Yoweli 3:9 - IBAYIBOLO 2024

⁹ “Fumusya zinizi pakasi pa inko: Iyannya pakulwa ubwite! Bavundumusye pakulwa ubwite! Abantu bosi abakulwa ubwite bize papipi pakulwa.

Yoweli 3:9 Iomraidhean Croise

Masalimo 96:10

Mubabuzye abantu aba inko izinji mutinji, “U Mwene akulaghila.” Ichisu ichapasi chikalanite nkani, sona chitangayingana napo panandi. Akwiza pakubalonga abantu aba inko zyosi umwakuyana bulo.

Yesaya 34:1

Mwee inko, palamila ukuti mwivwe, mwee inko izya bantu teghelezya! Leka ichisu chivwe, navyosi vivyo vili mumo, ni chisu chosi ichapasi, sona navyosi vivyo vikufuma mulamula!

Yelemiya 31:10

U Mwene akuti, “Mwee inko, nteghelezya. Lumbilila amazyu ku bantu muvyisu ivya mulubazu ulwa nyanja, munenaye mutinji, ‘Yuyo akabanyampannya aba Izilayeli akwiza pakubabungannya, sona akwiza pakughusungilila umudimo ngati mumo umudimi akusungilila ing'ozi zyache.’

Yelemiya 50:2

“Fumusya nukulumbilila pakasi pa inko, kwezya indembela nukufumusya, utakavindepo nakamokamo, loli unene ukuti, ‘U Babiloni akwiza pakulemiwa. U chala wache u Belo akwiza pakukoziwa isoni, sona ubogha bwamulema u chala wache u Maladuka. Ivifwani vyache vyakoziwa isoni, sona bope abachala bache baba nubogha.’

Yelemiya 51:11

“Pyasya utulasilo, senda ingulu zyinyu! U Mwene abasonjelezya abamwene aba mu Mediya, pakuti inyinong'ono zyache zyakuti amunangannye u Babiloni. U Mwene akwiza pakutanizya, pachifukwa ichakuyinangannya Inyumba yache.

Yelemiya 51:27

“Kwezya mumwanya indembela pachisu! Lizya ipati pakasi pa inko. Muziyannye inko pakulwa nu Babiloni. Bwitizye ubumwene ukuti balwe nawe ubwite, naba mu Alalati, naba mu Mini sona naba mu Ashikenazi. Sala usongo uwa basilikali ukuti alwe nawe, tuma ifalasi inyinji ngati we kanta umwinji.

Yelemiya 6:4

Bakwiza pakunena ukuti, “Mwiyannye pakulwa nakaya aka Yelusalemu! Nyamuka, zagha tulwe nakaya kanaka pamusanya! Loli tuli nulusako ulubibi, ichamabwila chafika, sona akavwelelema kafika.

Ezekiyeli 38:17

“ ‘U Mwene Uwamaka Ghosi akuti: Nkimba te wewe nkanena mumasiku ghagho ghachilapo pakwendela mu mubabombi bane abalaghuzi aba mu Izilayeli? Babo bakalaghulagha ukuti mumasiku ghagho ghakwiza, nkwiza pakulwa nabo ubwite.’ ”

Ezekiyeli 38:7

“ ‘Ubanje maso, sona wiyannye awe na basilikali bache bosi babo babungana poka nawe, wewe ukwiza pakubalongolela pakulwa ubwite.

Mika 3:5

U Mwene akuti, “Abalaghuzi babo bakubasovya abantu bane, nanti yumo akubapa ichakulya, kokuti bakulumbilila ‘umutende.’ Nanti atakubomba bunubu, kokuti bakwiyannya pakulwa nawe ubwite.

Hagayi 2:7

Nkwiza pakuziyingannya inko zyosi, umwakuti ubukabi ubwa inko bwizulaye mu Nyumba iya Chala, sona nkwiza pakuyizuzya Inyumba iyi nu buchindamu.’ U Mwene Uwamaka Ghosi anena.

Zekaliya 14:2

Nkwiza pakuzibungannya inko zyosi umwakuti zilwe ubwite nu Yelusalemu. Akaya akakulu nkani kakwiza pakulemiwa sona inyumba zikwiza pakufyuliwa, bope abakolo bakwiza pakulemiwa pamaka. Abantu bamo abanandi bulo bakwiza pakuba bazya, loli abantu abanji bosi batakwiza pakubefyamo mukaya akakulu nkani.

Zekaliya 14:3

Po u Mwene akwiza pakwepamo nukulwa ubwite ninko zinizyo, ukuyana namumo akulwila pisiku ilya bwite.