Zefaniya 3:13 - IBAYIBOLO 2024

¹³ Abakusyalako aba Izilayeli batakwiza pakunanga, batakwiza pakunena ubumyasi, pamo ubuzimbuli ukuti bwaghiwe mumilomo yabo. Bakwiza pakulya nukulambalala, sona atalipo nayumoyumo yuyo akwiza pakuboghofya.”

Zefaniya 3:13 Iomraidhean Croise

2 Imbili 20:30

Po ubumwene ubwa Yehoshafati bukaba mumutende, pakuti u Chala wache akamupa umutende kumbazu zyosi.

Yobu 11:19

Ukwiza pakulambalala, umwakusita umuntu nayumoyumo uwakukughofya, sona abantu abinji bakwiza pakukulaba ukuti ubavwe.

Masalimo 119:3

Batakubomba nachimochimo ichibibi, loli bakwenda muzila zyache.

Masalimo 120:2

Wee Mwene, mpoka ku bantu aba milomo iyimyasi sona na munyobe izya bazimbuli.

Masalimo 120:3

Mwee bazimbuli, nkimba u Chala akwiza pakubomba choni namwe? Nkimba atakwiza pakonjelezya ulufundo?

Masalimo 23:2

Akundambalika pisote iteta, sona akunsokolela kumizi aghakusengama.

Yesaya 17:2

Utwaya utukulu nkani utwa mu Asiliya tukwiza pakuba tusita bantu, sona tukwiza pakuba buzilo ubwakudimilamo ivitekwa, atalipo nayumo yuyo akwiza pakuvyoghofya

Yesaya 35:8

Kulakula kukwiza pakubako umusebo, ghugho ghukwiza pakwitiziwa ukuti, “Umusebo Umuzelu.” Ababomba mbibi batakwiza pakwendamo, abapunganu batakwiza pakupulumpilamo.

Yesaya 54:14

Mukwiza pakwikalana mubugholosu, abantu babo bakakuyivyanga, bakwiza pakuba kubutali nawe, sona mutakwiza pakunyilagha nachimochimo, Po chitakwiza pakukupalamila.

Yesaya 6:13

Napapo ichigaba icha bantu 10 chingalekiwa muchisu, pope bulo chikwiza pakuba chisami. Ngati mumo ibanga nu mupandapanda ghakuleka ichisinko bo ghadumuliwa. Ichisinko chila yo mbeyu izelu muchisu.”

Yesaya 60:21

Po abantu bako bosi bakwiza pakuba bagholosu, sona ichisu chikwiza pakuba chako bwila na bwila. Sona bakwiza pakuba kakwi kane akabisi, kako nabyala ni mbombo izya nyobe zyane, umwakuti nchindikiwanje.

Yesaya 63:8

Akati, “Naloli aba bantu bane, abana babo batanganzimbula,” po akaba Mupoki wabo.

Yesaya 65:10

Ichisu icha Shaloni chikwiza, pakuba buzilo ubwakudimilako ing'ozi ni mbuzi, sona ikombe ilya Akoli, likwiza pakubanga chimo icha midimo, iya bantu babo bakundonda.

Yelemiya 23:4

Nkwiza pakubalondela abalongozi babo bamenye pakubasungilila sona batakwiza pakunyilagha pamo ukoghofiwa, pamo pakusobelapo. Ane ne Mwene nanena.

Yelemiya 30:10

“Wee Yakobo umubombi wane, utakanyilaye, wee Izilayeli, utakabanje nubogha. Naloliloli nkwiza pakukupoka ku vyisu ivyakubutali, na banyenya bako ukufuma kuchisu icha buzya. Abaluko ulwa Yakobo bakwiza pakunyokela muchisu chabo, sona bakwiza pakwikala akiza nkani mumutende nu mwakufwasa, sona atakwiza pakubapo nayumoyumo uwakuboghofya.

Yelemiya 31:33

U Mwene akati, “Ulu lo lufingo lulo nkwiza pakufingana naba Izilayeli mumasiku ghalaghala. Nkwiza pakubika ululaghilo lwane mukasi mumwabo nukulusimba mumoyo ghabo. Nkwiza pakuba ne Chala wabo, sona abene bakwiza pakuba bantu bane.

Ezekiyeli 39:26

Bakwiza pakuluvya isoni zyabo nukusita kusubiliwa kwabo kosi kuko bakandanjizya, bo bakwikala umwakufwasa muchisu chabo ukusita koghofesiwa nu muntu yumo.

Yoweli 3:17

Po ukwiza pakumanya ukuti, “Ane ne Mwene u Chala wako akwikala mu Ziyoni, ighamba lyane izelu. Akaya aka Yelusalemu kakwiza pakuba kazelu, abayeni batakwiza pakukapota sona nalumo.

Yoweli 3:21

Nkwiza pakubatanizya aba Edomu naba Ijiputi pachifukwa icha libanda lilyo bakupula, ntakwiza pakubaleka bulo. Ane ne Mwene nkwikala mu Ziyoni!”

Aba Levi 26:6

Nkwiza pakubapa umutende muchisu chinyu. Mukwiza pakughonagha ukusita pakunyila nachimochimo. Nkwiza pakuvichimbizyamo ivinyamana ivyakoghofya muchisu chinyu, sona mutakwiza pakubamo ubwite.

Mika 4:4

Umuntu wesi akwiza pakwikala mukazundila aka mampesya ghache, sona na mukazundila aka makuyu ghache. Po atalipo nayumoyumo yuyo akwiza pakuboghofya, pakuti u Mwene Uwamaka Ghosi anena.

Mika 4:7

Abantu abalemazu nkwiza pakubapela pakuba bakusyalako, po babo bakaba bazya lubanje luko ulwa maka. U Mwene akwiza pakubalaghila Pighamba ilya Ziyoni, ukwandila pisiku lilalila mupaka bwila na bwila.

Mika 7:14

Wee Mwene, badime abantu bako ni ndisa yako, umudimo uwampyana yako, ghugho ghukwikala wene mumusitu. Ghuleke ghulyanje apakudimilapo, ghuleke ghulyanje mu Bashani, na mu Giliyadi ngati mo mumasiku aghakale.

Zefaniya 2:7

Chikwiza pakuba cha bakusyalako icha Yuda, kulakula bakwiza pakwagha apakudimilapo. Pachamabwila bakwiza pakughona munyumba izya Ashikeloni. U Mwene u Chala wabo akwiza pakubasungilila, po akwiza pakubanyosezya ubwiza bwabo.

Zefaniya 3:5

U Mwene umugholosu ali mukaya, atakunangapo nakamokamo. Indabindabi ni ndabindabi akuvumbula ubwanaloli bwache, sona kubuche bosi atakupotwapo, loli babo te bagholosu bate ni soni.

Zekaliya 8:12

“Imbeyu zikwiza pakukula akiza, amampesya ghakwiza pakwela ivikomwa vyache, itope likwiza pakumezya ivibyalwa, sona yope inganda yikwiza pakuwa. Nkwiza pakubapa ivintu vyosi vinivi pakuba mpyana iya bantu abakusyalako banaba.

Zekaliya 8:16

Ivintu vivyo mubombaye vyo ivi: Umuntu wesi anenaye ubwanaloli kuwamwabo, sona mulongelaye inongwa mubwanaloli na mumutende,

Zekaliya 8:3

Po u Mwene Uwamaka Ghosi akuti, “Nkwiza pakunyokela mu Ziyoni nukwikala mu Yelusalemu. Po u Yelusalemu akwiza pakwitiziwa ukuti Akaya Akakulu Nkani Akasubiliwa sona kakwiza pakwitiziwa ukuti ighamba ilya Mwene Uwamaka Ghosi, likwiza pakwitiziwa ukuti Ighamba Izelu.”

Matayi 13:41

U Mwana uwa Muntu akwiza pakutuma abantumi bache ukwefya abantu bosi mu Bumwene bwache, babo bakupuvya abantu na babo bakubomba ivibibi.

Yohani 1:47

Bo u Yesu amwennya u Nataniyele akwiza akati, “Uyu we muntu uwa Izilayeli naloli. Mumwache butalimo nabumobumo ubumyasi!”

Aba Kolosi 3:9

Mutakatamantilanaye pakuti mwavula ubuntu bwinyu ubwakale, poka ni mbombo zyache zyosi,

1 Pitala 3:14

Loli napapo mungayimba pachifukwa ichakubomba chicho chigholosu, mwe basayiwa nkani. Mutakamunyilaye nayumo umuntu, sona mutakapasyanje.

1 Yohani 5:18

Tuzimenye ukuti umuntu wesi yuyo mwana uwa Chala, atakwendelela pakubomba imbibi, pakuti u Mwana uwa Chala akumusungilila akiza umuntu yula, sona Umubibi yula atangamupalamasya.

Ubuvumbuli 14:5

Abantu banaba batatamantitepo nalumolumo, sona bate ni chilema nachimochimo.

Ubuvumbuli 21:27

Loli mute mukinjilemo nachimochimo ichintu chicho chinyazu, pamo umuntu wesi yuyo akubomba imbombo izya kukozya isoni pamo umumyasi. Abantu bene babo amatabwa ghabo ghasimbiwe mwibuku ilya bumi ilya Mwana uwa ng'ozi, bo babo bakwiza pakwinjilaghamo.

Ubuvumbuli 21:8

Loli abantu abogha na bantu abasita ukusubiliwa na babo bakubomba ivintu ivinyazu na baghoghi na bamalaya na bamayele na bakwiputa ivifwani sona na bantu bosi abamyasi, ubuzilo bwabo yo nyanja iya moto uwa sulufule. Ubu bo bufwe bwabo ubwabubili.”