Zefaniya 1:12 - IBAYIBOLO 2024

¹² “Pakabalilo kalakala, nkwiza pakumulondelezya u Yelusalemu ni nyale nukubafunda babo bakwituvya, sona abantu babo bali navyo vyosi nukwisubila. U Mwene anena. “Abantu banaba bakwinong'ona ukuti, ‘U Mwene atakwiza pakubombapo chimo, ichiza pamo ichibibi.’

Zefaniya 1:12 Iomraidhean Croise

Yobu 21:15

“Nkimba Uwamaka Ghosi wewenu ukuti tumubombelaye, sona tungakabapo ichoni nanti tukumwiputa?”

Masalimo 10:4

Umuntu uwamituvyo atakumulondelezya u Chala, sona akwinong'ona mumoyo wache ukuti u Chala ataliko.

Masalimo 14:1

Umupunganu akunena mumoyo wache akuti, “U Chala ataliko.” Abantu bosi banyonganu, imbombo zyabo mbibi. Atalipo nayumoyumo yuyo akubomba inyiza.

Masalimo 94:7

Bakuti, “U Mwene atakutwennya, u Chala uwa Yakobo atakuzimanya.”

Yesaya 5:19

babo bakuti, “Leka u Chala endelezye, abombe lubilolubilo imbombo yache ukuti tuyennye. Leka umuzelu uwa Izilayeli abombe zizyo abatikite ukuti tuzimanye.”

Yelemiya 10:5

Ivifwani vyabo viyanite bulo ni vyakoghofekezya ivinyamana mumughunda uwa ving'wela amizi, ivifwani vyabo vitanganena, vikunyamuliwa bulo pakuti vitangenda. Mutakavinyilaye, pakuti vitangabavulazya. Vite namaka naghamoghamo aghakubombela inyiza.”

Yelemiya 48:11

U Mwene akuti, “U Mowabu ame pamutende ukwanda pabulumendo bwache, ngati bwalwa bubo butikaye nkani mumasika ghache, bubo butapunguliwe musonta yimo nukwinjila musonta iyinji, atabukiteko kubuzya. Po inkalo yache yili ngati mumo yikabela, sona umunusi wache ghuli ngati mumo ghukabela.

Ezekiyeli 8:12

Po akandalusya akati, “Wee mwana uwa muntu, nkimba wavyennya vivyo abasongo aba Izilayeli bakubombela muchisi? Bakuti, ‘U Mwene atakutwennya, u Mwene achilekite chene ichisu ichi.’ ”

Ezekiyeli 9:4

Akamubuzya akati, “Buka mukaya akakulu nkani mosi mu Yelusalemu nukubikapo ichimanyilo pavyeni vyabo bosi babo bali nichitima nukulila, pachifukwa icha vintu ivyamwiko vivyo vikubombiwa mulamula.”

Ezekiyeli 9:9

Akanyamula akati, “Imbibi izya aba Izilayeli sona nizya Yuda nkulu nkani, ichisu chizuye nukukupula ibanda sona mutwaya mute ubwanaloli nabumobumo. Bakuti, ‘U Mwene achileka chene ichisu sona atakwennya.’

Amosi 6:1

Chighune ku mwe mufwasite mu Ziyoni, mwe muli mumutende mwighamba ilya Samaliya! Chighune ku mwe baluko ulumanyikwe, kuko aba Izilayeli bakubukako ukuti bavwiliziwe!

Obadiya 1:6

Loli ubukabi ubwa Esabu bwafyuliwa, sona ichuma chache chibiwe!

Malaki 2:17

Mwamulitizya nkani u Mwene na kanenele kinyu. Mukulalusya mukuti, “Nkimba twamulitizya bulibuli?” Pakunena ukuti, “Umuntu wesi yuyo akubomba imbibi kokuti mwiza pamaso pa Mwene, sona akuhoboka nabo.” Pamo pakulalusya ukuti, “Nkimba ali ko kwiyi u Chala yuyo akubombela mubwanaloli?”

2 Pitala 3:4

Bakwiza pakubobezya ukuti, “Nkimba u Mwene atakalayizya ukuti akwiza sona? Po ilelo fwandi, ali ko kwiyi? Abanyenya bitu bakafwa kale, loli ivintu vyosi vichili vili bulabula mumo u Chala akavipelela ukwandila ko kubwandilo.”

Ubuvumbuli 2:23

Nkwiza pakubaghogha abantu babo bakendagha nawe, po ivipanga vyosi vikwiza pakumanya ukuti ane nene nkughamanya amoyo ghabo, sona ni nyinong'ono zyabo. Nkwiza pakumulipila umuntu wesi ukuyana ni mbombo zyache.