Yuda 1:15 - IBAYIBOLO 2024

¹⁵ pakubalonga ababomba mbibi bosi, babo batakumwiputa u Chala pachifukwa chakuti batakumunyila u Chala sona napachifukwa icha mazyu aghakoghofya ghagho abantu babo batamumenye u Chala bakumusamula nagho.”

Ulufingo Ulupya

¹⁵ pakubalonga abantu bosi. Akwiza pakudumula ukuti abantu bosi babo batakumwiputa u Chala banangite, pachifukwa icha mbombo zyabo, sona ni chifukwa icha mazyu aghantuko ghagho bamunenela.”

Yuda 1:15 Iomraidhean Croise

Masalimo 139:20

Abantu banaba bakukunena akabibi nkani, sona abalwani bako bakulinena itwabwa lyako akabibi.

Masalimo 149:9

pakubapa ulufundo ukuyana namumo u Chala akalamulila. Bunubu bo buchindamu ubwa bantu bache abasubiliwa bosi. U Mwene apaliwanje.

Masalimo 31:18

Abantu abamyasi babanje bulo myee, pakuti bakituvyanga nukubasamula abantu abagholosu.

Masalimo 37:6

Akwiza pakubupela ubugholosu bwako pakulama ngati ko kubuche, sona ubwanaloli bwako bukwiza ngati gho musanya.

Masalimo 73:9

Amalomo ghabo ghakumusamula u Chala kumwanya, lope ululimi lwabo lukwendakwenda bulo pachisu ichapasi.

Masalimo 94:4

Bakwituvya, sona ababomba mbibi bakwikwezya.

Masalimo 98:9

Vileke vyimbaye pamaso pa Mwene, pakuti akwiza pakuchilonga ichisu. Akwiza pakuchilonga ichisu mubugholosu, sona akwiza pakuzilonga inko zyosi umwakuyana bulo.

Ukufuma 16:8

U Mozesi akati, “We Mwene yuyo akwiza pakubapa inyama iyakuti mulye pachamabwila, sona nukubapa ivibama pandabindabi ichakuti mulye nukwikuta, pachifukwa ichakuti ivwa amilumbusyo ghinyu ghosi. Nkimba aswe twe bawenu? Mutakwilumbusya kukwitu, awe, loli kwa Mwene.”

Umulumbilili 11:9

Wee mulumendo, uhobokaye bo uchili we mulumendo. Bombagha zizyo umoyo wako ghukulonda sona vivyo amaso ghako ghakuvyennya. Loli ukumbukaye ukuti u Chala akwiza pakukulonga pa zyosi zizyo ukubomba.

Umulumbilili 12:14

Pakuti u Chala akwiza pakutulonga pambombo zyosi zizyo tukubomba sona ni zyakubusyefu bulo, manyi nyiza, manyi mbibi.

Ezekiyeli 35:13

Pakunena bunubo, mukituvya nkani umwakususannya nane sona mwantuka nivintu ivyinji nkani, amazyu ghosi ghanagha naghivwa.

Daniyeli 11:36

“U mwene uwa chisu icha kumitu akwiza pakubombagha ukuyana namumo akulondela. Akwiza pakwitutumula ukuti wapamwanya nkani ukubachila abachala abanji, sona ukuti wapamwanya nkani ukumuchila u Chala uwa bachala. Akwiza pakubombagha zinizi mupaka pakabalilo kako u Chala akwiza pakumufundila. U Chala akwiza pakuzibomba zilazila zizyo akabatika.

Daniyeli 7:20

Nkalondagha sona pakumanya nizya mpembe teni zizyo zikaba pamutu wache sona nu lupembe ulunji lulo lukamela pisinda pache, pakuziwisya zitatu. Lunulu lo lupembe lulo lukaba na maso nu mulomo lulo lukanenagha umwakwitutumula lukaba lukulu ukuchila izinji.

Yohani 5:27

Sona amupiye nu Mwana ubulaghili ubwakulongela pakuti we Mwana uwa Muntu.

Imbombo 17:31

Pakuti abikite isiku lyoka lilyo akwiza pakubalonga abantu bosi aba muchisu ichapasi mubwanaloli ukwendela mu Muntu yuyo amusalite. Abasimikizizya zinizi abantu bosi pakumuzyusya u Muntu yula kubufwe!”

Aba Loma 14:10

Po awe, nkimba choni chicho ukulonga abamwinyu? Nkimba choni chicho ukumusamula uwamwinyu? Pakuti twebosi tukwiza pakwimilila pantazi pachitengo icha Chala ukuti tulongiwe.

Aba Loma 2:16

Ukuyana namumo ghakunenela Amazyu Amiza ghagho nkulumbilila, umu momumo kukwiza pakubela, bo u Chala akwiza pakulonga inyinong'ono izyakubusyefu mwitabwa ilya Yesu Kilisitu.

Aba Loma 2:5

Loli pachifukwa icha bukafu ubwa moyo wako, sona nu moyo wako umusita kupinduka nukuzileka imbibi, ukwilundikila wemwene ubukali ubwa Chala, pisiku lilyo ubulongi bwache ubugholosu bukwiza pakuvumbuliwa.

1 Aba Kolinti 4:5

Polelo mutakamulongaye nayumo umuntu, bo na kabalilo akiza katafikite. Mulindililaye mupaka u Mwene ize. Umwene akwiza pakuvumbula pabuzelu ivintu vivyo vifisiwe muchisi. Akwiza pakuvumbula sona inyinong'ono izya bantu. Pakabalilo kalakala umuntu wesi akwiza pakupokela amapalo agha Chala.

1 Aba Kolinti 5:13

U Chala akwiza pakubalonga abantu abakuzi. Pakuti Amasimbo ghakuti, “Mumwefyepo pakasi papinyu umuntu umubibi.”

1 Timoti 1:9

Tubaghiye twivwisye ukuti indaghilo zitakapinyiwa pachifukwa icha bantu abagholosu, awe. Loli pachifukwa icha bantu abananga ndaghilo, na basita kwivwila. Zikapinyiwa pachifukwa icha bantu babo batamumenye u Chala, sona na bantu abambibi; pachifukwa icha abantu ababibi, na babo bakumukana u Chala; abantu babo bakughogha abawise, pamo abanyina pamo, abaghoghi,

Yuda 1:16

Abantu banaba bamilumbusyo, sona bakubapakazya abanji inongwa. Bakukonka ivinyonywa vyabo ivibibi, na bamituvyo sona bakubapala abantu abanji, umwakuti bachaghe chicho bakulonda.

Ubuvumbuli 13:11

Po nkennya sona ichinyamana ichinji chicho chikafuma pasi pachisu. Chikaba ni mpembe zibili ngati zyo mpembe izya Mwana uwa ng'ozi, sona chikanenagha ngati yo nyivwila.

Ubuvumbuli 22:20

Yuyo akusimikizya ivintu vyosi vinivi akuti, “Naloli! Nkwiza lunulu.” Ameni! Mwene Yesu, zagha!

1 Samuweli 2:3

“Muleke pakwitutumula, sona amalomo ghinyu ghatakituvyanje. Pakuti u Mwene we Chala, yuyo azimenye imbombo izya bantu, sona akwiza pakubalonga ukuyana ni mbombo zyabo.