Yuda 1:19 - IBAYIBOLO 2024

¹⁹ Abantu banaba bakupela ukugabinkana, babo bakukonka bulo ivinyonywa ivya muchisu ichapasi, sona bate nu Muzimu Umuzelu.

Ulufingo Ulupya

¹⁹ Abantu banaba bakupela ukugabinkana, babo bakukonka bulo ivinyonywa ivya muchisu ichapasi, sona bate nu Muzimu Umuzelu.

Yuda 1:19 Iomraidhean Croise

Ivyili 18:1

Umuntu yuyo akwiyighana mwene, akukonka ubwighane ubwache nu bwache, sona akwandana na bantu pa chintu chosi chicho umuntu wesi achimenye ukuti chigholosu.

Yesaya 65:5

babo bakunena ukuti, ‘Ikalagha bulo kunuko, pakuti ne muzelu kukwako!’ Abantu banaba bali ngati lyosi ilya mumpuno zyane, umoto ghugho ghukwaka musanya ghosi.

Ezekiyeli 14:7

“ ‘Nanti umu Izilayeli wesi, pamo umuyeni yuyo akwikala mu Izilayeli isabuye mwene kukwane nukubika umoyo wache pavifwani sona ni chipunulo pantazi papache nukubuka kumulaghuzi pakulalusya izya, ane ne Mwene nkwiza pakumwamula nemwene.

Hoseya 4:14

“Ntakwiza pakubafunda abana binyu abalindu nanti bakubomba ubwamalaya, sona ntakwiza pakubafunda abalasagha binyu nanti bakulowa, pachifukwa ichakuti abanavuli bo babo bakulowa na bakolo abamalaya, nukubika poka nabo ichakwiyipa ku vifwani, sona abantu babo batakwivwisya bakwiza pakunanganika.

Hoseya 9:10

“Bo namwagha u Izilayeli nkaba ngati naghagha amampesya munkolongo. Bo nkubennya aba banyenya, nkaba ngati po nkuvyennya ivikomwa ivya kwanda ivya makuyu. Loli bo biza pighamba ilya Baala Pewoli bakipaghulila bene ichifwani icha nkozyasoni, sona mukaba ngati chintu icha mwiko chicho mukachighana.

Aba Loma 8:9

Amwe mutakukonka sona ubuntu bwinyu ubwa mbibi. Loli mukukonka zizyo u Muzimu Umuzelu akubabuzya—naloli nanti, u Muzimu uwa Chala akwikala mumwinyu. Loli nanti umuntu ate nu Muzimu uwa Kilisitu, yunuyu ate wa Kilisitu.

1 Aba Kolinti 2:14

Umuntu yuyo ate nu Muzimu, atangavipokela ivyabupi vivyo u Muzimu uwa Chala akupa pakuti kukwache vya bupunganu sona atangavyaghannya, pachifukwa ichakuti mwene yuyo ali nu Muzimu, weyuyo angavyaghannya ivya buzimu.

1 Aba Kolinti 6:19

Nkimba mutazimenye ukuti umubili winyu yo nyumba iya Muzimu Umuzelu, yuyo akwikala mumwinyu, sona yuyo mukapokela ukufuma kwa Chala? Ichi cho chifukwa ubumi bubo muli nabo, bute bwinyu mwebene, awe.

Aba Hebeli 10:25

Tutakanyokayenyokaye kunkomano zyitu ukuyana namumo abantu bamo bakizubilila, loli aswe tukazannyanje, nkaninkani bo tukwennya ukuti Isiku ilyakwiza kwa Mwene lili papipi.

Yakobo 3:15

Amahala ghanagha ghatakufuma kumwanya, loli gha pachisu ichapasi. Amahala ghanagha gha buntu bulo, sona ghate gha muzimu uwa Chala, loli gha mizimu imibibi.