Yuda 1:7 - IBAYIBOLO 2024

⁷ Mukumbuke sona u Sodomu nu Gomola, nutwaya utupalamani, tuto abantu bache bakalowa nukubomba ivintu ivibibi. Abantu banaba bakafundiwa numoto uwa bwila na bwila pakuba chifwanikizyo ichakubasoka abantu bosi.

Ulufingo Ulupya

⁷ Mukumbuke sona u Sodomu nu Gomola, nu twaya utupalamani, tuto abantu bache bakalowa nukubomba ivintu ivibibi. Abantu banaba bakafundiwa nu moto uwa bwila na bwila pakuba chifwanikizyo ichakubasoka abantu bosi.

Yuda 1:7 Iomraidhean Croise

Ubwandilo 13:13

Abantu aba mu Sodomu bakaba babibi nkani, sona bakamunangila nkani u Mwene.

Ubwandilo 18:20

Po u Mwene akamubuzya u Abulahamu akati, “Nivwa ukuti abantu aba mu Sodomu nu Gomola bananga nkani, sona vivyo bakubomba vibibi nkani.

Ubwandilo 19:5

Bakamwitizya u Loti nukumulalusya ukuti, “Buli bali ko kwiyi abantu babo bizite pabusiku kuno? Bafumye kuzi kuno, ukuti tughone nabo!”

1 Abamwene 22:46

Ichintu ichinji chicho u Yehoshafati akabomba chikaba chakuti, akabefyamo abakolo abamalaya mubuzilo ubwakwiputilamo ivifwani, babo bakasyalikila pakabalilo aka wise u Asa.

Yesaya 1:9

Nanti u Mwene Uwamaka Ghosi, atakabalekapo abantu bamo abakupona, ngali twaba ngati we Sodomu nu Gomola.

Yesaya 13:19

Sona akaya akakulu nkani aka Babiloni, kako kaya aka buchindamu ubwa bumwene, abantu bakwituvya nu Babiloni. Loli ane ne Chala nkwiza pakumunangannya, ngati mumo nkamunanganizizya u Sodomu nu Gomola.

Yesaya 33:14

Ababomba mbibi mukaya akakulu nkani aka Ziyoni bakutetema, ubogha bwabalema babo batakumuchindika u Chala, “Nkimba wewenu uwa aswe angikala mumoto uwakulungulizya? Fwandi wewenu uwa aswe angikala mumoto uwakwaka bwila na bwila?”

Yelemiya 20:16

Umuntu yunuyo abanje ngati twaya utukulu nkani, tuto u Mwene atakatupelela ichisa pakutunangannya. Ivwa ukulila ukwa pandabindabi, sona nipati ilya bwite pakasi pamusanya,

Yelemiya 50:40

Ngati mumo nkatunanganizizya utwaya utwa Sodomu nu Gomola, poka nutwaya twache utupalamani, Po atalipo nayumoyumo umuntu uwakwikalamo, sona atalipo nayumoyumo umuntu uwakuzengamo. Ane ne Mwene nanena.

Nkuto 4:6

Abantu bane bafundiwa nkani, ukuchila namumo bakafundiliwanga abantu aba mu Sodomu, Abantu banaba bakafundiwa mukabalilo akapimpa bulo sona patakabapo nayumoyumo umuntu uwakubavwa.

Hoseya 11:8

Wee, Izilayeli ningakuluvya bulibuli? Nkimba ningakupa bulibuli u Efulayimu? Nukukuleka we Izilayeli nkimba ningakupa bulibuli ngati we Adima? Nukukubombela ngati we Zeboyimu? U moyo wane wanduka, sona chope ichililizi chandema nkani.

Amosi 4:11

“Nkabanangannya abantu bamo pakasi pa papinyu, ngati mumo nkabananganizizya abantu aba mu Sodomu naba mu Gomola. Mukaba ngati ko kachizinka kako kazompoliwa pamoto, loli pope bulo mutakanyokela kukwane.” U Mwene anena.

Matayi 10:15

Naloli nkubabuzya ukuti pisiku lilyo u Chala akwiza pakubalonga abantu, u Chala akwiza pakubapelela ichisa nkani abantu aba mu Sodomu nu Gomola ukuchila abantu aba mukaya kala.

Matayi 11:24

Nkubabuzya ukuti pisiku lilyo u Chala akwiza pakubalonga abantu, u Chala akwiza pakubapelela ichisa ichikulu abantu aba mukaya aka Sodomu ukuchila amwe!”

Matayi 25:41

“Po akwiza pakubabuzya abantu aba kunyobe imongo ukuti, ‘Epako kukwane mwe baghuniwa. Bukagha mumoto uwa bwila na bwila ghugho bamuyanizye u Satana na bantumi bache!

Luka 17:29

Loli pisiku lilyo u Loti akafumagha mu Sodomu, u Chala akabasumbila umoto na mabwe aghakwaka agha sulufule nukubaghogha bosi.

1 Aba Kolinti 6:9

Naloli muzimenye ukuti abantu ababibi batakwiza pakupyana Ubumwene ubwa Chala. Mutakizimbulaye mwebene pakuti abamalaya, pamo abantu babo bakwiputa ivifwani, pamo abalowe, pamo abanavuli na bakolo babo bakughonana benebene,

Ukukumbusya Amalamulo 29:23

Umuvundo ghukwiza pakumalamo mumaghunda ghinyu, sona ulufumbi lwene ni mbeya nu sulufule vikwiza pakuba posi na posi muchisu chinyu. Mumaghunda ghinyu mutakwiza pakumelamo nachimochimo ichimelwa manyi lisote manyi amakwi. Ichisu chinyu chikwiza pakuyana bulo nakaya aka Sodomu naka Gomola naka Adima naka Zeboyimu tuto u Mwene akatunangannya pachifukwa icha bukali bwache.

2 Aba Tesalonika 1:7

sona akwiza pakubapa ubutuzyo amwe mwe mukuyimba, poka naswe bulo. Akwiza pakubomba zinizi bo u Mwene u Yesu avumbuliwa kumwanya numoto uwakwaka, poka na bantumi bache abamaka.

2 Aba Tesalonika 1:8

Akwiza pakubafunda abantu babo bakumukana u Chala, sona na babo batakwivwila Amazyu Amiza aghakunena nizya Mwene witu u Yesu.

2 Pitala 2:2

Abantu abinji bakwiza pakukonka inkalo yabo nkozyasoni, po abantu bakwiza pakuyisamula izila iya bwanaloli pachifukwa icha zizyo bakubomba.

2 Pitala 2:6

U Chala akatufunda utwaya utwa Sodomu nu Gomola pakutuzimizya numoto, umwakuti chibanje chifwanikizyo icha vintu vivyo vikwiza pakubabonekela abantu babo batakumunyila u Chala.

2 Pitala 3:7

Loli na mazyu ghanagha u Chala akuchisunga ichisu ichakumwanya ni chisu ichapasi ichi, umwakuti avinangannye numoto. Akuvisunga mupaka pisiku lilyo akwiza pakubalonga abantu, bo abantu babo batakumunyila u Chala bakwiza pakuzimila.