Zefaniya 1:11 - IBAYIBOLO 2024

¹¹ “Lilagha, amwe mwe mukwikala muminalo, abaghulizi binyu bosi bakwiza pakuzimila, sona bosi babo bakughulizya u siliva bakwiza pakunangika.

Zefaniya 1:11 Iomraidhean Croise

Yobu 27:16

Napapo akwibunganikila usiliva ngati lufumbi sona amenda ngati litope,

Yobu 27:17

loli abagholosu bo babo bakwiza pakuvwala amenda ghache, sona abasita nongwa bakwiza pakugabana usiliva wache.

Yelemiya 25:34

Mwee badimi, mulilaye nukufwifwitila nkani. Mwee balongozi aba bantu bane, mughalaghataye mulufumbi. Pakuti akabalilo kinyu akakughogheliwa kafika, sona mukwiza pakughoghiwa ngati bo badubi.

Yelemiya 4:8

Po muvwale amasaka pachifukwa icha chitima, mulilaye nukukolomoka, pakuti ubukali ubwa Mwene butepitepo papitu.

Ezekiyeli 21:12

Wee mwana uwa muntu, lilagha nukukolomoka, upanga akulwana na bantu bane, sona na bamwene aba mu Izilayeli. Bakwiza pakughoghiwa bosi, poka na bantu bane. Polelo wikome pachifuba, pachifukwa icha chitima.

Hoseya 9:6

Napapo bangakulyegha ukunanganika, ichisu icha Ijiputi chikwiza pakubabungannya, po abantu aba mu Memufisi bakwiza pakubasyila. Usiliva wabo akwiza pakuvwinka amivwa, sona amivwa ghakwiza pakumela muvisakasa vyabo.

Yoweli 1:13

Mwe baputi, vwalagha amasaka nukulila, mwe mukubomba pachighemo, lilagha. Mwe mukubomba pamaso pa Chala, zagha vwalagha amasaka busiku bosi, pakuti ivyakwiyipa ivya busu ni vyakung'wela vyimiwa mu Nyumba iya Chala winyu.

Yoweli 1:5

Mwe baching'wela, lamusya sona lilagha! Mwee baching'wela aba vinyo, fwifwitilagha, pachifukwa icha vinyo umupya, pakuti afyuliwa pa milomo yinyu.

Zefaniya 2:5

Chighune ku mwe mukwikala mulubazu ulwa nyanja amwe mwe luko ulwa ba Keleti, amazyu agha Mwene ghakubasusya, wee Kenani, ichisu icha ba Filisiti. “Nkwiza pakukunangannya, sona atalipo nayumoyumo yuyo akwiza pakusyalapo.” U Mwene anena.

Zekaliya 14:21

Po isonta yosi mu Yelusalemu ya mu Yuda yikwiza pakuba zelu kwa Mwene Uwamaka Ghosi, sona abantu bosi babo bakwiza pakubika ivyakwiyipa bakwiza pakusenda isonta zimo nukupiyilamo. Pisiku linilyo mutakwiza pakubamo yumo uwakughula nukughulizya mu Nyumba iya Mwene Uwamaka Ghosi.

Yohani 2:16

Po akabalamula babo bakaghulizyanga inkunda ukuti, “Muzifumye kuzi. Mutakayipelaye Inyumba iya Tata pakuba munalo.”

Yakobo 5:1

Ilelo teghelezya, mwe bantu abakabi. Lilagha nukukolomoka pachifukwa icha ntamyo zizyo zikwiza pakubawila.