Yuda 1:12 - IBAYIBOLO 2024

¹² Abantu banaba bakunyazya ulusekelo lwinyu ulwa bupoka. Bakulya poka namwe umwakusita isoni, sona bapafu. Bayanite bulo na mabingu ghagho ghakuputiwa ni mpepo, loli ghatakwiza ni vula. Bayanite bulo na makwi ghagho ghatakwela ivikomwa napapo kabalilo kache, sona ghagho ghanyunkuliwe nukufwila zila.

Ulufingo Ulupya

¹² Abantu banaba bakunyazya ulusekelo lwinyu ulwa bupoka. Bakulya poka namwe umwakusita isoni, sona bapafu. Bayanite bulo na mabingu ghagho ghakuputiwa ni mpepo, loli ghatakwiza ni vula. Bayanite bulo na makwi ghagho ghatakwela ivikomwa napapo kabalilo kache, sona ghagho ghanyunkuliwe nukufwila zila.

Yuda 1:12 Iomraidhean Croise

2 Imbili 7:20

po nkwiza pakubanyunkulamo aba Izilayeli muchisu chane chicho nabapiye. Nkwiza pakuyikana Inyumba yiyo nayipaghula ukuti inchindikiliwanjemo. Nkwiza pakuyipela pakuba kapangwi bulo sona ni chakusekiwa pakasi pabantu bosi.

Yobu 8:17

Amagululuzi ghache ghakutaba pamabwe; sona ghakukakatila pakasi pamabwe.

Masalimo 1:3

Umuntu yunuyu ayanite bulo nikwi ilya mulubazu ulwalusoko, lilyo likwela ivikomwa pakabalilo kache, amani ghache ghatakufoka. Vyosi vivyo akubomba vikumwendela akiza.

Masalimo 37:2

Pakuti ngati lisote, bakwiza pakufoka lunulu bulo, ngati vimelwa iviteta, bakwiza pakufwa lunulu.

Ivyili 25:14

Umuntu uwakwituvya ni chabupi chicho atangabika, ayanite bulo ni mpepo na mabingu ghagho ghatakutimizya ivula.

Ezekiyeli 17:9

“Ubabuzye ukuti, ‘U Mwene Uwamaka Ghosi akuti: Nkimba ikwi ili likwiza pakukula akiza? Nkimba ikwi litakwiza pakunyunkuliwa nukubulutuliwa ivikomwa vyache? Umwakuti amani ghache ghumile, ghakwiza pakumila. Ichakumela chosi ichipya chikwiza pakufoka. Chitakulonda amaka aminji pamo pakunyunkuliwa ninko inyinji.

Ezekiyeli 34:10

U Mwene Uwamaka Ghosi akuti: Indi pabwite na badimi, nkubasusya abadimi pachifukwa icha ng'ozi zyane. Nkwiza pakubafyula ing'ozi zyane umwakuti abadimi batakwiza pakuzilyesya sona. Nkwiza pakuzipoka ing'ozi zyane kumilomo yabo, po zitakwiza pakuba chakulya chabo.

Ezekiyeli 34:18

Nkimba chitakuhobosya ukuti mulyanje isote iteta? Nkimba namwe bulo mukubunkanyankila ubuzilo bosi ubwakudimapo ni nyayo zyinyu? Nkimba mutakuhoboka na mizi amiza aghakung'wela? Fwandi mungaghavundulannya amizi ni vinama vyinyu?

Ezekiyeli 34:2

“Wee mwana uwa muntu, laghula umwakubasusya abadimi aba mu Izilayeli, laghula nukubabuzya ukuti, ‘Izi zyo zizyo u Mwene Uwamaka Ghosi akambuzya akati: Chighune ku badimi aba mu Izilayeli babo bakwisungilila bene! Nkimba abadimi batakughusungilila umudimo?

Ezekiyeli 34:8

U Mwene Uwamaka Ghosi akuti: Naloliloli nkulapa, pachifukwa ichakuti ing'ozi zyane zitakaba nu mudimi sona zikafyuliwa pakuba chakulya icha vinyamana ivya munkolongo, pachifukwa ichakuti abadimi bane batakazilondelezya ing'ozi zyane loli bakisungilila bene mubuzilo ubwakuzisungilila ing'ozi zyane,

Hoseya 6:4

Mwe ba Efulayimu, nkimba imbombe namwe choni? Wee Yuda, nkimba imbombe ichoni namwe? Ulughano lwako luli ngati we kabefu uwa pandabindabi, ngati yo nganda iya kubuche yiyo yikuzyebeluka bulo.

Aba Levi 14:43

Nanti ichuku chaboneka sona munyumba mula, bo befyamo amabwe, sona nanti bayipala nukuyisingula,

Matayi 13:6

Loli bo izuba lyakwela, imbeyu zila zikababuka pakuti amagululuzi ghakaba ghachili ghatayiye nkani pasi, sona imbeyu zila zikuma.

Matayi 15:13

U Yesu akamula akati, “Imbeyu yosi yiyo Utata wane uwakumwanya atakayibyala, yikwiza pakunyunkuliwa.

Maliko 4:6

Loli bo izuba lyakwela, imbeyu zila zikababuka pakuti amagululuzi ghakaba ghachili ghatayiye nkani pasi, sona imbeyu zila zikuma.

Luka 12:45

“Loli nanti uwambombo yula mubibi, akunena mwene ukuti, ‘U mwene wane akukaba nkani pakubwela.’ Po akwanda pakubakoma abambombo abanji, bosi abanavuli na bakolo bulo, sona akulya, akung'wela nukukolwa.

Luka 16:19

“Kukabako umuntu yumo yuyo akavwalagha amenda agha pamwanya nukwikala mubumi ubwakwihobosya amasiku ghosi.

Luka 21:34

“Muchebaye ukuti amoyo ghinyu ghatakikolezannyanje nukulya nukukolwa, sona nukupasya nizya bumi ubu, pamo isiku lila lingiza kukwinyu umwakubachenusya bulo

Luka 8:6

Zimo zikawila pilyalabwe, bo imbeyu zyamela, zikuma pakuti itope litakaba ni ching'wezi.

Aba Efeso 4:14

Po tutakwiza pakuba sona ngati bo babonda, babo bakuyinganayingana na mayigha, sona nukupupuka ni mpepo iya chimanyisyo icha bantu abamyasi, babo bakubapuvya abantu nu buchevu bwabo.

Aba Filipi 3:19

Ubumalilo ubwa bantu banaba, ko kuzimila, pakuti u chala wabo zyo nyanda zyabo. Bakwituvikizya ni vintu vivyo babaghiye pakukoziwa navyo isoni. Amoyo ghabo ghali pavintu ivya muchisu ichapasi.

1 Timoti 5:6

Loli umukolo umufwilwe yuyo akwihobosya mwene ni vintu ivya muchisu ichapasi, afuye kale, napapo mumi.

Aba Hebeli 13:9

Mutakitikizyanje ivimanyisyo iviyeni ivyakulekanalekana ukuti vibapuvye. Chizapo ukuti umoyo witu ghukaziwanje ni chisa icha Chala, pate pakukonka indaghilo izya vyakulya zizyo zitabavwizye abantu babo bakazikonkagha.

Yakobo 5:5

Mwizuzya ubumi bwinyu pachisu ichapasi ni vyakubahobosya. Mwiyinisya mwebene ngati yo ng'ombe yiyo bakabuka nayo pakuyibola.