Yuda 1:3 - IBAYIBOLO 2024

³ Mwee bamanyani bane abaghaniwa, nkalondagha nkani pakubasimbila nizya bupoki bubo twebosi tuli nabo. Loli ilelo nadumula ukuti imbasimbile koka bulo pakubalaba ukuti mulwe nkani ubwite pakulwimila ulwitiko lulo u Chala abapiye abantu bache.

Ulufingo Ulupya

³ Mwee bamanyani bane abaghaniwa, inkalondagha nkani pakubasimbila nizya bupoki bubo twebosi tuli nabo. Loli ilelo nadumula ukuti imbasimbile koka bulo pakubalaba ukuti mulwe nkani inkondo pakulwimila ulwitiko lulo u Chala abapiye abantu bache.

Yuda 1:3 Iomraidhean Croise

Nehemiya 13:25

Nkabachemela nukubaghuna. Nkabakoma bamo abanavuli nukunyunkula isisi zyabo. Po nkabalapizya ichilapo pamaso pa Chala nukuti, “Mutakabitikizyanje abana binyu abalindu ukuti babanje balasagha babo, pamo ukubitikizya abana babo abalindu ukuti babanje balasagha binyu.

Yesaya 45:17

Loli aba Izilayeli bakwiza pakupokiwa nu Mwene nu bupoki ubwa bwila na bwila, mutakwiza pakukoziwa isoni nalumolumo, pamo ukusamuliwa, ukwa bwila na bwila.

Yesaya 45:22

Amwe mwe bantu bosi aba pachisu ichapasi, pindukila kukwane ukuti mupokiwe, pakuti Ane ne Chala, sona atalipo uyunji.

Yelemiya 9:3

U Mwene akuti, “Bakupeteka indimi zyabo ngati bwele pakulasa ubumyasi, ichisu chizuye nu bumyasi mubuzilo ubwakwizula nu bwanaloli. Batakutuzya pakubomba imbibi, sona nako kumumanya batamumenye.

Imbombo 17:3

nukusimikizya ukuti Umupoki umusaliwa yula abaghiye pakuyimba nkani nukuzyuka kubufwe. U Pabuli akati, “U Yesu yunuyu yuyo nkulumbilila pakasi papinyu, we Kilisitu.”

Imbombo 18:28

Na madali ghache aghamaka akabapota aba Yuda pabuzelu, pakubombezya Amasimbo ukusimikizya ukuti u Yesu we Kilisitu.

Imbombo 20:27

Pakuti intakafisapo nachimochimo kukwinyu, loli nkalumbilila zyosi zizyo u Chala akulonda.

Imbombo 28:28

U Pabuli akababuzya akati, “Mubaghiye mumanyaye ukuti u Chala abatumila amazyu aghabupoki abantu babo bate ba Yuda. Abene bakwiza pakughateghelezya!”

Imbombo 4:12

Mumwache mwene momumo muli ubupoki pakuti pachisu chosi ichapasi nayumo umuntu yuyo u Chala atupiye ukuti angatupoka.”

Imbombo 6:7

Po amazyu agha Chala ghakafumuziwanga. Po akabukatila aka bamanyili mu Yelusalemu kakonjelelaghakonjelelagha, umwakuti na baputi abinji bakitika ulwitiko lwabo.

Imbombo 9:13

U Ananiya akamwamula akati, “Mwene, abantu abinji bambuzya nizya muntu yunuyu, sona nizya vintu ivyinji ivyakoghofya vivyo ababombela abantu bako abazelu mu Yelusalemu.

Imbombo 9:22

Loli ubulumbilili ubwa Sabuli bukendelelagha pakuba bwamaka nkani, umwakuti chikabamala nkani amahala aba Yuda babo bakikalagha mu Damasika pakubasimikizizya ukuti u Yesu akaba we Mesiya.

1 Aba Kolinti 15:3

Ane nkabapa amwe chicho nkapokela pakuba chintu ichapamwanya nkani. U Kilisitu akafwa pachifukwa icha mbibi zyitu, ukuyana na Masimbo.

Aba Galatiya 2:5

Loli tutakabitikizya napo panandi bulo, umwakuti tubasungile amwe ubwanaloli ubwa Mazyu Amiza.

Aba Galatiya 3:28

Polelo patalipo ukulekana nakumokumo pakasi pa mu Yuda nu muntu yuyo ate mu Yuda, pakasi pa muzya nu muntu umusatuke, pakasi pa mwanavuli nu mukolo, pakuti mwebosi mwe muntu weka pakumamatilana poka nu Kilisitu u Yesu.

Aba Galatiya 6:11

Ennya ubusimbe ubukulu bubo nkubasimbila ni nyobe iyane ni yane!

Aba Efeso 1:1

Ane ne Pabuli, umutumiwa uwa Kilisitu u Yesu ukuyana nu bwighane ubwa Chala. Nkubasimbila amwe mwe bantu abazelu aba Chala babo bali mu Efeso, sona babo basubiliwa mwa Kilisitu u Yesu.

Ukukumbusya Amalamulo 21:9

Po bunubu mukwiza pakwefyamo inongwa iyakughoghiwa ukwa muntu umusita nongwa pakasi papinyu, pakuti amwe mwabomba zizyo ngolosu pamaso pa Mwene.

Ukukumbusya Amalamulo 9:10

Po u Mwene akampa amabwe amapapate mabili ghala, papo u Chala umwenecho akasimbapo ni nyobe iyache ni yache amalamulo ghosi ghagho akababuzya amwe bo ali mumoto, pisiku lilyo mukabungana pighamba.

Aba Filipi 1:1

Ane ne Pabuli poka nu Timoti, aswe twe babombi aba Kilisitu u Yesu. Ukubasimbila abantu bosi abazelu aba Chala aba mu Filipi, babo ubumi bwabo bwamamatilana poka nu Kilisitu Yesu, nkaninkani abalongozi aba chipanga, sona na bavwilizi babo.

Aba Filipi 1:27

Ichintu ichapamwanya chakuti, inkalo yinyu yiyane na Mazyu Amiza aghakunena nizya Kilisitu. Napapo nize kukwinyu pakubennya, pamo imbanje kubutali, nkulonda ukwivwa ukuti mukwiyula nkani nu moyo ghoka. Nkulonda ukwivwa sona ukuti umwakwivwana, sona nu mwakwavwana mukulwa ubwite pachifukwa icha kusubila Amazyu Amiza.

Aba Kolosi 1:2

Tukubasimbila amwe mwe bakamu bitu abazelu, sona mwe basubiliwa mwa Kilisitu, amwe mwe mukwikala mu Kolosi. Ichisa nu mutende ivyakufuma kwa Chala u Tata witu vibanje namwe.

1 Aba Tesalonika 2:2

Muzimenye namumo tukayimbila nukusamuliwa mu Filipi. Loli pakuti u Chala akatwavwa, tukajimba nkani pakulumbilila Amazyu ghache Amiza, napapo kukabako ukususyiwa ukukulu nkani.

1 Timoti 1:18

Wee mwana wane Timoti, nkukupa ilamulo ili ukuyana na mazyu ghagho abalaghuzi bakalaghula. Leka amazyu agha ghabanje vilwilo vyako ukuti ungalwa ubwite ubwiza.

1 Timoti 6:12

Lwanga ubwite ubwiza ubwa lwitiko, mupaka upokele ubumi ubwa bwila na bwila, bubo ukitiziwako, bo witika ulwitiko lwako pamaso pa bakaboni abinji.

2 Timoti 1:13

Uchilemezyanje ichimanyisyo ichanaloli chicho ukivwa kukwane, umwakuti chibanje chifwanikizyo chicho ubaghiye pakuchikonka. Ubombaye zinizi nu lwitiko, sona nu lughano, vivyo tuli navyo pakumamatilana poka nu Kilisitu u Yesu.

Titi 1:4

Nkumusimbila u Titi, umwana wane uwanaloli mulwitiko, lulo aswe twe babili tuli nalo. Ichisa nu mumutende ivyakufuma kwa Chala u Tata, sona nu Kilisitu u Yesu, Umupoki witu vibanje nawe.

Aba Hebeli 13:22

Mwee bakamu bane, nkubalaba ukuti mughateghelezye akiza amazyu aghalukazyo ghagho nabasimbila mwakalata umupimpa uyu.

Aba Hebeli 6:9

Baghaniwa, napapo tunganena bunubu, loli tukusubila ukuti muli nalo ulusayo lulo luli poka nu bupoki bwinyu.

1 Pitala 5:12

Ukalata umupimpa uyu namusimbisya u Silivana, yuyo nkumwinong'ona pakuba mukilisitu uwamwitu umusubiliwa. Nkulonda pakubakazya nukusimikizya ukuti ichi cho chisa ichanaloli icha Chala. Mwimaye nkani!

2 Pitala 1:1

Ane ne Simoni Pitala, umubombi, sona nu mutumiwa uwa Yesu Kilisitu. Nkubasimbila ukalata uyu abantu babo bapokelite ulwitiko lulo tukapokela ukwendela mubugholosu ubwa Chala witu, sona nu Mupoki u Yesu Kilisitu.

2 Pitala 2:21

Chikaba chizapo ukuti abantu banaba ngali batayimenyepo nalumolumo izila ingolosu nukuchila ukuyimanya, pisinda pache nukusita ukulikonka ilamulo ilipaghuliwa, lilyo u Chala akabapa.

Yuda 1:1

Ane ne Yuda umubombi uwa Yesu Kilisitu, sona nu mukamu uwa Yakobo. Nkubasimbila abantu babo bitiziwa nu Chala, babo baghaniwe nu Chala u Tata nukusungililiwa nu Yesu Kilisitu.

Yuda 1:17

Loli bamanyani bane abaghaniwa, mukumbukaye zizyo abatumiwa aba Mwene witu u Yesu Kilisitu bakababuzya kale.

Yuda 1:20

Loli bamanyani bane abaghaniwa, endelela pakuzengana mwebenebene palwalo ulwa lwitiko lwinyu ulupaghuliwa. Mwiputaye ukwendela mumaka agha Muzimu Umuzelu.

Ubuvumbuli 12:11

Abakamu bitu bakamupota ni banda ilya Mwana uwa ng'ozi sona nu lusimikizyo lwache lulo bakalumbililagha. Abene bakiyipa ubumi bwabo mupaka kubufwe.

Ubuvumbuli 2:10

Utakanyilaye amayimba ghagho uli papipi pakukomana nagho. Naloli nkubabuzya ukuti u Satana akwiza pakubayela pakubasumbila bamo mumwinyu mujele, sona mukwiza pakuvwimiwa amasiku teni. Mwendelele pakuba basubiliwa mupaka kubufwe, po nkwiza pakubapa impumpu iyabumi.