Yuda 1:6 - IBAYIBOLO 2024

⁶ Mukumbukaye abantumi aba kumwanya babo batakikutisiwa nu bulaghili, loli bakabuleka ubuzilo bwabo bubo u Chala akabapa. Po bapinyiwe muchisi kusi kuchisu ni mpingu izya bwila na bwila mupaka pisiku lilyo u Chala akwiza pakubalonga abantu.

Ulufingo Ulupya

⁶ Mukumbukaye abantumi aba kumwanya babo batakikutisiwa nu bulaghili, loli bakabuleka ubuzilo bwabo bubo u Chala akabapa. Po bapinyiwe muchisi kusi kuchisu ni mpingu izya bwila na bwila mupaka pisiku lilyo u Chala akwiza pakubalonga abantu.

Yuda 1:6 Iomraidhean Croise

Matayi 10:15

Naloli nkubabuzya ukuti pisiku lilyo u Chala akwiza pakubalonga abantu, u Chala akwiza pakubapelela ichisa nkani abantu aba mu Sodomu nu Gomola ukuchila abantu aba mukaya kala.

Matayi 25:41

“Po akwiza pakubabuzya abantu aba kunyobe imongo ukuti, ‘Epako kukwane mwe baghuniwa. Bukagha mumoto uwa bwila na bwila ghugho bamuyanizye u Satana na bantumi bache!

Matayi 8:29

Abantu bala bakakolomoka nkani bakati, “Nkimba ukulonda ichoni naswe we Mwana uwa Chala? Nkimba wiza pakutufunda, bo na kabalilo kache katafikiye?”

Yohani 8:44

Amwe mwe bana aba Satana, po mukulonda pakukonka ivinyonywa ivya ghuso. Ukwandila ko kubwandilo umwene akaba mughoghi, sona ate nalumolumo kulubazu ulwa bwanaloli pakuti ubwanaloli mumwache butalimo. Umwene pakunena ubumyasi, cho chakulya chache pakuti umwene we mumyasi, sona wemwenecho uwa bumyasi bosi.

Aba Loma 2:5

Loli pachifukwa icha bukafu ubwa moyo wako, sona nu moyo wako umusita kupinduka nukuzileka imbibi, ukwilundikila wemwene ubukali ubwa Chala, pisiku lilyo ubulongi bwache ubugholosu bukwiza pakuvumbuliwa.

Aba Efeso 6:12

Pakuti tutakulwa na bantu, awe. Tukulwa na bamwene na balaghili, na maka agha muchisu icha chisi ichi, sona ni mizimu imibibi iya mumwanya.

Aba Hebeli 10:27

Loli chene ichintu chicho chasyala kukwitu ko kulindilila nubogha ukulongiwa nu Chala, sona numoto uwakoghofya, ghugho ghukwiza pakubanangannya abantu babo bakususannya nu Chala.

2 Pitala 2:4

Pakuti u Chala atakabaleka bulo abantumi bala babo bakananga, loli akabasumbila mu Gehena, mumo basungiwe bo bapinyilile ukulindilila isiku, lilyo u Chala akwiza pakubalonga abantu.

2 Pitala 2:9

Po u Mwene amenye namumo akubapokela munjelo abantu babo bakumunyila nukubafunda abantu babo batakumunyila mupaka pisiku lilyo u Chala akwiza pakubalonga abantu.

Yuda 1:13

Bayanite bulo na mayigha aghakoghofya agha panyanja ghagho ghakufumya itatafulu ilya mbibi zyabo. Bayanite bulo ni ntondwa zizyo zikwendakwenda bulo. U Chala abasungiye ubuzilo ubwa chisi ichakoghofya nkani icha bwila na bwila.

Ubuvumbuli 20:10

Po u Satana yuyo akabazimbulagha, akasumbiwa munyanja iya moto uwa sulufule, kuko ichinyamana nu mulaghuzi umumyasi yula bakasumbiwako kale. Bakwiza pakuyiviwa pamusanya na pabusiku bwila na bwila.

Ubuvumbuli 20:2

Akayilema inyivwila yila, injoka iyakale yuyo we Mubibi pamo we Satana nukumupinya amaka 1,000.