Zefaniya 3:15 - IBAYIBOLO 2024

¹⁵ U Mwene efyapo ulufundo lwinyu, nukubachimbizya abalwani binyu. U Mwene, umulaghili uwa ba Izilayeli ali namwe, mutakwiza pakunyila sona intamyo zimo.

Zefaniya 3:15 Iomraidhean Croise

Ubwandilo 30:23

U Lakelo akamela ulwanda nukumupapila u Yakobo umwana umulumendo. Po akati, “U Chala anyefya isoni.

Masalimo 149:2

Aba Izilayeli basekelaye, pachifukwa icha Mupeli wabo, abantu aba mu Ziyoni bahobokaye pachifukwa icha Mwene wabo.

Masalimo 19:9

Ukumunyila u Mwene cho chintu chakufikapo chicho chikubangako bwila. Ubulongi ubwa Mwene busubiliwa po vyosi vigholosu.

Masalimo 85:3

Wefizyepo ukukalala kwako kosi, ukakuleka ukukalala kwako ukwakoghofya.

Yesaya 12:6

Mwee bantu aba mu Ziyoni kolomokagha nukwimba umwakughoboka! Pakuti Umuzelu uwa Izilayeli weyuyo mukulu, pakasi papinyu.”

Yesaya 25:8

Akwiza pakuyimila imfwa bwila na bwila. U Mwene Uwamaka Ghosi akwiza pakubasyumula amasozi, nukubefya isoni abantu bache pachisu chosi ichapasi. U Mwene anena.

Yesaya 33:22

Pakuti u Mwene we mulongi witu, u Mwene we akutupa indaghilo, u Mwene we mwene witu, weyuyo akwiza pakutupoka.

Yesaya 35:10

Abapokiwa aba Mwene bakwiza pakunyokela, bakwiza pakwinjila mu Ziyoni bo bakwimba inyimbo, nulusekelo ulwa bwila na bwila, lukwiza pakubonekagha pa vyeni vyabo. Bakwiza pakuhoboka nukusekela nkani, po ichitima nukufwifwitila vikwiza pakumala.

Yesaya 51:22

U Mwene Uwamaka Ghosi u Chala winyu, yuyo akubapoka abantu bache akuti, “Ennya nefyako ulubako, lulo lukakupelagha pakutantalila, ulubako lulo nkabapa bo nkalaye, mutakwiza pakung'welamo sona.”

Yesaya 52:9

Mwimbaye poka inyimbo izya lusekelo, amwe mwe visami ivya mu Yelusalemu, pakuti u Mwene abasangalusya abantu bache, amutabula u Yelusalemu.

Yesaya 54:14

Mukwiza pakwikalana mubugholosu, abantu babo bakakuyivyanga, bakwiza pakuba kubutali nawe, sona mutakwiza pakunyilagha nachimochimo, Po chitakwiza pakukupalamila.

Yesaya 60:18

Ivyongo vitakwiza pakwivwikamo muchisu chako, pamo ukunangannya nukupankulannya mumpaka zyako, loli mukwiza pakughitizya amalinga ghako ukuti mupoki, imilyango yako ukwiza pakuyitizya ukuti amapalo.

Yesaya 65:19

Nkwiza pakusekela nu Yelusalemu, sona nukuhoboka na bantu bane, ichongo icha kufwifwitila ni chakulila, vitakwiza pakwivwikamo nalumo.

Yelemiya 8:19

Ivwa ukulila ukwa bantu bane abakufuma kuchisu icha kubutali, “Nkimba u Mwene atalimo muchisu icha Ziyoni? Fwandi u mwene atalimo mulamula?” U Mwene akwamula akuti, “Nkimba choni chicho bakunkalalizya ni vifwani vyabo? Sona ni vifwani vyabo iviyeni vivyo vite nimbombo nayimoyimo?”

Ezekiyeli 35:10

“ ‘Pachifukwa ichakuti mwe bantu aba mu Seyili mwanena ukuti, “Inko zibili izi ni vyisu ivi vikwiza pakuba vyitu sona chikwiza pakuba mpyana yitu,” napapo ane ne Mwene nkaba palapala,

Ezekiyeli 36:15

Ntakwiza pakubapela ukuti mwivwanje intuko izya inko, sona mutakwiza pakusekiwa na bantu pamo pakuzipela inko zyinyu ukuti ziwe, u Mwene Uwamaka Ghosi anena.’ ”

Ezekiyeli 39:29

Ntakwiza pakubafisa sona icheni chane, pakuti nkwiza pakubapungulila Umuzimu wane aba Izilayeli,” U Mwene Uwamaka Ghosi anena.

Ezekiyeli 48:35

“Akaya kosi akakulu nkani umwakuzyungulila kakwiza pakuba amamita 9,000. Ukwanda pakabalilo kalakala mupaka muntazi, akaya akakulu nkani kakwiza pakwitiziwanga ukuti, ‘U Mwene ali Palapala.’ ”

Yoweli 3:17

Po ukwiza pakumanya ukuti, “Ane ne Mwene u Chala wako akwikala mu Ziyoni, ighamba lyane izelu. Akaya aka Yelusalemu kakwiza pakuba kazelu, abayeni batakwiza pakukapota sona nalumo.

Amosi 9:15

Nkwiza pakubikazya aba Izilayeli muchisu ichabo ni chabo, batakwiza pakunyunkuliwamo sona muchisu chicho nabapa.” U Mwene u Chala winyu anena.

Mika 7:10

Po umulwani wane akwiza pakuchennya chinichi, sona isoni zikwiza pakumulema, akundalusya akuti, “Nkimba u Mwene u Chala wako ali ko kwiyi?” Amaso ghane ghakwiza pakwennya ukuwa kwache, nilelo bulo akwiza pakukanyankiliwa ngati matope agha mumisebo.

Habakuku 2:17

Ulombwa losi lulo ukababombela abantu aba mu Lebanoni lukwiza pakukunangannya nawe bulo, ukughoghiwa ukwa vinyamana kukwiza pakuboghofya. Pakuti wakupula ibanda ilya bantu, nukupela ulombwa muvyisu na mutwaya utukulu nkani, sona na wesi yuyo ali mulamula.

Habakuku 2:8

Pachifukwa ichakuti wazifyula inko inyinji, abantu babo basyalikiye bope bakwiza pakukufyula ivintu vyako. Pakuti wakupula ibanda ilya bantu, nukupela ulombwa muvyisu na mutwaya utukulu nkani, sona na wesi yuyo ali mulamula.

Zefaniya 3:17

U Mwene u Chala winyu ali namwe, wamaka nkani pakupoka. Akwiza pakuhoboka nkani namwe mulughano lwache akwiza pakubapa ubumi ubupya, akwiza pakusekela namwe pakwimba inyimbo.”

Zefaniya 3:5

U Mwene umugholosu ali mukaya, atakunangapo nakamokamo. Indabindabi ni ndabindabi akuvumbula ubwanaloli bwache, sona kubuche bosi atakupotwapo, loli babo te bagholosu bate ni soni.

Zekaliya 12:3

Pisiku lilalila, bo inko zyosi izya pachisu ichapasi zimubunganiye, nkwiza pakumupela u Yelusalemu pakuba libwe lilyo litakuyingana pakasi pa inko zyosi. Abantu bosi babo bakuyezya pakuliyingannya bakwiza pakwivulazya bene.

Zekaliya 14:11

Abantu bakwiza pakwikala mukaya kalakala, pakuti mutakwiza pakubamo sona inguno nukunanganika. U Yelusalemu akwiza pakwikala umwakufwasa.

Zekaliya 9:9

Mwee bantu aba mukaya akakulu nkani aka Ziyoni, sekelagha nkani! Mwee bantu ba mu Yelusalemu, hobokagha! Ennya, u mwene winyu akwiza kukwinyu, mugholosu sona ali nubupoki, mololo sona akwelite pampunda inyanavuli, umwana wampunda.

Yohani 1:49

U Nataniyele akamwamula akati, “Wee Mumanyisi, we Mwana uwa Chala! We Mwene uwa ba Izilayeli.”

Yohani 12:15

“Wee akaya akakulu nkani aka Ziyoni, utakanyilaye. Ennya, u mwene wako akwiza, bo akwelite pampunda inyana.”

Yohani 19:19

U Pilati akasimba ubusimbe nukubika pamwanya pachipinjika icha Yesu ubwakuti, “U Yesu uwamu Nazaleti, u Mwene uwa ba Yuda.”

Yohani 5:30

“Intangabomba nachimo pane mwene. Nkulonga bulo namumo u Chala akumbuzizya, po ubulongi bwane bwanaloli pakuti intakubomba ubwighane bwane, loli ubwighane ubwa yuyo akantuma.

Ubuvumbuli 12:10

Po nkivwa izyu ilya pamwanya kumwanya likuti, “Losi ulu u Chala alanjizya ubupoki, amaka nu bumwene bwache nu bulaghili ubwa Mesiya wache yula. Pakuti yuyo akimilila pamaso pa Chala witu nukubasusya abakamu bitu umusanya nu busiku bamusumbila pasi.

Ubuvumbuli 18:20

Hobokagha we chisu icha kumwanya, hobokagha mwe bantu abazelu aba Chala, na batumiwa, sona na balaghuzi! Pakuti u Chala amususya ukuyana bulo namumo akabombelagha!”

Ubuvumbuli 19:16

Pa nkazo yache sona na pantapatapa pakasimbiwapo itabwa ilyakuti, “Umwene uwa bamwene, sona Umulaghili uwa balaghili.”

Ubuvumbuli 7:15

Ichi cho chifukwa bakwimilila pantazi, pachitengo icha bumwene icha Chala nukumubombela umusanya nu busiku munyumba yache. Yuyo akwikala pachitengo icha bumwene akwiza pakubafukatila.