Zefaniya 2:11 - IBAYIBOLO 2024

¹¹ U Mwene akwiza pakuboghofya, bo akubanangannya abachala bosi aba chisu ichapasi. Inko zyosi zikwiza pakumwiputa, inko yosi muchisu chache.

Zefaniya 2:11 Iomraidhean Croise

Ubwandilo 10:5

Banaba bakaba banyenya aba bantu bosi babo bakikalagha mulubazu ulwa nyanja na mutusungo utwa nyanja. Banaba bo baluko ulwa Yafeti. Uluko lwabo lukaba lwakulekanalekana, po bakikalagha muvyisu ivyakulekanalekana. Uluko losi lukaba ni neno iyabo ni yabo.

Masalimo 138:4

Wee Mwene, abamwene bosi aba muchisu ichapasi bakupalaye, bo bivwa amazyu ghako.

Masalimo 72:17

Itabwa lyache libanjeko bwila na bwila, sona libanjeko ngati mumo izuba likubelaghako. Abantu aba inko zyosi bakwiza pakusayiwa ukwendela mumwache, sona bakwiza pakumwitizya ukuti musayiwa.

Masalimo 86:9

Wee Mwene inko zyosi zizyo wazipela, zikwiza pakukwiputa pamaso papako, po zikwiza pakulichindika itabwa lyako.

Yesaya 2:18

Ivifwani vitakwiza pakuboneka sona.

Yesaya 2:20

Pisiku lilalila abantu bakwiza pakubasumbila abatunko na bakasyusyu ivifwani vyabo ivya siliva nu golide, vivyo bakipangila bene ukuti bavyiputaye.

Yesaya 42:10

Mumwimbilaye u Mwene ulwimbo ulupya, amwe mwe mukufuma kubumalilo ubwa chisu mumupalaye, amwe mwe mukubuka pasi panyanja navyosi vivyo vilimumo, amwe mwe tusungo na mwebosi mwe mukwikala mumo mumwimbilaye.

Yesaya 42:4

atakwiza pakupotwa pamo ukuwa amaka, bo atikazizye ubwanaloli pachisu ichapasi. Utusungo tukulindilila indaghilo zyache.”

Yesaya 49:1

Nteghelezya amwe mwe bantu mwe mukwikala mulubazu ulwa nyanja, namwe mwe bantu mwe mukwikala kubutali, ivwa zinizi! Bo inchili napakupapiwa, u Mwene akanyitizya pakuba ne mubombi wache. Bo inchili mulwanda akanyita itabwa lyane.

Yelemiya 10:11

Mubabuzye ukuti, “Abachala aba batakapela ichisu icha kumwanya ni ichapasi, bakwiza pakuzimila pachisu chosi sona na kusi kuchisu.”

Yelemiya 46:25

U Mwene Uwamaka Ghosi, u Chala uwa ba Izilayeli akuti, “Nkwiza nulufundo kwa Amoni u chala uwa Tebesi napa Falabo, sona na muchisu chosi icha Ijiputi poka na bachala bache, na bamwene bache, sona napa bosi babo bakumusubila u Falabo.

Daniyeli 11:18

Pisinda pache akwiza pakubuka pakulwa ubwite ni vyisu ivya mulubazu ulwa nyanja inkulu nukuvipota ivyisu ivyinji. Loli usongo uwa basilikali akwiza pakupotiwa, umwakuti akwiza pakumazya inkalo yache nkozyasoni.

Hoseya 2:17

Nkwiza pakughefyamo amatabwa agha aba Baala pamalomo ghache, sona abantu batakwiza pakughakumbukamo sona amatabwa ghabo pakwiputa.

Yoweli 2:11

Izyu ilya Mwene likujilimisya pamaso pabasilikali bache, abasilikali bache binji nkani ukuchilapo. Bamaka babo bakubomba zizyo u Mwene akulonda. Isiku ilya Mwene likulu nkani, sona lyakoghofya nkani. Nkimba wewenu yuyo angajimba?

Zefaniya 1:4

“Nkwiza pakubafunda abantu aba muchisu icha Yuda, sona na bosi babo bakwikala mu Yelusalemu. Nkwiza pakubazimizya pabuzilo ubu aba Baala bosi abakusyala, sona nkwiza pakughazimya amatabwa agha bantu, sona na baputi babo bakuchiputa ichifwani icha Baala.

Zefaniya 3:9

“Pakabalilo kalakala nkwiza pakuyiswefya imilomo iya inko umwakuti abantu bosi balichindikaye itabwa ilya Mwene, nukumubombela nu moyo ghoka.

Zekaliya 13:2

“Pisiku lilalila, nkwiza pakughazimya amatabwa agha vifwani ivya muchisu, batakwiza pakughakumbuka sona. Nkwiza pakubefyamo bosi babili abalaghuzi ni mizimu iminyazu iya muchisu chilachila. U Mwene anena.

Zekaliya 2:11

Pakabalilo kalakala, inko inyinji zikwiza pakwiza kwa Mwene, sona zikwiza pakuba bantu bache. Nkwiza pakwikala pakasi papinyu, mukwiza pakumanya ukuti u Mwene Uwamaka Ghosi antumite pakasi papinyu.

Zekaliya 8:20

U Mwene Uwamaka Ghosi akuti, “Akabalilo kakwiza kako inko inyinji izyakufuma mutwaya utwinji utukulu nkani sona na bantu babo bakwikala mulamula bakwiza pakwiza mu Yelusalemu.

Zekaliya 8:23

U Mwene Uwamaka Ghosi akuti, “Pakabalilo kalakala, abanavuli 10 abakufuma mu neno zyosi sona naba mu inko izinji, bakwiza pakuyilema nkani inkazo iya mu Yuda yumo nukuti, ‘Tubukaye nawe, pakuti twivwa ukuti u Chala ali nawe.’ ”

Malaki 1:11

Ukwanda kubufumilo bwizuba mupaka kubwinjililo bwizuba itabwa lyane likwiza pakuba likulu nkani pakasi pabantu aba inko izinji. Kosi na kosi abantu bakwiza pakufukizya utwakununkila nukubika ivyakwiyipa ivyenecho pachifukwa icha litabwa lyane pakuti itabwa lyane likwiza pakuba likulu nkani pakasi pa inko. Ane ne Mwene Uwamaka Ghosi nanena.”

Malaki 1:14

“Aghuniwanje umuntu yuyo muzimbuli, ali ni chitekwa ichanavuli ichiza mumudimo wache, akufinga pakubika, loli akwiyipa chicho chili ni chilema kwa Mwene. Pakuti ane ne mwene umukulu nkani.” U Mwene Uwamaka Ghosi anena, “Sona itabwa lyane libaghiye pakuchindikiwa pakasi pa inko.”

Ukukumbusya Amalamulo 32:38

Abachala babo bali ko kwiyi, babo bakalyanga amafuta agha ivyakwiyipa vyabo sona babo bakang'welagha uvinyo uwa vyakwiyipa vyabo ivya kung'wela? Baleke bize ukuti babavwe, sona bizaghe pakubapoka.

1 Timoti 2:8

Nkulonda ukuti posi na posi abanavuli babo bapaghuliliwe kwa Chala, biputaye umwakukwezya inyobe zyabo izelu mumwanya umwakusita ukukalala, pamo ukususannya.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”