Yuda 1:4 - IBAYIBOLO 2024

⁴ Pakuti abantu bamo babo batakumunyila u Chala bakinjila pakasi papinyu umwakusita ukumanyikwa, abantu babo bakunyongannya ichisa icha Chala witu, ngati po chintu chimo chicho chikubapa ubusatuke ubwakubombela ivintu ivinyazu. Abantu banaba bakumukana u Yesu Kilisitu u Mwene witu Uwamaka mwene. Kale Amasimbo ghakalaghula nizya lufundo lulo bapokela.

Ulufingo Ulupya

⁴ Pakuti abantu bamo babo batakumunyila u Chala bakinjila pakasi papinyu umwakusita ukumanyikwa, abantu babo bakunyongannya ichisa icha Chala witu, ngati po chintu chimo chicho chikubapa ubusatuke ubwakubombela ivintu ivinyazu. Abantu banaba bakumukana u Yesu Kilisitu u Mwene witu Uwamaka mwene. Kale Amasimbo ghakalaghula nizya lufundo lulo bapokela.

Yuda 1:4 Iomraidhean Croise

2 Samuweli 22:5

“Amayigha agha bufwe ghakanzyungulila, sona isoko izyakwizula zikanyibizya.

Masalimo 1:1

Musayiwa umuntu, yuyo atakwenda na bantu ababibi, pamo pakwimilila muzila, izya babomba imbibi, pamo pakwikala mukabukatila aka bantu abalobezyo,

Masalimo 62:2

Wee lyalabwe lyane nu bupoki bwane, sona we lilinga lyane, po ntakwiza pakuyingana nalumolumo.

Matayi 13:25

Ubusiku bumo, bo umuntu wesi aghonite, umulwani akiza nukupesa indezye mu ngano nukwepapo.

Yohani 17:3

Nanti abantu bakumanye awe, we Chala wemwene uwanaloli, sona nukumumanya u Yesu Kilisitu, yuyo ukamutuma, bakwiza pakuba nubumi ubwa bwila na bwila.

Imbombo 11:23

Bo afika nukwennya mumo u Chala abasayila abantu, akahoboka nkani nukubalaba bosi ukuti bendelele pakusubila mwa Mwene na moyo ghabo ghosi.

Imbombo 15:24

Twivwa ukuti abantu bamo aba mukabukatila kitu bakabatamya nukubavulungannya amwe pavintu vivyo bakanena. Loli tute sweswe tukabatuma ukuti babombe bunubu.

Aba Galatiya 2:4

Ifundo iyi yikanda pachifukwa icha bakamu bamo abamyasi, babo bakaba palapala. Abene bakinjila mubusyefu mukabukatila kitu ukuti batendele ubusatuke, bubo tuli nabo mwa Kilisitu Yesu, pakuti bakalondagha ukuti tubanje bazya.

Aba Galatiya 5:13

Mwee bakamu bane, mukitiziwa ukuti mubanje bantu babuke. Mutakabubombezyanje ubusatuke bwinyu ukuti mubombaye ivinyonywa ivya mubili winyu, loli mubombelanaye mulughano.

Aba Efeso 4:14

Po tutakwiza pakuba sona ngati bo babonda, babo bakuyinganayingana na mayigha, sona nukupupuka ni mpepo iya chimanyisyo icha bantu abamyasi, babo bakubapuvya abantu nu buchevu bwabo.

1 Timoti 5:8

Loli nanti umuntu wesi atakubavwa abakamu bache, nkaninkani abamunyumba yache, atagha ulwitiko lwache, sona we mubibi nkani nukuchila umuntu yuyo ate mwitiki.

2 Timoti 2:12

Nanti tukwendelela pakujimba, naswe bulo tukwiza pakulaghila nawe. Nanti tukumukana, wepe bulo akwiza pakutukana.

2 Timoti 3:6

Bamo aba bantu banaba bakwinjila munyumba izya bantu nukubazimbula abakolo babo badedebaye, babo bang'wamilwe nu katundu uwa mbibi. Abakolo banaba bakuwesiwa ni vinyonywa ivyakulekanalekana,

1 Pitala 2:16

Amwe mwe basatuke, loli ubusatuke bwinyu butakabanje chintu chimo ichakukupikila ububibi, po mubanje ngati po mwe bazya aba Chala.

1 Pitala 2:8

Amasimbo aghanji ghakuti, “Ibwe lilyo likwiza pakubapela abantu ukwipunula, ilyalabwe lilyo likwiza pakubawisya abantu.” Abene bakipunula pachifukwa ichakuti batakaghasubila amazyu agha Chala, ichi chikabombiwa kukwabo ukuyana namumo u Chala akabatikila.

1 Pitala 4:18

Pakuti Amasimbo ghakuti, “Nanti chipala nu mugholosu pakupona, po nkimba kukwiza pakuba bulibuli na bantu abambibi, babo batakumusubila u Chala?”

2 Pitala 2:10

Nkaninkani akwiza pakubafunda abantu babo bakukonka ivinyonywa ivibibi ivya mubili nukubusamula ubulaghili ubwa Chala. Abamanyisi abamyasi banaba bate nubogha, bamituvyo, loli bakubasamula abachindamu aba kumwanya.

2 Pitala 2:7

Loli akamupoka u Loti, umugholosu yuyo akatamiwa nkani ubwamalaya ubwa bantu babo batakamunyilagha u Chala.

2 Pitala 3:7

Loli na mazyu ghanagha u Chala akuchisunga ichisu ichakumwanya ni chisu ichapasi ichi, umwakuti avinangannye numoto. Akuvisunga mupaka pisiku lilyo akwiza pakubalonga abantu, bo abantu babo batakumunyila u Chala bakwiza pakuzimila.

1 Yohani 2:22

Polelo nkimba wewenu umuntu umumyasi? Umuntu umumyasi weyuyo akunena ukuti u Yesu ate Mupoki umusaliwa yula. Umuntu yunuyu we mulwani uwa Kilisitu, pakuti akumukana u Wise nu Mwana bulo.

Yuda 1:15

pakubalonga ababomba mbibi bosi, babo batakumwiputa u Chala pachifukwa chakuti batakumunyila u Chala sona napachifukwa icha mazyu aghakoghofya ghagho abantu babo batamumenye u Chala bakumusamula nagho.”

Yuda 1:18

Bakababuzya bakati, “Mumasiku aghabumalilo, abantu abalobezyo bakwiza pakuboneka, babo bakukonka ivinyonywa vyabo ivibibi.”

Ubuvumbuli 15:4

Wee Mwene, nkimba wewenu atangakunyila nukulichindika itabwa lyako? Pakuti awe wemwene we Muzelu. Abantu abaluko losi bakwiza pakukwiputa, pachifukwa ichakuti imbombo zyako ngolosu zikuboneka pabuzelu na bantu bosi.”