Yuda 1:20 - IBAYIBOLO 2024

²⁰ Loli bamanyani bane abaghaniwa, endelela pakuzengana mwebenebene palwalo ulwa lwitiko lwinyu ulupaghuliwa. Mwiputaye ukwendela mumaka agha Muzimu Umuzelu.

Ulufingo Ulupya

²⁰ Loli bamanyani bane abaghaniwa, endelela pakuzengana mwebenebene palwalo ulwa lwitiko lwinyu ulupaghuliwa. Mwiputaye ukwendela mu maka agha Muzimu Umuzelu.

Yuda 1:20 Iomraidhean Croise

Zekaliya 12:10

“Po nkwiza pakubapungulila umoyo uwa chisa nuwa nyiputo pabanyumba iya Devedi sona napa bantu babo bakwikala mu Yelusalemu. Bakwiza pakumwenelezya umuntu yuyo bakamulasa, bakwiza pakumulila, ngati mumo umuntu akumulilila umwana wache mwene na mwene, sona akuba ni chitima nkani ngati mumo umuntu akubela ni chitima numwana wache ukatote.

Imbombo 15:9

U Chala atakatulekannya nabo; akabahobokela imbibi zyabo, pachifukwa ichakuti bakasubila.

Imbombo 26:18

ukuti ubighule amaso, sona nukubefyamo muchisi ukuti bize mulukozyo, pakubefyako kumaka agha Satana ukuti bize kwa Chala, umwakuti imbibi zyabo zihobokeliwe, sona nukupokela ubuzilo pakasi pabantu, babo basaliwa pachifukwa icha lwitiko lwabo mumwane.’

Imbombo 6:7

Po amazyu agha Chala ghakafumuziwanga. Po akabukatila aka bamanyili mu Yelusalemu kakonjelelaghakonjelelagha, umwakuti na baputi abinji bakitika ulwitiko lwabo.

Imbombo 9:31

Po ichipanga icha mu Yudeya, mu Galileya, na mu Samaliya chikaba na kabalilo akamutende nukwendelela pakumwiputa u Mwene. U Muzimu Umuzelu akachikazya nukuchavwa pakukula, po chikaba ichakumunyila u Mwene.

Aba Loma 15:2

Loli twebosi tubaghiye pakuhobosya abakamu bitu nukubabombela inyiza, umwakuti ulwitiko lwabo lukulaye.

Aba Loma 8:15

Pakuti u Muzimu yuyo mukapokela ate wakuti abapele pakuba bazya pakunyila. Loli u Muzimu yula akubapela pakuba bana aba Chala, sona ukwendela mumaka ghache, aswe tukulila kwa Chala ukuti, “Tata, we Tata wane!”

1 Aba Kolinti 1:8

Umwene akwiza pakubakazya ukufika mupaka pabumalilo, ukuti mubanje bantu abasita chilema nachimochimo pisiku ilya Mwene witu Yesu Kilisitu.

1 Aba Kolinti 10:23

Abantu bamo bakuti, “Vyosi bulo vyitikiziwe,” loli vyosi vitakubapa ubwiza. Abanji bakuti, “Vyosi bulo vyitikiziwe,” loli vyosi vitakutwavwa.

1 Aba Kolinti 14:15

Po, nkimba imbombe choni? Nkwiza pakwiputa nu muzimu wane, loli nkwiza pakwiputa sona ni nyinong'ono zyane bulo. Nkwiza pakwimba nu muzimu wane, loli nkwiza pakwimba sona ni nyinong'ono zyane bulo.

1 Aba Kolinti 14:26

Mwee bakamu bane, nkimba po tungati choni? Bo mukukomana pakwiputa, umuntu yumo ali nu lwimbo, uyunji ni chimanyisyo, uwamwabo ali nu buvumbuli ubwakufuma kwa Chala, uyunji ukunenela mundimi injeni, sona uwamwabo akusanusya zizyo zikuneniwa. Zyosi zinizi zibaghiye pakubombiwa ukuti ichipanga chizengiwe.

Aba Galatiya 4:6

Ukulanjizya ukuti amwe mwe bana bache, u Chala abatumila u Muzimu uwa Mwana wache mumoyo ghitu, u Muzimu yuyo akwitizya ukuti, “Wee Tata, wee Tata wane!”

Aba Efeso 4:12

Imbombo iya bantu banaba yakuti babayanizye zila abantu aba Chala ukuti babombaye imbombo iyakuchizenga ichipanga, chicho mubili uwa Kilisitu

Aba Efeso 4:16

Akulaghila umubili ghosi nukughumamatizya poka ni nkole zyache. Bunubu ichigaba chosi chikubomba imbombo yache, po umubili ghosi ghukukula nukwizenga mulughano.

Aba Efeso 4:29

Mumalomo ghinyu mutakafumaye ineno imbibi, loli mufumaye amazyu amiza ghene aghakubazenga abanji ukuyana ni vyakusobelwa vyabo, ukuti ghabanje ghakubavwa babo bakughateghelezya.

Aba Efeso 6:18

Mubombaye zyosi zinizi munyiputo. Akabalilo kosi mwiputaye kwa Chala ukuti abavwe. Akabalilo kosi mwiputaye umwakulongoziwa nu Muzimu Umuzelu. Pachifukwa ichi mubanje maso, sona mutakanyokelaye mwisinda. Mubiputilaye bwila abantu bosi abazelu aba Chala.

Aba Kolosi 2:7

Mwisimike na magululuzi ghinyu mumwache, mukulaye mulwitiko ukuyana namumo mukamanyiziliwa, sona mubanje bantu abakupalizya nkani.

1 Aba Tesalonika 5:11

Polelo mukazannyanje nukwavwana ukuyana namumo mukubombela ilelo.

1 Timoti 1:4

Ubabuzye ukuti baleke pakubikapo umoyo patupangwi bulo, sona ni mbatiko izya matabwa agha banyenya. Ivi vikwandizya bulo ivyongo, sona vite ni mbombo nayimoyimo pambombo iya Chala, ukwendela mu lwitiko.

2 Timoti 1:5

Nkukumbuka sona nizya lwitiko ulwenecho lulo uli nalo, ulwitiko lulo unyokokulu u Loyisi, sona wepe nu nyoko u Yuniki akaba nalo. Indi nu lusubilo ukuti nawe bulo uli nalo.

Titi 1:1

Ane ne Pabuli, umubombi uwa Chala, sona nu mutumiwa uwa Yesu Kilisitu. Ane nkasaliwa ukuti imbavwe abantu babo bakasaliwa nu Chala ukuti basubile nukubalongolela ukuti babumanye ubwanaloli, sona nukuti babanje nubumi ubwakumwiputa,

Yakobo 2:22

Wennya ilelo ukuti ulwitiko ni mbombo zyache vikendelanagha poka, po ulwitiko lukaba lwakufikapo pachifukwa icha mbombo zyache.

2 Pitala 1:1

Ane ne Simoni Pitala, umubombi, sona nu mutumiwa uwa Yesu Kilisitu. Nkubasimbila ukalata uyu abantu babo bapokelite ulwitiko lulo tukapokela ukwendela mubugholosu ubwa Chala witu, sona nu Mupoki u Yesu Kilisitu.

1 Yohani 5:4

Umuntu wesi yuyo mwana uwa Chala akuchipota ichisu ichapasi. Tukuchipota ichisu ichapasi pachifukwa icha lwitiko lwitu.

Yuda 1:3

Mwee bamanyani bane abaghaniwa, nkalondagha nkani pakubasimbila nizya bupoki bubo twebosi tuli nabo. Loli ilelo nadumula ukuti imbasimbile koka bulo pakubalaba ukuti mulwe nkani ubwite pakulwimila ulwitiko lulo u Chala abapiye abantu bache.

Ubuvumbuli 13:10

Umuntu wesi yuyo abaghiye pakuba muzya naloli akwiza pakuba muzya. Umuntu wesi yuyo abaghiye pakuboliwa nupanga, akwiza pakuboliwa naloli nupanga. Po panapa pakulonda ukuti abantu aba Chala babanje bakujimba nukuba bamaka mulwitiko.