Zefaniya 1:18 - IBAYIBOLO 2024

¹⁸ Usiliva pamo ugolide wabo vitakwiza pakubapoka pisiku ilya kukalala ukwa Mwene. Mumoto wache uwakabini ichisu chosi ichapasi chikwiza pakulungulila, pakuti akwiza pakubamala umwalubilolubilo abantu bosi babo bakwikala mulamula.

Zefaniya 1:18 Iomraidhean Croise

Ubwandilo 6:7

Akati, “Nkwiza pakubazimizya zila abantu bosi babo nkabapela. Nkwiza pakuvizimizya sona ivinyamana ni viyuni sona ni vinyamana ivyakwavula pachifukwa ichakuti indi ni chitima ukuti nkavipela vyosi vinivi.”

1 Abamwene 14:22

Abantu aba mu Yuda bakamunangila nkani u Mwene. Pachifukwa icha mbibi zizyo bakabomba, bakamukalalizya nkani u Mwene ukuchila namumo abanyenya babo bakabombela.

Yobu 21:30

Ukuti umuntu umubibi akupona pisiku ilya ntamyo, akupona pisiku ilya bukali ubwa Chala?

Yobu 3:15

Ngali indi pakutuzya poka na balaghili, babo bakaba nu golide umwinji nkani, nukwizuzya inyumba zyabo nu siliva.

Masalimo 78:58

Bakamukalalizya u Chala nu buzilo bwabo ubwapamwanya, umwakuti bakamupela ukuti abanje nu buzuba ni vifwani vyabo.

Masalimo 79:5

Wee Mwene, nkimba ukwiza pakutukalalila mupaka liyi? Fwandi ubuzuba bwako bukwiza pakwaka ngati moto mupaka liyi?

Ivyili 11:4

Ubukabi butangamwavwa umuntu pisiku ilya bulongi, loli ubwanaloli bukumupoka umuntu kubufwe.

Ivyili 18:11

Ubukabi ubwa muntu umukabi lyo linga lyache ilyamaka, sona buli ngati lupaso ulutali lulo lungamuvighilila.

Yesaya 1:24

Polelo u Mwene Uwamaka Ghosi, Uwamaka uwa ba Izilayeli akuti, “Mwee, nkwiza pakupungulila ubukali bwane pababo bakulwana nane sona nkwiza pakubatanizya abalwani bane.

Yesaya 10:17

Ulukozyo ulwa Izilayeli lukwiza pakuba moto, Umuzelu uwa Izilayeli akwiza pakuba ngati kampesese aka moto, Pisiku lyoka bulo ghukwiza pakocha nukulungulizya amivwa na bantolovu bache.

Yesaya 10:3

Nkimba mukwiza pakubomba ichoni pisiku ilya lufundo, bo ukunanganika kukwiza ukufuma kubutali? Nkimba mukwiza ukuchimbilila kwa wenu ukuti mubwaghe ubwavwilizi? Nkimba mukwiza pakumulekela uwenu ubukabi bwinyu?

Yelemiya 7:20

U Mwene Uwamaka Ghosi akunena akuti, “Ukukalala kwane nu bukali bwane vikwiza pakupunguliwa pabuzilo bunubu, pa muntu napa chinyamana, pa makwi agha munkolongo napa seke izya mumughunda, sona bukwiza pakwaka ngati moto ghugho ghutakuzima.”

Yelemiya 7:34

Nkwiza pakukanizya ivyongo ivya lusekelo nivya buhobosu mutwaya utukulu nkani utwa Yuda sona na mumisebo iya mu Yelusalemu naku mazyu agha yuyo akusendiwa sona nu mwenesendwa pakuti ichisu chila chikwiza pakwipela chisami.’

Yelemiya 9:11

U Mwene akuti, “Nkwiza pakumupela u Yelusalemu pakuba chisami, numwakughonamo abakambwe, sona utwaya utwa Yuda utukulu nkani tukwiza pakumongoliwa, umwakuti nayumoyumo u muntu akwiza pakwikalaghamo.”

Ezekiyeli 16:38

Nkwiza pakukufunda pachifukwa icha bwamalaya nicha kukupula ibanda, po nkwiza pakutanizya pakukupula ibanda pachifukwa icha bukali bwane sona na kabini kane.

Ezekiyeli 23:25

Nkwiza pakubika ubukali bwane ubwa kabini papinyu, mubukalale bwabo bakwiza pakumalana nawe. Bakwiza pakukudumula impuno yako na makutu ghako, sona na babo basyetemo bakwiza pakufwila kubwite. Bakwiza pakubasenda abana bako abalumendo na balindu, babo basyetemo mumwako umoto ghukwiza pabalungulizya.

Ezekiyeli 7:11

Ivyongo vyanyamuka, po vyaba ngati ndisa iya bubibi. Patalipo nayumoyumo umuntu, yuyo akwiza pakusyalapo, ivintu vyabo vikwiza pakumala, ubukabi bwabo bukwiza pakumala.

Ezekiyeli 7:19

“Bakwiza pakusumba usiliva wabo mumisebo, sona u golide wabo akwiza pakuba munyazu. Usiliva nu golide wabo vitakwiza pakubapoka, pisiku ilya bukali ubwa Mwene. Batakwiza pakwikutizya izala zyabo, pamo pakwizuzya inyanda zyabo nu siliva nu golide, pakuti ubukabi bwabo, bwabapela ukuti banangaye.

Ezekiyeli 7:5

U Mwene Uwamaka Ghosi akuti, “Ukunanganika! Ukunanganika! Ennya ukunanganika kwafika.

Zefaniya 1:11

“Lilagha, amwe mwe mukwikala muminalo, abaghulizi binyu bosi bakwiza pakuzimila, sona bosi babo bakughulizya u siliva bakwiza pakunangika.

Zefaniya 1:15

Isiku lila likwiza pakuba lisiku ilya bukali, isiku ilya mayimba sona nilya kubaba. Likwiza pakuba lisiku ilya ntamyo nukunanganika, likwiza pakuba lisiku ilya chisi nichitima, likwiza pakuba lisiku ilya mabingu ni chisi ichakoghofya,

Zefaniya 2:2

bo uchili pakupupuziwa ngati lyelelo, bo ubukali ubwa Mwene ubwakoghofya butakwiziye sona bo ubukali bwache butakuwiliye.

Zefaniya 3:8

Mundindilile pisiku lilyo nkwiza pakubikila ubwakaboni pakuti nadumula pakuzibungannya inko, nukububungannya ubumwene. Pakubapungulila ubukali bwane ubwakoghofya. Ichisu chosi ichapasi chikwiza pakulungulila numoto uwa buzuba bwane.” U Mwene anena.

Matayi 16:26

Nkimba umuntu akukabapo chimo nanti akaba ichisu chosi ichapasi, loli abutaghe ubumi bwache? Awe! Chitalipo nachimo chicho angalipa ukuti asende sona ubumi bwache.

1 Aba Kolinti 10:22

Fwandi, tukulonda pakumupela u Mwene ukuti abanje wakabini? Nkimba tukwinong'ona ukuti aswe twe bamaka ukumuchila yuyo?

Ukukumbusya Amalamulo 31:17

Po bunubu ane nkwiza pakubakalalila nukubaleka, sona nkwiza pakubanangannya. Nkwiza pakubawisizya intamyo na mayimba aminji nkani umwakuti pisiku lilalila bakwiza pakulalusya ukuti, ‘Nkimba intamyo zitakutuwila pachifukwa ichakuti u Chala witu, ate poka naswe?’