Zefaniya 3:17 - IBAYIBOLO 2024

¹⁷ U Mwene u Chala winyu ali namwe, wamaka nkani pakupoka. Akwiza pakuhoboka nkani namwe mulughano lwache akwiza pakubapa ubumi ubupya, akwiza pakusekela namwe pakwimba inyimbo.”

Zefaniya 3:17 Iomraidhean Croise

Ubwandilo 1:31

U Chala akavyennya vyosi vivyo akapela ukuti vikaba vyiza bulo. Ubusiku bukamala, po indabindabi yikafika. Ili likaba lisiku lyasikisi.

Ubwandilo 17:1

Bo u Abulamu ali na maka 99, u Mwene akamubonekela nukumubuzya ukuti, “Ane ne Chala Uwamaka Ghosi. Unyivwilaye, sona bombagha chicho chigholosu.

Ubwandilo 18:14

Nkimba chilipo chimo chicho chingamupota u Mwene? Ukuyana namumo u Mwene anenela, mumwaka uwa indabi, pakabalilo kanaka, u Sala akwiza pakuba nu mwana umulumendo.”

Ubwandilo 2:2

Pisiku lyaseveni u Chala akamalizya imbombo zyache zyosi zizyo akabombagha, akatuzya pisiku lyaseveni.

Masalimo 147:11

U Mwene akuhoboka na bantu babo bakumuchindika, sona abantu babo balusubiye, ulughano lwache, lulo lutakupotwa nalumolumo.

Masalimo 149:4

Pakuti u Mwene akuhoboka na bantu bache, sona abakwiyisya akubapa ubupoki.

Masalimo 78:65

Pabulamilo u Mwene akaba ngati alamusya bulo mutulo, ngati po muntu uwamaka yuyo akukolomoka pachifukwa icha kukolwa.

Yesaya 12:2

U Chala we mupoki wane, nkwiza pakumusubila sona ntakwiza pakunyila. U Mwene, u Mwene we maka ghane, we bupoki bwane.”

Yesaya 12:6

Mwee bantu aba mu Ziyoni kolomokagha nukwimba umwakughoboka! Pakuti Umuzelu uwa Izilayeli weyuyo mukulu, pakasi papinyu.”

Yesaya 18:4

Izi zyo zizyo u Mwene akumbuzya, akuti, “Nkwiza pakuba bulo myee, nukwennya ukufuma pabuzilo bwane ubwakwikalapo, ngati chitukizu icha pamusanya, ngati libingu ilya nganda pakabalilo akanyinulo.”

Yesaya 63:1

Nkimba wewenu yuyo akufumila kuchisu icha Edomu, mukaya aka Bozila, yuyo avwalite amenda amachesamu? Nkimba wewenu yuyo avwalite inkazo inyiza, sona akwenda namaka? “Nene Mwene, nkunena ubwanaloli, sona uwamaka pakupoka.”

Yesaya 63:12

yuyo na maka ghache agha buchindamu, ghakendagha nu Mozesi, yuyo akagaba amizi pamaso papabo, umwakuti amanyikwanje nitabwa ilya bwila na bwila,

Yesaya 65:19

Nkwiza pakusekela nu Yelusalemu, sona nukuhoboka na bantu bane, ichongo icha kufwifwitila ni chakulila, vitakwiza pakwivwikamo nalumo.

Yesaya 9:6

Pakuti u mwana atupapiliwa aswe, u mwana umwanavuli apeghiwa kukwitu, weyuyo akwiza pakulaghila. Akwiza pakwitiziwa ukuti mumanyisya amahala uwakuswighisya, u Chala Uwamaka Ghosi, U tata uwa bwila na bwila, u Mwene uwa mutende.

Yelemiya 32:41

Nkwiza pakuhoboka nkani pakubabombela inyiza sona nkwiza pakubabyala muchisu chinichi nu moyo wane ghosi sona nu muzimu wane ghosi.

Hoseya 14:4

U Mwene akuti, “Nkwiza pakubapozya ubusambuke bwabo, po nkwiza pakubaghana bulo, pakuti ubukali bwane papabo bwatozoka.

Yoweli 2:21

“Wee chisu, utakanyilaye awe hobokagha sona sekelagha. Pakuti u Mwene abomba ivintu ivikulu nkani.

Zefaniya 3:15

U Mwene efyapo ulufundo lwinyu, nukubachimbizya abalwani binyu. U Mwene, umulaghili uwa ba Izilayeli ali namwe, mutakwiza pakunyila sona intamyo zimo.

Zefaniya 3:5

U Mwene umugholosu ali mukaya, atakunangapo nakamokamo. Indabindabi ni ndabindabi akuvumbula ubwanaloli bwache, sona kubuche bosi atakupotwapo, loli babo te bagholosu bate ni soni.

Ukubelengiwa 14:8

Nanti u Mwene angatupelela ichisa, akwiza pakutwinjizya muchisu icha mboto chinichi nukutupa pakuba chitu ni chitu.

Luka 15:32

Loli zagha tusekelaye pakuti umuzuna wako akafwa, loli ilelo mumi. Akasobela, loli ilelo aghiwa.’ ”

Yohani 13:1

Kukasyalako bulo isiku lyoka ukuti Ulusekelo ulwa Pasa lubombiwe. U Yesu akazimanyila zila ukuti akabalilo kache kakwana akakuti achileke ichisu ichapasi nukubuka kwa Wise. Abaghanite nkani abantu bache aba muchisu ichapasi, sona akabaghana mupaka pisiku ilyabumalilo ilya bumi bwache pachisu ichapasi.

Yohani 15:11

“Nababuzya zinizi ukuti ubuhobosu bwane bubanje mumwinyu nukuti ubuhobosu bwinyu bubanje bwakufikapo.

Ukukumbusya Amalamulo 23:15

Nanti umuzya amuchimbila u mwene wache nukwiza pakwikala namwe, mutakamunyosezyanje kwa mwene wache.

Ukukumbusya Amalamulo 30:9

U Mwene u Chala winyu akwiza pakubapela ukuti vyosi vibendelaye akiza. Mukwiza pakuba na bana abinji nkani ni vitekwa ivyinji sona ni nyinulo inyinji nkani muchisu chinyu. Chikwiza pakumuhobosya nkani u Mwene pakubapela amwe pakuba mwe bakabi ukuyana namumo akabombela na banyenya binyu

Aba Hebeli 7:25

Ichi cho chifukwa amenye pakubapoka abantu bosi babo bakwiza kwa Chala ukwendela mumwache. Pakuti umwene mumi bwila na bwila pakubalambilizikizya kwa Chala.