Zefaniya 1:10 - IBAYIBOLO 2024

¹⁰ Pisiku lilalila ukulila kukwiza pakwivwika pa Mulyango Uwaswi. Ukufwifwitila kukwiza pakwivwika ukufuma Muchigaba Ichipya, ukukoma kukwiza pakwivwika mutughamba.” U Mwene anena.

Zefaniya 1:10 Iomraidhean Croise

2 Samuweli 5:7

Loli u Devedi akalifyula ilinga ilya Ziyoni, akaya akakulu nkani aka Devedi.

2 Samuweli 5:9

Po u Devedi akafyula ilinga lila, akikala mulamula nukulyita ukuti, “Akaya akakulu nkani aka Devedi.” Po akalizengela ilinga lila akaya akakulu nkani ukwandila kuko kale kukaba ikombe, kubufumilo bwizuba mupaka mukasi.

2 Abamwene 22:14

Umuputi u Hilikiya yula nu Ahikamu nu Akiboli nu Shafani, sona nu Asaya bakabuka kwa mulaghuzi umukolo u Hulida, umuchi uwa Shalumu umwana uwa Tikiva, umwizukulu uwa Halihasi, yuyo akaba musungi uwa menda. U Hulida yula akikalagha mu Yelusalemu muchigaba ichabubili.

2 Imbili 3:1

Po u Solomoni akanda pakuzenga Inyumba iya Mwene mu Yelusalemu pighamba ilya Moliya, papo u Mwene akamubonekela uwise u Devedi, pabuzilo ubwakukomelapo inyinulo ubwa Alawuna umu Yebusi.

2 Imbili 32:22

Po u Mwene akamupoka u Hezekiya, na bantu aba mu Yelusalemu munyobe izya mwene u Senakelibu uwamu Asiliya sona na munyobe izya balwani babo bosi. Po akabapa umutende kumbazu zyosi.

2 Imbili 33:14

Pisinda pache u Manase akazenga sona ulupaso ulwa kuzi ukwa kaya akakulu nkani aka Devedi, kubwinjililo bwizuba ukwa mbwibwi iya Gihoni mwikombe, mupaka pamulyango waswi ukuzyungulila ighamba ilya Ofeli, umwakuti chikaba chitembe ichitali nkani. Akababika abasongo aba basilikali mutwaya tosi utukulu nkani utwa malinga mu Yuda.

2 Imbili 34:22

U Hilikiya poka na bantu babo bakatumiwa nu mwene bakabuka pakubuzikizya ku mulaghuzi umukolo u Hulida, umuchi uwa Shalumu umwana uwa Tokati, umwana uwa Hasila, yuyo akaba musungi uwa menda. U Hulida akikalagha mu Yelusalemu muchigaba ichabubili.

Nehemiya 12:39

nukudumusannya pa Mulyango uwa Efulayimu nuwa Yeshana nu waswi ni chitembe icha Hananeli sona ni chitembe icha 100, mupaka ku Mulyango uwa Ng'ozi. Po bakimilila pa Mulyango uwa Balindilili.

Nehemiya 3:3

Pakakonkapo abana aba Hasena, bope bakazenga sona Umulyango uwaswi nukubikapo intatikilo zyache ni nyiyi ni vyakupinyila ivya chela sona ni mpingwi zyache.

Yesaya 59:11

Twebosi tukulila ngati bo balabwe, sona tukulila ngati nkunda. Tukulonda ubwanaloli, loli tutakubwagha nabumobumo, tukubulonda ubupoki, loli buli kubutali nkani.

Yelemiya 39:2

Mumwaka uwa 11 uwa bulaghili ubwa Zedekiya, mumwezi uwafolo pisiku ilya nayini ilinga ilya kaya akakulu nkani kala likamongoliwa.

Yelemiya 4:31

Nkivwa ukulila ngati po kwa mukolo yuyo ali pakusayiwa, ukukoloma ukwa yuyo akupapa umwana ukatote. Ukulila ukwa bantu aba mu Ziyoni bo bali pakubulonda ubumi bwabo, bakugholosya inyobe zyabo bakuti, “Mwee nkuzilika! Ubumi bwane bwabikiwa munyobe izya baghoghi.”

Ezekiyeli 6:13

Po bakwiza pakumanya ukuti ane ne Mwene, bo abantu babo baghoghiwe pakasi pavifwani vyabo umwakuzyungulila ivighemo vyabo, pamwanya patughamba tosi sona na pamwanya pamaghamba ghosi, na muntende mwikwi, nikwi ilya mupandapanda lilyo lilembite, sona na pabuzilo bubo bakufukizizyapo utwakununkila ku vifwani vyabo vyosi.

Amosi 8:3

U Mwene Uwamaka Ghosi akati, “Pisiku lilalila inyimbo izya mu Nyumba iya Chala zikwiza pakuba chililo. Imivimba imyinji yikwiza pakulambalala bulo myee posi na posi!”

Zefaniya 1:15

Isiku lila likwiza pakuba lisiku ilya bukali, isiku ilya mayimba sona nilya kubaba. Likwiza pakuba lisiku ilya ntamyo nukunanganika, likwiza pakuba lisiku ilya chisi nichitima, likwiza pakuba lisiku ilya mabingu ni chisi ichakoghofya,

Zefaniya 1:7

Ubanje myee pamaso pa Mwene Uwamaka Ghosi, pakuti isiku ilya Mwene lili papipi. U Mwene ayannya ichakwiyipa, sona abapaghula abantu babo abitizizye.