Zefaniya 3:10 - IBAYIBOLO 2024

¹⁰ Ukwandila ko kwisila ilya lusoko ulwa Etiyopiya, abantu bane abakunyiputa na bakunyampana bakwiza pakubika ivyakwiyipa kukwane.

Zefaniya 3:10 Iomraidhean Croise

Masalimo 68:31

Aba Ijiputi bamwizilaye ni vyabupi u Chala, bope aba Etiyopiya bakomaye inkufi bo bakwiputa.

Yesaya 11:11

Pisiku lila u Mwene akwiza pakulanjizya amaka ghache akabubili, pakubabwezya abantu bache abakusyalako ukufuma kuvyisu ivi, Asiliya na kuchigaba icha kuntede ku Ijiputi na kuchigaba ichakumitu icha Ijiputi nu Etiyopiya nu Elamu nu Babiloni nu Hamati na musungo zyosi izya Nyanja iya Medeteleniya.

Yesaya 11:12

Akwiza pakukwezya indembela ku inko, nukubabungannya abazya, babo bakanyapana muchisu icha Izilayeli nicha Yuda, ukwanda kunkuto zyosi izya chisu.

Yesaya 18:1

Chighune ku bantu babo bakwikala mulubazu ulwa lusoko ulwa Etiyopiya, kuko kukwivwika ichongo icha vipapande,

Yesaya 18:7

Pakabalilo kalakala u Mwene Uwamaka Ghosi akwiza pakupeghiwa ivyabupi, ku bantu abatalitali babo amabili ghabo miza, ukufuma ku bantu abakoghofya aba papipi naba kubutali inko inkali izya ndimi injeni, babo ichisu chabo chigabiwe nisoko, ivyabupi vikwiza pakubikiwa Pighamba ilya Ziyoni, ubuzilo ubwa Itabwa ilya Mwene Uwamaka Ghosi.

Malaki 1:11

Ukwanda kubufumilo bwizuba mupaka kubwinjililo bwizuba itabwa lyane likwiza pakuba likulu nkani pakasi pabantu aba inko izinji. Kosi na kosi abantu bakwiza pakufukizya utwakununkila nukubika ivyakwiyipa ivyenecho pachifukwa icha litabwa lyane pakuti itabwa lyane likwiza pakuba likulu nkani pakasi pa inko. Ane ne Mwene Uwamaka Ghosi nanena.”

Yohani 7:35

Abalaghili aba Chiyuda bakalalusannya benebene bakati, “Nkimba umuntu yunuyu akulonda pakubuka kwiyi kuko tutangamwagha? Nkimba akulonda pakubuka muvyisu ivya ba Giliki kuko abantu bitu bakwikala nukubamanyisya aba Giliki?

Imbombo 24:17

“Bo nikala akabalilo akatali kuzi ukwa Yelusalemu, nkanyokela kulakula ukuti imbuke imbape ivyabupi abantu bane, sona nukuti imbike ivyakwiyipa.

Imbombo 8:27

Po u Filipu akanyamuka nukubuka. Ikambala limo lilyo likapasiwa, sona akaba mumanyikwe muchisu icha Etiyopiya, yuyo akaba we songo uwakwenelezya ichuma icha Mwene Umukolo u Kandaki uwamu Etiyopiya. Akaba pabulendo ubwakubuka kukaya kache ukufuma mu Yelusalemu pakumwiputa u Chala,

Aba Loma 15:16

pakunsala ukuti imbanje ne mubombi uwa Kilisitu u Yesu pakasi pabantu babo bate ba Yuda. Ampiye imbombo iyakulumbilila Amazyu Amiza agha Chala ngati ne muputi, umwakuti abantu babo bate ba Yuda babanje chakwiyipa ichakumuhobosya u Chala, sona ni chakupaghuliliwa kukwache nu Muzimu Umuzelu.

1 Pitala 1:1

Ane ne Pitala, umutumiwa uwa Yesu Kilisitu. Nkubasimbila abantu abasaliwa aba Chala babo banyampaniye muchigaba icha Ponti, nicha Galatiya, nicha Kapadokiya, nicha Asiya, sona nicha Bitiniya.