ Pakabalilo kalakala nkwiza pakubabungannya, nukubabwezya kukaya. Nkwiza pakubachindika nukubapala, pakasi pabantu bosi aba muchisu ichapasi. Nkwiza pakubanyosezya ubwiza bwinyu, bo mukwennya na maso ghinyu.” U Mwene anena.

Zefaniya 3:20 Iomraidhean Croise

Masalimo 35:6

Izila zyabo zibanje ni chisi sona batyelemukaye bulo, bo uwantumi uwa Mwene akubachimbizya.

Yesaya 56:5

nkwiza pakubapa itabwa ni mbili inyiza, pakasi pabana abalumendo na balindu, munyumba yane nivibumba vyache. Nkwiza pakubapa itabwa ilya bwila na bwila, lilyo litakwiza pakudumuliwa nalumolumo.

Yesaya 56:8

U Mwene Uwamaka Ghosi yuyo akubabungannya abazya aba mu Izilayeli akuti, “Nkwiza pakubabungannya abantu abanji pakonjelezyapo pa babo ababunganizye kale.”

Yesaya 60:15

Napapo ulekiwe nukubengiwa, sona kusita nayumo uwakwenda nawe, nkwiza pakukupela awe, pakuba we songo bwila na bwila, nu lusekelo ulwa inkulilo yosi.

Yesaya 61:9

Abaluko lwabo bakwiza pakumanyikwa pakasi pa inko, sona abana babo pakasi pabantu. Bosi babo bakubennya bakwiza pakwitika, ukuti aba bo bantu babo u Mwene abasaya.”

Yesaya 62:12

Bakwiza pakwitiziwanga ukuti, “Abantu Abazelu aba Chala.” Abantu babo u Mwene abatabuye. U Yelusalemu akwiza pakwitiziwanga ukuti, “Akaya akakulu nkani kako u Chala akaghanite, akaya akakulu nkani kako u Chala atakalekite.”

Yesaya 62:7

utakamupanje ubutuzyo mupaka amwikazye sona u Yelusalemu, nukukapela pakuba kakupaliwa muchisu chosi ichapasi.

Yesaya 66:22

“Ngati chisu ichakumwanya ichipya ni ichapasi ichipya vivyo nkwiza pakuvipela vikwiza pakubangako bwila na bwila pantazi papane.” U Mwene anena. “Po itabwa lyane nabaluko lwinyu vikwiza pakubangako bwila na bwila.

Yelemiya 23:3

Ane nemwenecho nkwiza pakubabungannya abantu bane abakusyalako, nkwiza pakubefyamo muvyisu mumo nkabachimbizizyamo nukubanyosezya muvyisu vyabo, mumo bakwiza pakunyama nkani sona bakwiza pakuba binji nkani.

Yelemiya 29:14

Mukwiza pakunyagha sona nkwiza pakubanyosezya ubwiza bwinyu bosi nukubabungannya ukufuma mu inko zyosi kuko nkabachimbizizyako ngati bazya. Nkwiza pakubanyosezya ku buzilo bubo mukikalaghako bo inchili pakubatuma kubuzya.”

Yelemiya 30:3

Akabalilo kakwiza kako nkwiza pakubanyosezya abantu bane aba Izilayeli naba mu Yuda, nukubanyosezya kuchisu chicho nkabapa abanyenya babo ukuti bikalayemo.’ ”

Yelemiya 33:9

Akaya akakulu kanaka kakwiza pakuba kaya akakufumusya imbili yane inyiza, niya lusekelo sona niya kunchindika sona niya muchizi pamaso pabantu bosi aba inko zyosi pachisu ichapasi bo bakwivwa inyiza zyosi zizyo nakabombela akaya kanaka. Bakwiza pakuba nubogha bo bakwennya ukuti nabapa ubukabi nu mutende uwakufikapo.

Ezekiyeli 16:53

U Mwene akambuzya akati, “Mubuzye u Yelusalemu ukuti, ‘Pope bulo nkwiza pakunyosezyamo ubwiza ubwa Sodomu na bana bache abalindu, sona nu bwiza ubwa Samaliya na bana bache abalindu, po nkwiza pakunyosezyamo ubwiza bwako poka nu bwabo,

Ezekiyeli 28:25

“ ‘U Mwene Uwamaka Ghosi akuti: Bo nababungannya aba Izilayeli ukufuma mu inko kuko bakanyampanila, nkwiza pakwilanjizya nemwene pakuba muzelu pakasi papabo, bo inko zikwennya. Po bakwiza pakwikala muchisu ichabo ni chabo, chicho nkamupa umubombi wane u Yakobo.

Ezekiyeli 34:16

Nkwiza pakuzilonda zizyo zisobelite nukuzinyosya zizyo zyapulumpa. Nkwiza pakuzipinya ivilonda zizyo zivulaye nukuzikazya zizyo zidedebaye, loli inyine ni zyamaka nkwiza pakuzinangannya. Nkwiza pakuzidima ing'ozi nubwanaloli.

Ezekiyeli 37:12

Polelo ulaghule nukubabuzya ukuti, ‘U Mwene Uwamaka Ghosi akuti: Ennya nkwiza pakwighula amapumpa ghinyu nukubefyamo, po nkwiza pakubanyosekezya kuchisu icha Izilayeli.

Ezekiyeli 37:21

po ubabuzye uti, ‘U Mwene Uwamaka Ghosi akuti: Nkwiza pakubefyapo aba Izilayeli pakasi pa inko kuko bakabuka. Nkwiza pakubabungannya pakufuma mu nkuto zyosi folo nukwiza nabo muchisu ichabo ni chabo.

Ezekiyeli 39:13

Abantu bosi aba muchisu bakwiza pakubavwa pakubasyila, sona isiku lilyo nachindikiwa likwiza pakuba lisiku ilyachikumbusyo kukwabo, u Mwene Uwamaka Ghosi anena.

Ezekiyeli 39:28

Po bakwiza pakumanya ukuti ane ne Mwene u Chala wabo, napapo nkabatuma kubuzya pakasi pa inko, nkwiza pakubabungannya muchisu ichabo ni chabo, ntakwiza pakumuleka nayumo kwisinda.

Yoweli 3:1

U Mwene akuti, “Mumasiku ghalaghala, sona na pakabalilo kalakala, bo nkubanyosezya ubwiza abantu aba mu Yuda, na mu Yelusalemu,

Amosi 9:14

Nkwiza pakubanyosya sona abantu bane kuchisu chabo. “Bakwiza pakutuzenga sona utwaya twabo utukulu nkani utwakunanganika nukwikala mulamula. Bakwiza pakubyala amampesya nukung'wela uvinyo wabo, bakwiza pakulima amaghunda, nukulya ivikomwa vyabo.

Mika 2:12

Wee Izilayeli, naloliloli nkwiza pakubabungannya mwebosi poka, naloliloli nkwiza pakubabungannya abantu abakusyalako aba Izilayeli. Nkwiza pakubabungannya ngati ng'ozi muchibagha, sona ngati gho mudimo apakudimilapo, ubuzilo bukwiza pakwizula na bantu abinji nkani.

Mika 4:7

Abantu abalemazu nkwiza pakubapela pakuba bakusyalako, po babo bakaba bazya lubanje luko ulwa maka. U Mwene akwiza pakubalaghila Pighamba ilya Ziyoni, ukwandila pisiku lilalila mupaka bwila na bwila.

Zefaniya 2:7

Chikwiza pakuba cha bakusyalako icha Yuda, kulakula bakwiza pakwagha apakudimilapo. Pachamabwila bakwiza pakughona munyumba izya Ashikeloni. U Mwene u Chala wabo akwiza pakubasungilila, po akwiza pakubanyosezya ubwiza bwabo.

Zefaniya 3:19

Pakabalilo kalakala nkwiza pakubafunda babo bakabayivyanga. Nkwiza pakubapoka abalemazu, nukubabungannya babo banyampanite. Nkwiza pakubapala nukubachindika muchisu chosi ichapasi mumo bakakoziwa isoni.

Zekaliya 8:13

Mwee ba Yuda naba Izilayeli, ukuyana namumo mukabela mwe nguno pakasi pa inko, po nkwiza pakubapoka sona mukwiza pakuba mwe lusayo. Mutakanyilaye, loli mubanje na maka.”

Zekaliya 8:8

Nkwiza pakubanyosezya sona ukuti bikalaye mu Yelusalemu. Bakwiza pakuba bantu bane, ane nkwiza pakuba musubiliwa sona mugholosu kukwabo pakuba ne Chala wabo.”

Malaki 3:12

Po abantu abaluko losi bakwiza pakubitizya ukuti mwe basayiwa, pakuti ichisu chinyu chikwiza pakuba buzilo ubwa buhobosu.” U Mwene Uwamaka Ghosi anena.

Ukukumbusya Amalamulo 26:18

Ilelo u Mwene itika ukuti amwe mwe bantu abache na bache, ukuyana namumo akabalayizizya, nanti mukughakonka amalamulo ghache.

Ukukumbusya Amalamulo 26:19

U Mwene u Chala winyu akwiza pakubapela pakuba mwe luko ulukulu nkani ukuzichila inko zyosi zizyo akazipela, umwakuti amwe mukwiza pakumupalagha nukumuchindika. Amwe mukwiza pakuba mwe bantu bache ukuyana namumo akabalayizizya.