Yuda 1:16 - IBAYIBOLO 2024

¹⁶ Abantu banaba bamilumbusyo, sona bakubapakazya abanji inongwa. Bakukonka ivinyonywa vyabo ivibibi, na bamituvyo sona bakubapala abantu abanji, umwakuti bachaghe chicho bakulonda.

Ulufingo Ulupya

¹⁶ Abantu banaba bamilumbuzyo, sona bakubapakazya abanji inongwa. Bakukonka ivinyonywa vyabo ivibibi, na bamituvyo sona bakubapala abantu abanji, umwakuti bachaghe chicho bakulonda.

Yuda 1:16 Iomraidhean Croise

Yobu 32:21

Ntakwiza pakwennya icheni icha muntu nayumoyumo, pamo ukunena umwakumuhobosya umuntu awe;

Yobu 34:19

Atakwennya icheni nanti akubalonga abana aba bamwene sona atakulanjizya ulusalo pakasi pa bakabi na bapina, pakuti bosi akabapela ni nyobe zyache?

Masalimo 106:25

Bakilumbusya muvisakasa vyabo, sona batakamwivwila u Mwene.

Masalimo 15:4

Bo babo bakubasulannya abantu ababibi, loli bakubachindika abantu babo bakumuchindika u Mwene. Banaba bo babo bakukwanilisya ichilapo chabo napapo ichilapo chila chakuvulazya nkani mumoyo.

Masalimo 17:10

Batakulanjizya ichisa napo panandi, sona amalomo ghabo ghakunena amituvyo ghene.

Masalimo 73:8

Bakubobezya abanji, pakuyeba, abene bakwituvya nukubakanyilila abantu.

Ivyili 28:21

Ukubomba ivintu umwakwennya icheni te kwiza, loli abalongi bamo bakubunyongannya ubwanaloli pachifukwa icha kamenyu aka chibama.

Yesaya 29:24

Abantu abapunganu bakumanyila pakwivwisya, sona babo pakwilumbusya bakwiza pakwitika pakumanyisiwa.”

Aba Levi 19:15

“ ‘Utakanyongannye ubwanaloli bo ukulonga inongwa, sona utakasalilaye pakasi pabantu abapina na bakabi, loli ulongelaye mubwanaloli.

Ukubelengiwa 14:36

Po abantu babo u Mozesi akabatuma pakutendela ichisu, bakabwelako nukwanda pakubapangila abantu ipangwi ibibi ilya chisu chila umwakuti abantu bosi bakilumbusya nu Mwene.

Ukubelengiwa 16:11

Naloli pakubomba bunubu kokuti awe poka na bakonki bako mukumusambukila u Mwene. Nkimba u Aloni wewenu ukuti mwilumbuzye nawe?”

Ukubelengiwa 16:41

Loli indabi yache ichilundilo chosi chikilumbusya nu Mozesi nu Aloni ukuti, “Amwe mwabaghogha abantu aba Mwene.”

Luka 15:2

Po aba Falisayi na bamanyisi aba Ndaghilo bakanda pakwilumbusya ukuti, “Umuntu uyu akupokela abantu abambibi nukulya poka nabo.”

Luka 19:7

Abantu bosi babo bakennya chinichi bakanda pakwilumbusya bakati, “Umuntu yunuyu aba muyeni munyumba iya muntu uwambibi.”

Luka 5:30

Aba Falisayi na bamanyisi aba Ndaghilo bamo, babo bakaba ba kabukatila kabo bakilumbusya ku bamanyili aba Yesu ukuti, “Nkimba choni chicho ali pakulya nukung'wela poka na basonkezya sonko, sona na bantu abambibi?”

Yohani 6:41

Pa ichi aba Yuda bakanda pakwilumbusya pachifukwa ichakuti u Yesu akati, “Ane ne chibama chicho chikika kumwanya.”

Yohani 6:61

Bo u Yesu azyaghannya ukuti abamanyili bache bakwilumbusya pazinizi, akanena nabo akati, “Nkimba zinizi zikubavulazya mumoyo ghinyu?

1 Aba Kolinti 10:10

Tutakilumbusyanje ukuyana namumo abantu bamo bakabombelagha, po bakaghoghiwa nu wantumi yuyo akughogha abantu.

Aba Galatiya 5:16

Loli chicho nkunena chakuti: Mumwitikizye u Muzimu Umuzelu ukuti abalongozye, po mutakwiza pakubomba ivinyonywa ivya buntu bwitu ubwa mbibi.

Aba Galatiya 5:24

Sona babo ba Kilisitu u Yesu bakomela ubuntu bwabo ubwa mbibi pachipinjika poka ni vyakulonda, sona ni vinyonywa vyache.

Ukukumbusya Amalamulo 1:27

Amwe mukilumbusyanga bulo muvisakasa vyinyu nukuti, “U Mwene atubengite umwakuti akatwefyamo mu Ijiputi nukutubika munyobe izya ba Amoli ukuti batughoghe.

Aba Filipi 2:14

Bombagha bulo zyosi umwakusita ukwilumbusya pamo ukususya,

1 Aba Tesalonika 4:5

Mutakabanje ni vinyonywa ivinyazu ukuyana namumo bakubombela abantu abakuzi, babo batamumenye u Chala.

1 Timoti 6:5

Abantu banaba bakudalinkana na bantu babo inyinong'ono zyabo nyonganu, sona babo batabumenye ubwanaloli. Bakwinong'ona ukuti ukwiputa kwa Chala yo zila yimo iyakukabilapo indalama.

2 Timoti 4:3

Pakuti akabalilo kakwiza, po abantu bakwiza pakuchikana ichimanyisyo ichanaloli. Loli bakwiza pakukonka ivinyonywa vyabo nukwibunganikila bene abamanyisi abinji, babo bakwiza pakubabuzya zizyo amakutu ghabo ghakunyeghela ukuti ghivwe.

1 Pitala 1:14

Mumwivwilaye u Chala, sona mutakavikonkaye ivinyonywa vyinyu ivyakale vivyo mukaba navyo, bo muchili muli muchisi.

1 Pitala 2:11

Mwee bamanyani bane abaghaniwa, nkubalaba amwe pakuti mwe bayeni, sona na bendazila muchisu ichapasi ukuti muvileghuke ivinyonywa ivya mubili, vivyo akabalilo kosi vili pabwite nu muzimu winyu.

1 Pitala 4:2

Polelo ukwanda akabalilo aka, ubumi bwinyu ubwa muchisu ichapasi bubaghiye bulongoziwanje nu bwighane ubwa Chala, mubuzilo ubwa kulongoziwa ni vinyonywa ivya buntu.

2 Pitala 2:10

Nkaninkani akwiza pakubafunda abantu babo bakukonka ivinyonywa ivibibi ivya mubili nukubusamula ubulaghili ubwa Chala. Abamanyisi abamyasi banaba bate nubogha, bamituvyo, loli bakubasamula abachindamu aba kumwanya.

2 Pitala 2:18

Abene bakunena amazyu aghamituvyo, na ghabupunganu, sona ni vinyonywa vyabo ivibibi ivya mubili bakubategha abantu babo bapona bulo pakasi pabantu aba nkalo imbibi.

2 Pitala 3:3

Ichakwanda pavyosi, mubaghiye pakwivwisya ukuti mumasiku aghabumalilo abantu abalobezyo bakwiza pakuboneka babo bakukonka ivinyonywa vyabo ivibibi.

Yuda 1:15

pakubalonga ababomba mbibi bosi, babo batakumwiputa u Chala pachifukwa chakuti batakumunyila u Chala sona napachifukwa icha mazyu aghakoghofya ghagho abantu babo batamumenye u Chala bakumusamula nagho.”

Yuda 1:18

Bakababuzya bakati, “Mumasiku aghabumalilo, abantu abalobezyo bakwiza pakuboneka, babo bakukonka ivinyonywa vyabo ivibibi.”