Zefaniya 1:14 - IBAYIBOLO 2024

¹⁴ Isiku ikulu ilya Mwene lili papipi sona likwiza umwalubilolubilo. Teghelezya! Ukulila pisiku ilya Mwene kukwiza pakubaba nkani, kulakula bope abasilikali abajivu nkani bakwiza pakukolomoka.

Zefaniya 1:14 Iomraidhean Croise

Yesaya 15:4

Abantu aba mu Heshiboni naba Eleyale bakulila, amazyu ghabo ghakwivwika mupaka ku Yahazi. Polelo abalwabwite aba mu Mowabu bakulila, amoyo ghabo ghazilikite.

Yesaya 33:7

Ennya, abasilikali abajivu bakukolomoka mumisebo, intumi izya mutende zikulila nkani.

Yesaya 66:6

Ivwa ichongo ukufuma mukaya akakulu nkani, ivwa izyu ukufuma mu Nyumba iya Chala! Izyu ilya Mwene, lilyo likubafunda abalwani bache.

Yesaya 8:22

Po bakwiza pakwennya pachisu ichapasi intamyo, nububavu ubukulu nkani ni chisi ichakoghofya, bakwiza pakutaghiwa muchisi.

Yelemiya 25:36

Ivwa ukulila ukwa badimi, nukufwifwitila ukwa balongozi, pakuti u Mwene abunangannya ubuzilo ubwakudimilapo.

Yelemiya 30:7

Mwee, isiku ili likulu nkani! Litalipo isiku ilinji lilyo liyanite nalyo. Kakwiza pakuba kabalilo akantamyo kwa Yakobo, loli pope bulo akwiza pakupona.”

Yelemiya 46:5

Nkimba choni chicho nkuchennya? Abantu babo bali nubogha, bakunyokela kwisinda, abasilikali babo bapotiwa. Bakuchimbila ukusita ukwennya kwisinda, sona bazyunguliliwe nubogha inkuto zyosi. Ane ne Mwene nanena.

Yelemiya 48:41

Akaya akakulu nkani aka Keliyoti kakwiza pakulemiwa, sona amalinga ghakwiza pakufyuliwa. Pisiku lilalila amoyo agha basilikali aba Mowabu ghakwiza pakuba ngati moyo uwa mukolo yuyo ali pakusayiwa.

Ezekiyeli 12:23

Po ubabuzye ukuti, ‘U Mwene Uwamaka Ghosi akuti: Nkwiza pakumazya ichili ichi, batakwiza pakuchinena sona mu Izilayeli.’ Ubabuzye ukuti, ‘Amasiku ghapalamiye po ichisetuka chosi chikwiza pakukwanilisiwa.

Ezekiyeli 30:3

Pakuti isiku lili papipi, isiku ilya Mwene lili papipi, isiku ilya mabingu, akabalilo akakunanganika ukwa inko.

Ezekiyeli 7:12

Akabalilo kafikila, isiku lyache lili papipi. Mutakamwitikizye uwakughula ukuti asekelaye, pamo uwakughulizya ukuti asulumannyanje, pakuti ubukali bwane buli pachilundilo chosi.

Ezekiyeli 7:16

Nanti balipo abantu abakupona, bakwiza pakuchimbilila mumaghamba. Umuntu wesi akwiza pakukoloma, ngati nkunda izya mumakombe, pachifukwa icha mbibi zyache.

Yoweli 1:15

Mwee, chighune pisiku lilalila! Pakuti isiku ilya Mwene lili papipi, sona likwiza ngati kunanganika, ukufuma ku Wamaka Ghosi.

Yoweli 2:1

Lizya ipati pamwanya pa Ziyoni, kolomoka pighamba lyane izelu pakubasoka. Leka abantu bosi babo bakwikala muchisu batetemaye, pakuti isiku ilya Mwene lili papipi, sona lili pampuno bulo.

Yoweli 2:11

Izyu ilya Mwene likujilimisya pamaso pabasilikali bache, abasilikali bache binji nkani ukuchilapo. Bamaka babo bakubomba zizyo u Mwene akulonda. Isiku ilya Mwene likulu nkani, sona lyakoghofya nkani. Nkimba wewenu yuyo angajimba?

Yoweli 2:31

Izuba likwiza pakwanduka chisi, ghope umwezi ghukwiza pakwanduka libanda, bo litizite isiku ikulu nkani ilya Mwene sona ni lyakoghofya.

Yoweli 3:14

Ivilundilo ni vilundilo vili mwikombe ilya bulongi! Pakuti isiku ilya Mwene lili papipi mwikombe ilya bulongi.

Yoweli 3:16

U Mwene akwiza pakubuluma mu Ziyoni, sona akwiza pakupaya mu Yelusalemu. Kumwanya ni chisu ichapasi vikwiza pakuyingana. Loli u Mwene akwiza pakuba chakuponelamo abantu bache, sona akwiza pakuba lilinga ilya ba Izilayeli.

Amosi 8:2

U Mwene akalalusya akati, “Amosi nkimba ukwennya ichoni?” Nkamula nkati, “Nkwennya ichidudunga icha vikomwa ivitonu.” Po u Mwene akambuzya akati, “Ubumalilo ubwa bantu bane aba Izilayeli bwafikila. Ntakwiza pakubaleka bulo.”

Zefaniya 1:10

Pisiku lilalila ukulila kukwiza pakwivwika pa Mulyango Uwaswi. Ukufwifwitila kukwiza pakwivwika ukufuma Muchigaba Ichipya, ukukoma kukwiza pakwivwika mutughamba.” U Mwene anena.

Zefaniya 1:7

Ubanje myee pamaso pa Mwene Uwamaka Ghosi, pakuti isiku ilya Mwene lili papipi. U Mwene ayannya ichakwiyipa, sona abapaghula abantu babo abitizizye.

Malaki 4:5

Bo isiku ikulu nkani ilya koghofya ilya Mwene litakwanite nkwiza pakubatumila umulaghuzi u Eliya.

Imbombo 2:20

izuba likwiza pakuba ni chisi, umwezi ghukwiza pakuba muchesamu ngati lyo libanda, bo isiku ikulu ilya buchindamu ubwa Mwene litafikite.

Aba Filipi 4:5

Akabalilo kosi mubanje bololo na bantu bosi. U Mwene ali pamulyango.

1 Aba Tesalonika 4:16

Pakuti u Mwene umwenecho akwiza pakwika kumwanya nukukolomoka ukukulu nkani, nizyu ilya wantumi usongo, sona nukulila ukwa ipati ilya Chala. Po abantu babo bakafwila mwa Kilisitu bakwiza pakuba bakwanda pakuzyuka.

Aba Hebeli 12:26

Pakabalilo kalakala izyu likachineng'ennya ichisu ichapasi, loli ilelo alayizya ukuti, “Ntakwiza pakuchineng'ennya chene ichisu ichapasi, loli na kumwanya bulo.”

Yakobo 5:9

Mwee bakamu bane, mutakalumbuzannyanje mwebenebene, umwakuti u Chala atakabalonge. Umulongi imiliye pamulyango.

2 Pitala 2:3

Pachifukwa icha kunyonywa ubukabi abene bakwiza pakubapela amwe pakuba mwe zila iyakukabilamo pakubombezya amazyu aghabuzimbuli. Loli ubulongi bwabo buyaniziwe kale, sona ukuzimila kwabo kukubalindilila.