Zefaniya 1:17 - IBAYIBOLO 2024

¹⁷ “Nkwiza pakubawisizya abantu intamyo sona bakwiza pakwenda ngati bafwamaso, pachifukwa ichakuti bamunangila u Mwene. Ibanda lyabo likwiza pakukupuka ngati lufumbi sona imivimba yabo yikwiza pakuba ngati vintu ivinyazu.”

Zefaniya 1:17 Iomraidhean Croise

Masalimo 83:10

babo ukabanangannya pa Endoli, amabili ghabo ghabolela mwitope.

Yesaya 29:10

U Mwene abaghoneka nu tulo utwakufwa nato, abighalila amaso ghinyu amwe mwe balaghuzi, abavwinka imitu yinyu amwe mwe benelezi.

Yesaya 50:1

U Mwene akuti, “Nkimba ukwinong'ona ukuti nkababwezya abantu bane, ngati mumo umuntu akumusosezya umuchi wache? Po nkimba bali ko kwiyi abakalata abasoka? Nkimba ukwinong'ona ukuti nkakughulizya mubukayidi, ngati muntu yuyo akubaghulizya abana bache ngati bazya? Awe, mukabuka mubukayidi pachifukwa icha mbibi zyinyu. Mukachimbiziwa pachifukwa icha kunanga kwinyu.

Yelemiya 10:18

U Mwene akuti, “Nkwiza pakubataghila abantu aba kubutali ni chisu, nkwiza pakubizila nintamyo umwakuti bivwisye.”

Yelemiya 15:3

U Mwene akuti, “Nkwiza pakubatumila ivintu folo ivyakubanangannya, upanga uwakubaghoghela, imbwa izyakubaluma, ni viyuni, sona ni vinyamana ukuti vibalye nukubanangannya.

Yelemiya 18:21

Po ilelo Mwene, baleke abana babo bafwanje nizala, baleke bafwile kubwite. Baleke abachi babo babanje bafwilwe, abasita bana nabamobamo. Baleke abalume babo baghoghiwe, baleke abalumendo bafwile kubwite.

Yelemiya 2:17

Zinizi zyakubonekela, pachifukwa ichakuti ukamuleka u Mwene, u Chala wako, bo akukulongozya muzila yiyo ukendaghamo.

Yelemiya 2:19

Ukwiza pakufundiwa nu bubibi bwako, pakuti wankana, nkwiza pakukupa inongwa. Winong'one nkani ububibi nu bubavu ubwa kundeka ane ne Mwene u Chala wako, sona winong'one nizya kusita ukunyila.” U Mwene Uwamaka Ghosi anena.

Yelemiya 3:25

Zagha tulambalale pasi bo tuli nisoni, sona ukwisamula kwitu kutuvwinke. Pakuti twamunangila u Mwene u Chala witu, aswe poka na banyenya bitu, ukwandila ko kubulumendo bwitu mupaka nilelo, sona twapotwa pakumwivwila u Mwene u Chala witu.”

Yelemiya 4:18

“Akendele kinyu ni mbombo zyinyu vyo vivyo vyabizila nintamyo. Ulu lo lufundo lwinyu sona lukubaba, lukughavulazya amoyo ghinyu.”

Yelemiya 8:2

Ghakwiza pakunyampaniziwa kwizuba na kumwezi sona ni tondwa zyosi vivyo bavighanite nkani nukuvibombela sona vivyo bavikonka nukulabako amahala nukuvyiputa. Batakwiza pakughabungannya amafupa ghala pamo ukughasyila, loli ghakwiza pakuba muvundo pamwanya pitope.

Nkuto 1:14

“Azipinyiliye imbibi zyane kwikoli, sona ni nyobe zyache akazipinyilila zyosi poka. Azipinyiliye musingo yane, u Mwene anyefya amaka, sona ambika munyobe izya bantu babo intangalwana nabo.

Nkuto 1:18

U Mwene mugholosu, loli intakaghakonka amalamulo ghache. Mwee bantu mwebosi, ivwa kuno, ennya namumo nkuyimbila. Abalumendo na balindu bane balemiwa pakuba bazya.

Nkuto 1:8

U Yelusalemu abomba imbibi, sona inyazya mwene. Bosi babo bakamuchindikagha, ilelo bakumusamula, pakuti bamwennya namumo abeleye nkule. Akukoloma nukuvwinka icheni chache.

Nkuto 2:21

“Abanandi na baghosi bulo bali lambalala palufumbi mumisebo, abalumendo poka na balindu baghoghiwa nupanga. Ukabaghogha pisiku lilyo ukakalala, sona utakabapelela ichisa pakubaghogha.

Ezekiyeli 16:38

Nkwiza pakukufunda pachifukwa icha bwamalaya nicha kukupula ibanda, po nkwiza pakutanizya pakukupula ibanda pachifukwa icha bukali bwane sona na kabini kane.

Ezekiyeli 24:7

“ ‘Pakuti ibanda lilyo akakupula lili pakasi papache. Akalikupulila pilyalabwe, atakalikupulila pitope, papo ulufumbi lungalifukila.

Ezekiyeli 24:8

Ukuti libunyamusye ubukali bwane nukubatanizya, nkabika ibanda lyache pilyabwe, umwakuti litakafukiliwe.

Amosi 4:10

“Nkabawisizya iviwaya ngati mumo nkabombela mu Ijiputi. Nkabaghogha abalumendo binyu nupanga, poka ni falasi zyinyu zizyo mukazifyula. Nkazipela impuno zyinyu pakunusya umunusi uwa mivimba iyakufuma muvisakasa ivya basilikali, loli pope bulo mutakanyokela kukwane.” U Mwene anena.

Mika 7:13

Ichisu chikwiza pakuba chisami, pachifukwa icha bantu babo bakwikalamo sona pachifukwa icha mbombo zyabo.

Matayi 15:14

Baleke bene bulo, abafwamaso banaba, abalongozi aba bafwamaso. Nanti umufwamaso akulongozya umufwamaso uwamwabo, bosi babili bakuwila muchiliba.”

Aba Loma 11:25

Mwee bakamu bane, pano pali ubwanaloli bubo bufisiwe, bubo nkulonda ukuti amwe mubumanye pakuti chikwiza pakubapela ukuti mutakizimbulaye ukuti mwe bamahala. Ubukafu ubwa moyo agha ba Izilayeli bute bwa bwila na bwila, loli bukwiza pakubako mupaka abantu bosi babo bate ba Yuda bize kwa Chala.

Aba Loma 11:7

Po nkimba tungati choni? Chicho aba Izilayeli bakalondagha, batakachagha. Loli abantu abanandi bulo babo u Chala akasala, bakachagha. Abantu bosi babo bakasyalako bakaba na mapuli.

2 Aba Kolinti 4:4

Abene batakusubila pakuti u Satana, u chala uwa muchisu ichapasi azikite amoyo ghabo ukuti batakalwennyanje ulukozyo ulwa buchindamu ubwa Mazyu Amiza agha Kilisitu, yuyo nkozya bulo iya Chala.

2 Pitala 1:9

Loli nanti umuntu ate navyo ivintu vinivi, kokuti mufwamaso nukuti atangennya pabutali, sona aluvizye ukuti imbibi zyache izyakale zikaswefiwa.

1 Yohani 2:11

Loli nanti umuntu amubengite umukamu wache, kokuti achili ali muchisi. Akwenda muchisi sona atakumanya na kuko akubuka, pachifukwa ichakuti ichisi chamupela pakuba mufwamaso.

Ubuvumbuli 3:17

Pakuti ukunena ukuti, ‘Ane ne mukabi, indi navyo vyosi, sona ntakusobelwapo nachimochimo.’ Loli utazimenye ukuti we wantamyo, we mupelachisa, we mupina, we mufwamaso, sona uli nkule.