Zefaniya 2:13 - IBAYIBOLO 2024

¹³ U Mwene akwiza pakulanjizya amaka ghache pakulwana nichigaba icha kumitu nukumunangannya u Asiliya, akwiza pakukapela akaya aka Ninive pakuba chisami, sona chikwiza pakuba chumizu ngati nkolongo.

Zefaniya 2:13 Iomraidhean Croise

Yesaya 10:12

Po u Mwene ayimalizya imbombo yache yosi Pighamba ilya Ziyoni na mu Yelusalemu akwiza ukunena ukuti, “Nkwiza pakumufunda u mwene uwamu Asiliya, pachifukwa icha mituvyo nukwikwezya.

Yesaya 10:16

Polelo, u Mwene Uwamaka Ghosi, akwiza pakubawisizya ububine, ubwa kughandizya abalwabwite abamaka, kusi ukwa buchindamu bwache ku kukwiza, pakwaka umoto ghugho ghutakuzimamo.

Yesaya 10:5

U Mwene akuti, “Chighune kuba Asiliya, indisa iya ukukalala kwane, munyobe zyabo muli intughu iya ubukali bwane!

Yesaya 11:11

Pisiku lila u Mwene akwiza pakulanjizya amaka ghache akabubili, pakubabwezya abantu bache abakusyalako ukufuma kuvyisu ivi, Asiliya na kuchigaba icha kuntede ku Ijiputi na kuchigaba ichakumitu icha Ijiputi nu Etiyopiya nu Elamu nu Babiloni nu Hamati na musungo zyosi izya Nyanja iya Medeteleniya.

Yesaya 14:26

Ulu lo lubatiko lulo lubatikiliwe ichisu chosi, nagholosya inyobe yane ukuti inchifunde ichisu chosi ichapasi.

Yesaya 37:37

Po u mwene u Senakelibu uwamu Asiliya akanyokela ku Ninive nukwikala kulakula.

Yelemiya 49:33

Akaya aka Hazoli kakwiza pakuba kakwikalamo abakambwe, nukwipela pakuba chisami icha bwila na bwila. Atalipo nayumoyumo yuyo akwiza pakwikalamo, sona nuwakuzengamo.”

Yona 1:2

“Bukagha kukaya akakulu nkani aka Ninive nukulumbilila amazyu sona nukubasusya pachifukwa ichakuti nennya ububibi bwabo.”

Yona 3:2

“Bukagha ku Ninive, kukaya akakulu nkani kala, pakulumbilila amazyu ghagho nkukubuzya.”

Mika 5:6

Bakwiza pakuchimala ichisu icha Asiliya nupanga, sona ni chisu icha Nimulodi. Akwiza pakutupoka munyobe izya Asiliya, bo bakwiza muchisu chitu nukwenda mumpaka zyitu.

Nahumu 1:1

Agha gho mazyu aghabulaghuzi agha Mwene aghakunena nizya kaya aka Ninive. Ibuku ilya chisetuka icha Nahumu umu Elikoshi.

Nahumu 3:15

Kulakula umoto ghukwiza pakubalungulizya. Mukwiza pakughoghiwa kubwite, sona mukwiza pakuzimila ngati mumo umakanta akulyela ivibyalwa. Mupapanaye ngati we kanta sona mubalaye ngati mpazi!

Nahumu 3:7

Bosi babo bakukwennya bakwiza pakukuchimbila nukuti, ‘Akaya akakulu nkani aka Ninive kaba chisami. Nkimba wewenu yuyo akwiza pakukalilila? Nkimba ningamwagha kwiyi uwakukusangalusya?’ ”

Zefaniya 1:4

“Nkwiza pakubafunda abantu aba muchisu icha Yuda, sona na bosi babo bakwikala mu Yelusalemu. Nkwiza pakubazimizya pabuzilo ubu aba Baala bosi abakusyala, sona nkwiza pakughazimya amatabwa agha bantu, sona na baputi babo bakuchiputa ichifwani icha Baala.