Zefaniya 1:7 - IBAYIBOLO 2024

⁷ Ubanje myee pamaso pa Mwene Uwamaka Ghosi, pakuti isiku ilya Mwene lili papipi. U Mwene ayannya ichakwiyipa, sona abapaghula abantu babo abitizizye.

Zefaniya 1:7 Iomraidhean Croise

Yobu 24:1

“Nkimba choni chicho Uwamaka Ghosi atakusala akabalilo akakulongela?” Nkimba choni chicho abantu babo bamumenye, batakughennya amasiku ghanagha?

Masalimo 46:10

“Banga bulo myee, sona uzimanye ukuti ne Chala, sona abantu aba inko izinji bakwiza pakumpala, bope abantu aba muchisu ichapasi bakwiza pakunkwezya.”

Yesaya 13:3

Ane ne Mwene nabalamula abazelu bane, nabitizya abalwabwite bane ukuti bakwanilisye ubukali bwane babo bakusekela mubupoti bwane.

Yesaya 13:6

Fwifwitilagha, pakuti isiku ilya Mwene lili papipi, likwiza ngati kunangannya ukufuma ku Wamaka Ghosi.

Yesaya 2:12

Pisiku ilya Mwene Uwamaka Ghosi, akwiza pakubisya abantu bosi abamituvyo na bakwitutumula Akwiza pakubapota abantu bosi abakwikwezya,

Yesaya 29:2

Loli nkwiza pakumubika u Yelusalemu mukaya akantamyo, akwiza pakulila nukufwifwitila akwiza pakuba ngati chighemo, chicho chili libanda lyene.

Yesaya 34:5

U Mwene akuti, “Upanga wane ang'wela ivyakung'wela vyache kumwanya, ennya, akwika nu bulongi pachisu icha Edomu, pabantu babo nabanangannya.”

Yesaya 34:6

U panga uwa Mwene oghite mwibanda, ali mafuta ghene agha mwana uwa ng'ozi nagha mbuzi, amafuta agha figho agha dubi. Pakuti u Mwene abika ichakwiyipa mukaya akakulu nkani aka Bozila, sona baghoghiwa abantu abinji nkani muchisu icha Edomu.

Yesaya 6:5

Po nkati, “Chighune kukwane! Nkufwa pachifukwa ane ne muntu uwa milomo iminyazu, sona nkwikala pakasi pabantu babo imilomo yabo minyazyu. Po namaso aghane na ghane na mwennya u Mwene, u Mwene Uwamaka Ghosi.”

Yelemiya 46:10

Loli isiku lila ilya Mwene Uwamaka Ghosi, isiku ilya kutanizya, akubatanizya abalwani bache. U panga wache akwiza pakubanangannya, nukung'wela ibanda mupaka ikute. Pakuti u Mwene Uwamaka Ghosi akwiza pakubika ichakwiyipa, muchisu icha kumitu papipi nu lusoko ulwa Yufuleti.

Ezekiyeli 7:10

“Ennya, isiku lyafikila! Lyafika kale! Ubufwe bwafika, ububibi bwinyu bwabazya ngati bwezya, sona ukwituvya kwinyu kuli pabuzelu!

Ezekiyeli 7:7

Amwe mwe mukwikala muchisu! Ukunanganika kwabawila, akabalilo kafikila, isiku lili papipi, kuli ukuvulungana, patalipo ukusekela pamaghamba.

Yoweli 1:15

Mwee, chighune pisiku lilalila! Pakuti isiku ilya Mwene lili papipi, sona likwiza ngati kunanganika, ukufuma ku Wamaka Ghosi.

Yoweli 2:11

Izyu ilya Mwene likujilimisya pamaso pabasilikali bache, abasilikali bache binji nkani ukuchilapo. Bamaka babo bakubomba zizyo u Mwene akulonda. Isiku ilya Mwene likulu nkani, sona lyakoghofya nkani. Nkimba wewenu yuyo angajimba?

Yoweli 2:31

Izuba likwiza pakwanduka chisi, ghope umwezi ghukwiza pakwanduka libanda, bo litizite isiku ikulu nkani ilya Mwene sona ni lyakoghofya.

Amosi 6:10

Sona nanti umukamu yumo yuyo akulonda pakubasyila iza nukwefyamo imivimba munyumba mula nukumulalusya yumo yuyo asyala munyumba mula ukuti, “Nkimba asyalako yumo?” Nanti akuti, “Awe.” Po akwiza pakunena ukuti, “Banga myee! Tutakachele pakulitambula itabwa ilya Mwene.”

Amosi 8:3

U Mwene Uwamaka Ghosi akati, “Pisiku lilalila inyimbo izya mu Nyumba iya Chala zikwiza pakuba chililo. Imivimba imyinji yikwiza pakulambalala bulo myee posi na posi!”

Habakuku 2:20

Loli u Mwene ali Munyumba yache izelu, leka ichisu chosi ichapasi chibe myee pamaso papache.

Zefaniya 1:14

Isiku ikulu ilya Mwene lili papipi sona likwiza umwalubilolubilo. Teghelezya! Ukulila pisiku ilya Mwene kukwiza pakubaba nkani, kulakula bope abasilikali abajivu nkani bakwiza pakukolomoka.

Zekaliya 14:1

Isiku ilya Mwene likwiza, lilyo ivintu vivyo vikafyuliwa kukwako vikwiza pakugabiwa pakasi papinyu.

Zekaliya 2:13

Mwe bantu mwebosi, mubanje bulo myee pamaso pa Mwene, pakuti avundumuka ku buzilo bwache ubuzelu bubo akwikalako.

Malaki 4:1

U Mwene Uwamaka Ghosi akuti, “Naloli isiku likwiza, po likwiza pakocha ngati muvuno, abantu bosi babo bakwituvya na babomba mbibi bakwiza pakupya ngati lyelelo. Pisiku lilalila umoto ghukwiza pakulyocha,” chitalipo nachimochimo chicho chikwiza pakulekiwapo igululuzi pamo akasamba.

Matayi 22:4

Po akatuma abambombo abamwabo pakasi pabantu babo bakitiziwa na mazyu aghakuti, ‘Nayannya ulusekelo; naghogha ing'ombe ni ngwata inyine. Vyosi vyayaniziwa. Mwizaye kulusekelo ulwa sendwa iyi.’

Aba Loma 3:19

Ilelo tuzimenye ukuti vyosi vivyo Indaghilo zikunena, zikunena nizya bantu babo bali pasi pa Ndaghilo, umwakuti patakabepo na pabulyeghelo napamopamo, sona nukuti bosi bakwiza pakulongiwa nu Chala.

Aba Loma 9:20

Loli awe we muntu bulo, nkimba wewenu awe ukuti umwamule u Chala? Nkimba isonta yikumulalusyapo umumatasonta ukuti, “Choni chicho ukamata bunubu?”

Aba Filipi 4:5

Akabalilo kosi mubanje bololo na bantu bosi. U Mwene ali pamulyango.

Aba Kolosi 1:12

Tukwiputa ukuti mumupalizyanje u Tata, yuyo akabapela amwe ukuti mugabane nabo ichilingo, chicho abasungilagha abantu bache abazelu mubumwene ubwa lukozyo.

1 Samuweli 16:5

U Samuweli akabamula akati, “Eee, kwa mutende. Niza pakubika ichakwiyipa kwa Mwene. Mwipaghule mwebene, tubukaye poka pakubika ichakwiyipa.” Po u Samuweli akamupaghula u Yese, poka na bana bache abalumendo, sona akabitizya ukuti babuke poka nawe pakubika ichakwiyipa.

1 Samuweli 20:26

Pisiku lilalila u Sabuli atakanenapo nachimochimo pakuti akinong'onagha ukuti, “Ichintu chimo chamuwila u Devedi, lumo atiswefizye mwene ukuti angaba nabo palusekelo ulu.”