Zefaniya 2:15 - IBAYIBOLO 2024

¹⁵ Kanaka ko kaya akakulu nkani kako katakupasya kakikalagha umwakufwasa. Kakinong'onagha ukuti, “Ane ne nene, sona atalipo uyunji uwakunchila.” Ilelo kaba chisami, akaya kavinyamana ivya munkolongo! Bosi babo bakudumusannya palapala bakukaseka, bakwiza pakuchenuka nukupukunnya imitu yabo.

Zefaniya 2:15 Iomraidhean Croise

Yobu 16:4

Nane bulo ngali nanenagha ngati mwemwe nanti mukabanga ngati mumo imbeleye. Ngali nanenagha akiza nkani umwakususannya namwe nukubapukunizizya umutu.

Yobu 27:23

Impepo yila yikukoma inkufi nukumobezya, pachifukwa ichakuti azimila.

Yesaya 22:2

Wee kaya akakulu wizuye bulo nichongo, wee kaya akakulu nkani aka chongo na kalusekelo? Abantu babo bakafwa batakaghoghiwa nupanga, pamo ukufwila kubwite.

Yesaya 32:11

Tetemagha amwe mwebakolo mwemwifwasiye bulo, amwe mwe balindu mwe mutakupasya nachimo. Vula amenda ghinyu, nukuvwala amasaka mumisana ghinyu pachifukwa icha chitima.

Yesaya 32:14

Pakuti inyumba iya bumwene yikwiza pakuba chisami, akaya akakulu nkani akachongo kakwiza pakulekiwa, amalinga ni chitembe vikwiza pakunanganika bwila na bwila, impunda izya muzi zikwiza pakuba mulamula, sona ing'ozi zyope zikwiza pakulyanga isote mumo,

Yesaya 32:9

Amwe mwe bakolo mwe mwifwasiye bulo, nyamuka nukunteghelezya, amwe mwebana abalindu mwe mutakupasya nachimo, teghelezya zizyo nkunena!

Yesaya 47:10

Usubaliye ububibi bwako nukunena ukuti, ‘Atalipo nayumo yuyo akunyennya.’ Amahala ghako nu bumanyi bwako vikukusobezya, bo ukunena mumoyo wako ukuti, ‘Nene nemwene, patalipo uyunji yuyo ayanite nane.’

Yelemiya 18:16

Bakachipela ichisu chabo pakuba chakoghofya, bosi babo bakudumusannyapo bakwiza pakuswigha, sona bakwiza pakupukuzya imutu yabo.

Yelemiya 19:8

Nkwiza pakukapela akaya akakulu kanaka pakuba chakoghofya nkani sona umuntu wesi yuyo akudumusannyapo palapala akwiza pakuba nubogha sona ni chiswigho pachifukwa icha kunanganika kwache.

Yelemiya 50:13

Pachifukwa icha bukali ubwa Mwene abantu batakwiza pakwikalamo, loli chikwiza pakuba chisami. Abantu bosi babo bakudumusannya mu Babiloni, bakwiza pakuswigha, sona nukusekiwa pachifukwa icha vilonda vyache.

Nkuto 1:1

Mwee, akaya akakulu nkani aka Yelusalemu, kako kale kakizula na bantu ilelo kaba chisami. Ali ngati mukolo umufwilwe, yuyo kale akachindikiwanga muchisu ichapasi. Akaba we mwene umukolo uwa inko izinji zyosi, loli ilelo aba muzya.

Nkuto 2:1

U Mwene amuvwinka u Yelusalemu, ni bingu ilya bukali bwache. Abwefya ubuchindamu ubwa Izilayeli kumwanya nukubusumbila pachisu ichapasi. Atakayikumbuka nalumo Inyumba yache, pisiku lilyo akakalala.

Nkuto 2:15

Bosi babo bakudumusannya bakukuseka. Bakumobezya nukupukunnya imitu yabo pachifukwa icha zizyo zyamuwila u Yelusalemu. Bakuti, “Nkimba aka ko kaya akakulu nkani kako kakitiziwanga ukuti ko kasayiwa, kako kakabahobosyanga abantu pachisu chosi icha ichapasi?”

Ezekiyeli 27:36

Abaghulizi babo bali pakasi pa inko, bakukobezya. Wafika pabumalilo ubwakoghofya, sona utakwiza pakubako.’ ”

Ezekiyeli 28:2

“Wee mwana uwa muntu, mubuzye umulaghili uwa kaya akakulu nkani aka Tile ukuti, ‘U Mwene Uwamaka Ghosi akuti: Pachifukwa icha moyo wako uwakwikwezya wati, “Ane ne chala, nkwikala pachitengo icha chala pakasi panyanja.” Loli we muntu bulo, ute we chala, napapo ukwinong'ona ukuti, we wamahala ngati we chala.

Ezekiyeli 28:9

Nkimba ukwiza pakunena pamaso pababo bakukughogha ukuti, “Ane ne chala?” Awe we muntu bulo, tewe chala, bo uli munyobe izya babo bakukughogha.

Ezekiyeli 29:3

Umubuzye ukuti, ‘U Mwene Uwamaka Ghosi akuti: Nkukususya awe we Falabo, u mwene uwamu Ijiputi, awe we nyivwila inkulu, yiyo yikughona pakasi patusoko. Ukuti, “Ulusoko ulwa Nayilo lwane, nkipangila ne mwene.”

Daniyeli 4:27

Polelo wee mwene, itika bulo zizyo nkukubuzya. Zileke imbibi zyako, ubombaye ingolosu pakubapelela ichisa abapina. Po ivintu vyosi vikwiza pakukwendelagha akiza akabalilo kosi.”

Nahumu 3:19

Chitalipo nachimochimo ichakupozya ichilonda chako, sona ukuvulala kwako kutangapola. Wesi yuyo akwivwa nizya ipangwi lyako, akuhoboka nukukoma inkufi pachifukwa icha kuwa kwako. Nkimba alipo yumo umuntu yuyo aponite kubukali bwako ubusita kumala?

Habakuku 1:7

Bantu bakoghofya sona abantu bakubanyila, Bakwipangila bene indaghilo, sona bakwilondela bene umuchizi.

Matayi 27:39

Abantu babo bakadumusannyanga palapala bakapukuzya imitu yabo nukumusamula u Yesu ukuti,