Zefaniya 1:16 - IBAYIBOLO 2024

¹⁶ pisiku linilyo kukwiza pakwivwika ukulila ukwa mapati, ni chongo icha bwite ukulwana nutwaya utukulu nkani utwa malinga sona ni vitembe ivya pankuto.

Zefaniya 1:16 Iomraidhean Croise

Yesaya 27:13

Sona pisiku lilalila ipati ikulu nkani likwiza pakulila. Abantu bosi babo bakaba mubuzya muchisu icha Asiliya na muchisu icha Ijiputi bakwiza pakumwiputa u Mwene pighamba izelu ilya mu Yelusalemu.

Yesaya 32:14

Pakuti inyumba iya bumwene yikwiza pakuba chisami, akaya akakulu nkani akachongo kakwiza pakulekiwa, amalinga ni chitembe vikwiza pakunanganika bwila na bwila, impunda izya muzi zikwiza pakuba mulamula, sona ing'ozi zyope zikwiza pakulyanga isote mumo,

Yesaya 59:10

Tukapapasyapapasya kulubumba, ngati muntu umufwamaso, akuyipapasya izila yitu, ngati bantu abafwamaso. Tukwipunula pakasi pamusanya, ngati po pachamabwila, pakasi pabantu abamaka, tuli ngati bantu abafwe.

Yelemiya 6:1

Mwe baluko ulwa Benjamini, chimbila nkani ukuti mupone! Epamo mukaya aka Yelusalemu! Lizya ipati mu Tekowa! Kwezya indembela mu Beti Hakelemu! Pakuti ichintu ichibibi nukunanganika ukukulu nkani vikufuma kuchigaba icha kumitu.

Yelemiya 8:16

Abalwani bitu binjiye kale mukaya akakulu nkani aka Dani, Bo ifalasi zyabo zikulila, ichisu chosi chikutetema. Abalwani bizite pakunangannya ichisu chitu, poka na vyosi vivyo vili mumo, akaya akakulu nkani sona na bantu babo bakwikala mulamula.”

Ezekiyeli 7:7

Amwe mwe mukwikala muchisu! Ukunanganika kwabawila, akabalilo kafikila, isiku lili papipi, kuli ukuvulungana, patalipo ukusekela pamaghamba.

Hoseya 5:8

Ipati livwikaye mu Gibeya, lizya ulupembe mu Lama. Wee Beti Aveni, kolomoka mwee ba Benjamini longolela.

Hoseya 8:1

U Mwene akuti Lizya ipati! Izwanga lili pachisonje icha Nyumba iya Mwene, pachifukwa ichakuti abantu balunangannya ulufingo, sona balusambukiye ululaghilo lwane.

Yoweli 2:1

Lizya ipati pamwanya pa Ziyoni, kolomoka pighamba lyane izelu pakubasoka. Leka abantu bosi babo bakwikala muchisu batetemaye, pakuti isiku ilya Mwene lili papipi, sona lili pampuno bulo.

Amosi 3:6

Nanti ipati likulila mukaya akakulu nkani, nkimba abantu batakutetema? Nanti intamyo zyawa mukaya akakulu nkani, nkimba te we Mwene aziwisya?

Habakuku 3:6

Akimilila, nukuchineng'ennya ichisu ichapasi, akennya po inko izya bantu zikatetema. Amaghamba aghakale ghakalepunkana, sona utumaghamba utwakale tope tukamongonkana. Izila zyache zya bwila na bwila.

Ukukumbusya Amalamulo 28:52

Bakwiza pakutuzyungulila utwaya twinyu tosi utukulu nkani muchisu chinyu mupaka amalinga amatalitali ghinyu ghagho mukughasubila ghamongoke ghosi. Bakwiza pakutuzyungulila utwaya twinyu tosi utukulu nkani muchisu chicho u Mwene u Chala winyu akubapa.

Yoshwa 6:20

Abaputi bala bakalizya amapati ghabo, po bo abantu bivwa ichongo icha mapati, sona bo abantu bakolomoka nkani, panapo na panapo ulupaso ulwa kaya akakulu nkani kala lukamongoka, umwakuti abasilikali bosi bakinjila mukaya mula nukukafyula.