Zefaniya 1:13 - IBAYIBOLO 2024

¹³ “Ubukabi bwabo bukwiza pakufyuliwa, sona inyumba zyabo zikwiza pakumongoliwa. Bakwiza pakuzenga inyumba, loli batakwiza pakwikalamo. Bakwiza pakubyala amampesya, loli batakwiza pakung'wela uvinyo.”

Zefaniya 1:13 Iomraidhean Croise

Yesaya 6:11

Nkalalusya nkati, “Wee Mwene, nkimba zinizi zikwiza pakubangako mupaka liyi?” Akamula akati, “Mupaka utwaya tosi utukulu twaba visami sona nayumoyumo umuntu akwiza pakwikalamo, inyumba zitakwiza pakuba na bantu sona chope ichisu chikwiza pakuba nkolongo.

Yelemiya 15:13

Ubukabi bwinyu ni chuma chinyu nkwiza pakuvibika kubalwani binyu ukusita kubikilapo nachimochimo pachifukwa icha mbibi zyinyu zyosi, muchisu chinyu chosi

Yelemiya 17:3

Pamaghamba ghane agha muchisu, ni chuma chinyu sona nu bukabi bwinyu, vikwiza pakufyuliwa na balwani binyu, poka nu buzilo bwinyu ubwapamwanya, pachifukwa icha mbibi zyinyu zizyo mubombite muchisu chinyu chosi.

Yelemiya 4:20

Intamyo zikwiza pamwanya pantamyo; ichisu chosi chipela pakuba chisami. Lubilolubilo ivisakasa vyane vyananganika, pakabalilo akapimpa bulo, umwenda uwakuzighila ghukazepunkana.

Yelemiya 4:7

Inkalamu yafumila mumusitu, wepe uwakunangannya ivyisu anyamuka. Abulekite ubuzilo bwache umwakuti achinangannye ichisu chinyu. Utwaya twinyu utukulu tukwiza pakuba visami mumo mutakwikalamo abantu.

Yelemiya 5:17

Bakwiza pakulya ivyakulya vyinyu ivya nyinulo yinyu, bakwiza pakubalya abana binyu abalumendo na balindu, bakwiza pakuvilya ivitekwa vyinyu ivya ng'ozi ni ng'ombe, bakwiza pakunangannya amampesya ghinyu na makuyu ghinyu. Bakwiza pakutunangannya nu bwite utwaya twinyu utukulu nkani tuto tuzyunguliliwe na malinga ghagho mughasubiye nkani.”

Yelemiya 9:11

U Mwene akuti, “Nkwiza pakumupela u Yelusalemu pakuba chisami, numwakughonamo abakambwe, sona utwaya utwa Yuda utukulu nkani tukwiza pakumongoliwa, umwakuti nayumoyumo u muntu akwiza pakwikalaghamo.”

Yelemiya 9:19

Ukulila ukwa Ziyoni kukwivwika, ‘Mwee twamala! Mwee isoni zyatulema! Tubaghiye pakwepamo muchisu chitu, pachifukwa ichakuti inyumba zyitu zyipela visami.’ ”

Nkuto 5:2

Ichilingo chapeghiwa ku bayeni, sona inyumba zyitu zipeghiwe kubendazila.

Ezekiyeli 22:31

Po nkwiza pakupungulila ubukali bwane papabo nukubanangannya nubukali bwane ubwakoghofya, nkwiza pakubatanizya pachifukwa icha zizyo babomba.” U Mwene Uwamaka Ghosi anena.

Ezekiyeli 7:19

“Bakwiza pakusumba usiliva wabo mumisebo, sona u golide wabo akwiza pakuba munyazu. Usiliva nu golide wabo vitakwiza pakubapoka, pisiku ilya bukali ubwa Mwene. Batakwiza pakwikutizya izala zyabo, pamo pakwizuzya inyanda zyabo nu siliva nu golide, pakuti ubukabi bwabo, bwabapela ukuti banangaye.

Ezekiyeli 7:21

Po nkwiza pakuvibika munyobe izya bayeni, ngati vyakufyula nukuvibika munyobe, izya bantu ababibi aba muchisu, abene bakwiza pakuvinyazya.

Ezekiyeli 7:24

Nkwiza na bantu ababibi aba inko, pakufyula inyumba zyabo. Nkwiza pakumazya amaka abakwituvya, sona ubuzilo bwabo ubuzelu, bukwiza pakuba bunyazu.

Amosi 5:11

Mukumuyivya umuntu umupina, nukumufyenga ukuti abape ingano. Napapo muzengite inyumba inyiza nkani izya mabwe, loli mutakwiza pakwikalaghamo. Napapo mubyalite amaghunda agha mampesya amiza nkani, loli mutakwiza pakung'wela uvinyo.

Mika 3:12

Polelo pachifukwa icha mwemwe, u Ziyoni akwiza pakulimiwa ngati mughunda, u Yelusalemu akwiza pakuba chisami, sona ighamba ilya Nyumba iya Chala likwiza pakuba ngati musitu.

Mika 6:15

Ukwiza pakubyala loli utakwiza pakwinula. Ukwiza pakukanyankila imisyunguti, loli utakwiza pakubombezya wemwene amafuta ghanagha. Ukwiza pakukanyankila amampesya loli utakwiza pakung'wela uvinyo.

Zefaniya 1:9

Pisiku lilalila nkwiza pakubafunda, bosi babo bakubiputa aba chala abanji, abantu babo bakwizuzya inyumba izya bachala babo, ni vyongo sona nu bumyasi.

Ukukumbusya Amalamulo 28:30

Ukwiza pakumuzingilila umukolo, loli umuntu uyunji bulo weyuyo akwiza pakumusenda. Ukwiza pakuyizenga inyumba, loli utakwiza pakwikalamo. Ukwiza pakubyala amampesya, loli utakwiza pakuyabamo naghamoghamo.

Ukukumbusya Amalamulo 28:39

Amwe mukwiza pakubyala amampesya nukughalimilila akiza nkani, loli mutakwiza pakuyabamo, pamo ukung'wela uvinyo wache nalumolumo, pachifukwa ichakuti isomi zikwiza pakughalya amampesya ghala

Ukukumbusya Amalamulo 28:51

Bakwiza pakubalyela ing'ombe zyinyu, sona ni vya mumaghunda ghinyu mupaka mufwe nizala. Batakwiza pakubalekela nachimochimo ichintu manyi ngano, manyi we vinyo umupya, manyi mafuta agha misyunguti manyi ng'ombe manyi ng'ozi mupaka mufwe mwebosi.