Yoweli 3:6 - IBAYIBOLO 2024

⁶ Mukabaghulizya aba Yuda, naba bantu aba mu Yelusalemu kuchisu icha ba Giliki, ukuti babuke kubutali ni chisu chabo.

Yoweli 3:6 Iomraidhean Croise

Ezekiyeli 27:13

“ ‘Ichisu icha Gilisi nicha Tubali nicha Mesheki vikaghulizannyanga nawe. Vikaghulizannyanga abazya ni vibombelo ivya mukuba nu katundu wabo.

Yoweli 3:3

Bakapanga amayele na bantu bane sona bakaghulizannya abalumendo nu bwamalaya sona abalindu nu vinyo umwakuti bakolwe.

Yoweli 3:8

Nkwiza pakubaghulizya abana bako abalumendo na balindu kuba Yuda, po abene bakwiza pakubaghulizizya aba Sabe kuchisu icha kubutali nkani.” Ane ne Mwene nanena.

Zekaliya 9:13

Nkwiza pakumupeta u Yuda ngati bwele, sona u Efulayimu akwiza pakuba tulasilo twache. Wee Ziyoni, nkwiza pakubanyamusya abana bako, umwakuti balwe na bantu aba ku Gilisi, nkwiza pakukupela pakuba wepanga uwa balwabwite abamaka nkani.”

Ukukumbusya Amalamulo 28:32

Abayeni bakwiza pakubalema abana bako abalumendo na balindu pakuba bazya, bo ukwennya na maso ghako. Isiku ni siku amaso ghako ghakwiza pakubanga kuzila, bo ukulindilila ukuti pamo abana bako bakwiza pakunyokela, loli utakwiza pakubombapo nachimochimo.

Ukukumbusya Amalamulo 28:68

U Mwene akwiza pakubanyosezya ku Ijiputi mumabwato amakulu nkani, napapo akababuzya ukuti mutakwiza pakunyokelako sona. Kulakula mukwiza pakwighulizya mwebene pakuba mwe bazya aba balwani binyu, loli atalipo nayumoyumo yuyo akwiza pakubaghula.