Zefaniya 2:5 - IBAYIBOLO 2024

⁵ Chighune ku mwe mukwikala mulubazu ulwa nyanja amwe mwe luko ulwa ba Keleti, amazyu agha Mwene ghakubasusya, wee Kenani, ichisu icha ba Filisiti. “Nkwiza pakukunangannya, sona atalipo nayumoyumo yuyo akwiza pakusyalapo.” U Mwene anena.

Zefaniya 2:5 Iomraidhean Croise

Yesaya 14:29

Mwee ba Filisiti mutakasekelaye indisa yiyo yikabasyempa yipyokite, mu ndisa yilayila mukwiza pakufumamo injoka iya chipili, po ivikomwa vyache zikwiza pakuba njoka izya inondo.

Yesaya 14:30

Po abapina bakwiza pakulyanga ivyakulya, sona abapotwe bakwiza pakulambalalagha umwakufwasa, loli nkwiza pakubaghogha abana binyu nizala, nkwiza pakubaghogha babo bakalekiwa bumi.

Yelemiya 47:7

Nkimba angatuzya bulibuli bo u Mwene amulamula ukuti alwe ubwite nu Ashikeloni, mulubazu ulwa munyanja?”

Ezekiyeli 25:16

polelo u Mwene Uwamaka Ghosi akuti: Indi papipi pakugholosezya inyobe yane paba Filisiti sona nkwiza pakubazimizya aba Keleti nukubanangannya bosi babo bakwikala mulubazu ulwa nyanja.

Amosi 3:1

Mwee ba Izilayeli, ivwa zizyo u Mwene akunena nizya amwe, mwe luko lulo nkalwefyamo mu Ijiputi:

Amosi 5:1

Mwee ba Izilayeli, teghelezya ulwimbo ulwa pamfwa lulo nkubimbila,

Zefaniya 1:11

“Lilagha, amwe mwe mukwikala muminalo, abaghulizi binyu bosi bakwiza pakuzimila, sona bosi babo bakughulizya u siliva bakwiza pakunangika.

Zefaniya 3:6

U Mwene akakabuzya akaya kala akati, “Nazinangannya inko zyosi, sona amalinga ghabo naghamongolannya. Imisebo yabo nayinangannya atalipo nayumoyumo umuntu uwakudumusannyamo. Utwaya twabo twananganika sona mute nu muntu nayumoyumo.

Zekaliya 1:6

Loli abantu batakaghivwila amazyu ghane ni ndaghilo zyane, zizyo nkabapa ababombi bane abalaghuzi.’ “Po bakapinduka nukuti, ‘U Mwene Uwamaka Ghosi atubombela ukuyana ni zila zyitu sona ni mbombo zyitu.’ ”

Maliko 12:12

Bo abalongozi aba Chiyuda bazyaghannya ukuti u Yesu akanenagha nizya babo muchili chilachila, bakanda pakulonda izila iyakumulemela. Loli bakanyilagha abantu bala, po bakamuleka nukwepapo.

Yoshwa 13:2

“Ichisu chicho chasyalako cho ichi: Ichisu chosi icha ba Filisiti nicha ba Geshuli,

Yoshwa 13:3

ukwandila ko kulusoko ulwa Sihoni kubufumilo bwizuba ubwa Ijiputi mupaka muchigaba icha Ekiloni kumitu kokuti ichisu chosi icha ba Kenani, chicho abamwene fayivi aba Filisiti bakalaghilagha mu Gaza, na mu Ashidodi namu Ashikeloni namu Gati namu Ekiloni sona na mu Avimu.

Abalongi 3:3

Akabaleka abamwene fayivi aba ba Filisiti naba Kenani bosi naba Sidoni sona naba Hivi babo bakikalagha pighamba ilya Lebanoni ukwandila kwighamba ilya Baala Helimoni mupaka ku Lebo Hamati.

1 Samuweli 30:14

Tukalwanga ubwite muchigaba chimo kuntende ukwa Yuda, muchisu icha ba Keleti, sona na muchigaba icha ba Kalebu. Tukocha akaya akakulu aka Zikilagi.”