Zefaniya 2:3 - IBAYIBOLO 2024

³ Mumulondaye u Mwene mwebosi mwe mukwiyisya, mwe muli muchisu, amwe mwe mukubomba zizyo akubalamula. Mubulondaye ubugholosu, sona nukwiyisya. Lumo mungapona pisiku ilya kukalala ukwa Mwene.

Zefaniya 2:3 Iomraidhean Croise

2 Samuweli 12:22

U Devedi akamula akati, “Bo umwana yula achili mumi, nkatuzya pakulya nukulila. Nkinong'onagha ukuti, ‘Lumo u Mwene angampelela ichisa nukumuleka umwana yula mumi.’

Masalimo 105:4

Mumulondaye u Mwene namaka ghache, sona mubanje pamaso papache akabalilo kosi.

Masalimo 149:4

Pakuti u Mwene akuhoboka na bantu bache, sona abakwiyisya akubapa ubupoki.

Masalimo 22:26

Abapina bakwiza pakulyanga nukwikuta, sona babo bakumulondelezya u Mwene bakwiza pakumupala ukuti, “Amoyo ghinyu ghabanjeko bwila na bwila.”

Masalimo 31:20

Ukubafisa mukazundila aka bubapo bwako, ukubavighilila ku bantu ababibi. Ukubasungilila akiza munyumba yako, ukubapoka munyobe izya bantu abamyasi.

Masalimo 45:4

Bukagha nu buchindamu bwako pakupota abalwani bako, pakuvivighilila ubwanaloli, nukwiyisya nu bugholosu. Yilekaye inyobe yako indilo yibombaye imbombo zyako izyakoghofya.

Masalimo 57:1

Wee Chala, umpelele ichisa, sona banga ni chisa nane, pakuti nkuchimbilila kukwako. Nkwiza pakuponela kusi kuvipapande vyako, mupaka ukankungu uwakunangannya adumusannye.

Masalimo 76:9

Wee Chala bo awe wimiliye ukuti ulonge, ukuti ubapoke abantu bosi abakukanyililiwa aba pachisu.

Masalimo 91:1

Umuntu wesi yuyo akwikala mubuzilo ubwakuvwamo Uwakumwanya Nkani, akwikala muchizyezye icha Uwamaka Ghosi,

Ukufuma 12:27

Mubamule ukuti, ‘Ichi cho chakwiyipa icha Pasa uwa Mwene, pachifukwa ichakuti akadumusannya inyumba izya ba Izilayeli muchisu icha Ijiputi. Akabaghogha aba Ijiputi, loli akatuleka aswe bumi.’ ” Aba Izilayeli bakafughama nukumwiputa.

Ivyili 18:10

U Mwene ali ngati chitembe ichamaka, mumo abagholosu bangaponelamo.

Yesaya 1:17

Mumanyilaye pakubomba imbombo ingolosu, mubombelaye mubwanaloli, sona mubakazyanje abantu babo bakuyivyiwa. Mubasungililaye abana abalanda sona mubimilaye abakolo abafwilwe pa nongwa zyabo.”

Yesaya 11:4

loli nu bugholosu akwiza pakubalongela abapotwe, nukubadumulila abapina mubwanaloli aba muchisu ichapasi. Akwiza pakuchikoma ichisu ichapasi nindisa iya mumulomo wache, umuyi uwa milomo yache gho ghukwiza pakubaghogha ababomba mbibi.

Yesaya 61:1

U Muzimu uwa Mwene Uwamaka Ghosi ali papane, pachifukwa ichakuti u Mwene ampakazizye amafuta, pakulumbilila amazyu amiza kubapina. Antumite ane pakupozya abamoyo aghakuvulala, pakufumusya ubwabuke ku bazya, nukubasatula ukufuma muchisi icha mubukayidi,

Yelemiya 39:18

Nkwiza pakukupoka, utakwiza pakufwila kubwite awe, loli ukwiza pakubupoka ubumi bwako pachifukwa ichakuti unsubiye.’ Ane ne Mwene nanena.”

Yelemiya 45:5

Nkimba choni chicho ukwilondela ivintu ivya pamwanya? Utakavilondaye awe. Pakuti nkwiza pakubizila abantu nintamyo, loli kosi kuko ukubuka nkwiza pakukuleka mumi.’ ”

Ezekiyeli 13:5

Abene batabukiteko pakubuyannya ubuzilo bubo bukamongoka ubwa ba Izilayeli ukuti baponelemo, umwakuti bwime nkani pisiku ilya bwite ilya Mwene.

Hoseya 10:12

Mwipeselaye mwebene ubugholosu umwakuti mwinulaye, lughano lulo lutakupotwapo nalumolumo. Puzannya amaghunda ghinyu, pakuti ko kabalilo akakumulondela u Mwene, mupaka u Mwene ize nukubapungulila ubugholosu.

Hoseya 7:10

Ukwitutumula ukwa Izilayeli kukumususya, loli atakunyokela kwa Mwene u Chala wache pamo pakumulondalonda, napapo zyosi zinizi zikumubonekela.

Yona 3:9

Nkimba wewenu angazimanya ukuti pamo u Chala angatozolako ubukali bwache ubwakoghofya, umwakuti tutakazimile?”

Zekaliya 8:19

U Mwene Uwamaka Ghosi akuti, “Mutuzyanje pakulya umwezi uwafolo nu mwezi uwafayivi nu mwezi uwaseveni, po u mwezi uwa 10, gho ghubanje mwezi uwa ba Yuda uwalusekelo nukuhoboka. Polelo mubughanaye ubwanaloli sona nu mutende.”

Matayi 5:5

Basayiwa abantu babo bakwiyisya, pakuti bakwiza pakupokela zizyo u Chala akabalayizya.

1 Aba Tesalonika 4:1

Pabumalilo, bakamu bane, mukamanyila kukwitu mumo mubaghiye mwikalilaye, umwakuti mumuhobosye u Chala ukuyana namumo naloli mukwikalila. Po ilelo tukubalaba, nukubalambilizya nkani mwitabwa ilya Mwene u Yesu ukuti mubombaye bunubu ukuchilapo pakwanda.

1 Aba Tesalonika 4:10

Naloli mubaghanite abakamu bosi aba muchigaba icha Makedoniya. Po tukubalaba amwe bakamu bitu, pakubomba bunubu ukuchilapo pakwanda.

1 Pitala 1:22

Pakuti ilelo mwiswefya mwebene pakwivwila ubwanaloli, umwakuti mukubaghana abitiki abamwinyu. Po mughananaye mwebene nu moyo winyu ghosi.

1 Pitala 3:4

Loli akabonekele kinyu akiza kabanje ka muntu uwa mukasi. Aka ko kabonekele akiza akenecho kako katakuchuja, aka muzimu umololo, sona nu wamyee, ghugho wamutengo nkani pamaso pa Chala.

2 Pitala 3:18

Loli endelela pakukula muchisa na mumahala agha Mwene, yuyo Mupoki witu u Yesu Kilisitu. Ubuchindamu bubanje kukwache ilelo mupaka bwila na bwila! Ameni.