Yoweli 3:2 - IBAYIBOLO 2024

² nkwiza pakuzibungannya inko zyosi, nukwika nazyo kwikombe ilya Yehoshafati. Nkwiza pakuzipa inongwa inko ukuyana ni mpyana iya bantu bane aba Izilayeli, pachifukwa ichakuti babanyampanizye abantu bane pakasi pa inko, sona bagabana ichisu chane.

Yoweli 3:2 Iomraidhean Croise

2 Imbili 20:26

Pisiku ilyafolo bakabungana mwikombe ilya Belaka, kuko bakamupala u Mwene. Ichi cho chifukwa ikombe lila likwitiziwa ukuti ikombe ilya Belaka mupaka nilelo bulo.

Yesaya 66:16

Pakuti u Mwene akwiza pakulongela numoto, nu bwite pabantu bosi, sona abinji bakwiza pakughoghiwa nu Mwene.

Yesaya 66:18

“Pakuti imenye imbombo zyabo ninyinong'ono zyabo, indi papipi pakuzibungannya inko zyosi, bo biza bakwiza pakwennya ubuchindamu bwane.

Yelemiya 12:14

U Mwene akuti, “Nizya bapalamani bane bosi ababibi babo bakufyula ichilingo chicho nkabapa abantu bane aba Izilayeli, nkwiza pakubefyamo muchisu chilachila sona nkwiza pakubanyunkulannya aba muchisu icha Yuda mukasi mumwabo.

Yelemiya 25:31

Izyu likwiza pakwivwika na kubumalilo ubwa chisu ichapasi, pakuti u Mwene akwiza pakuzipa inongwa inko, akwiza pakubalonga abantu bosi, sona ababibi bakwiza pakughoghiwa nupanga. Ane ne Mwene nanena.’ ”

Yelemiya 49:1

Pakunena nizya luko ulwa Amoni, u Mwene ukulalusya akuti, “Nkimba aba Izilayeli bate na bana abalumendo? Nkimba bate naba mpyana? Po nkimba choni chicho abantu, babo bakumwiputa u Moleki bafyulite ichisu icha Gadi? Nkimba choni chicho abantu bache bakwikala mutwaya twache utukulu?

Yelemiya 50:17

U Mwene akuti, “Aba Izilayeli bali ngati zyo ng'ozi zizyo zinyampanite bulo, zizyo inkalamu zyazichimbizya. U mwene uwa ku Asiliya weyuyo akaba wakwanda pakubaghogha. Nebukadineza u mwene uwa ku Babiloni weyuyo akaba wabumalilo pakughamemena amafupa ghabo.

Ezekiyeli 25:8

“Po u Mwene Uwamaka Ghosi akuti, ‘Pachifukwa ichakuti aba Mowabu bakuti, “Abaluko ulwa Yuda bakuyana bulo ni vyisu ivya inko zyosi izinji,”

Ezekiyeli 34:6

Ing'ozi zyane zikendakendagha mumaghamba ghosi na mutumaghamba tosi ututali. Zikanyampana pachisu chosi ichapasi, sona atakabapo nayumo umuntu uwakuzilonda.

Ezekiyeli 35:10

“ ‘Pachifukwa ichakuti mwe bantu aba mu Seyili mwanena ukuti, “Inko zibili izi ni vyisu ivi vikwiza pakuba vyitu sona chikwiza pakuba mpyana yitu,” napapo ane ne Mwene nkaba palapala,

Ezekiyeli 36:1

U Mwene akuti, “Wee mwana uwa muntu, laghula kumaghamba agha Izilayeli uti, ‘Mwee maghamba agha Izilayeli ivwa izyu ilya Mwene.

Ezekiyeli 36:5

U Mwene Uwamaka Ghosi akuti, “Nkunena nubukalale sona nu moyo wakabini ku inko zyosi, sona naba Edomu bosi, babo bakisendela bene ichisu chane numoyo uwa kuhoboka nkani sona nuwa lobezyo, bakanfyula ichisu chane ukuti chibe chabo, umwakuti bafyule apakudimapo ivitekwa.”

Ezekiyeli 38:22

Nkwiza pakumulonga nu bubine ubwakoghofya nukukupula ibanda, nkwiza pakutimizya papache ivula iya mabwe, ni yamoto uwa sulufule na basilikali bache bosi sona ninko inyinji zizyo zili poka nawe.

Ezekiyeli 39:11

“ ‘Pisiku lila nkwiza pakumupa u Gogi ubuzilo ubwa kusyiliwapo mu Izilayeli, mwikombe ilya bantu babo bakwenda ukubuka kubufumilo bwizuba ubwa Nyanja Imfwe. Yikwiza pakwighalila izila iya bendazila, pachifukwa ichakuti u Gogi na basilikali bako bosi bakwiza pakusyiliwa kulakula. Po bukwiza pakwitiziwa ukuti Ikombe ilya Hamoni Gogi.

Yoweli 3:12

U Mwene akuti, “Abantu aba inko zyosi biyannye, nukwiza kwikombe ilya Yehoshafati, pakuti kulakula nkwiza pakuzilonga inko izyakufuma kunkuto zyosi.

Yoweli 3:14

Ivilundilo ni vilundilo vili mwikombe ilya bulongi! Pakuti isiku ilya Mwene lili papipi mwikombe ilya bulongi.

Amosi 1:11

U Mwene akuti, “Pakuti abantu aba mu Edomu bakunanga kabilikabili, po ane ntakwiza pakubwisya ubukali bwane. Akamuchimbizya umukamu wache nupanga, sona atakamupelela ichisa, pachifukwa ichakuti ubukali bwache bukakagha, sona ukukalala kwache kutakisiwa.

Mika 4:12

Loli batazimenye inyinong'ono izya Mwene, sona batakuzivwisya imbatiko zyache, izya yuyo akubabungannya ngati ngano iya kukomiwa.

Zefaniya 3:8

Mundindilile pisiku lilyo nkwiza pakubikila ubwakaboni pakuti nadumula pakuzibungannya inko, nukububungannya ubumwene. Pakubapungulila ubukali bwane ubwakoghofya. Ichisu chosi ichapasi chikwiza pakulungulila numoto uwa buzuba bwane.” U Mwene anena.

Ubuvumbuli 11:18

Abantu abakuzi bala bakakalala pachifukwa ichakuti akabalilo akakulanjizizya ubukali bwako kakwana akabalilo kakwana akakulongela abantu abafwe. Akabalilo kakwana akakubapela ivyabupi ababombi bako, abalaghuzi sona na bantu bako bosi, babo bakulichindika itabwa lyako abanandi na basongo, umwakuyana bulo. Akabalilo kakwana akakunangannya, abantu babo bakunangannya ichisu ichapasi.”

Ubuvumbuli 16:14

Iyi mizimu imibibi yiyo yikupela iviswigho. Imizimu mitatu iyi yikubuka pakubabungannya abamwene bosi aba muchisu ichapasi ukuti balwe ubwite pisiku ikulu nkani ilya Chala Uwamaka Ghosi.

Ubuvumbuli 16:16

Po imizimu yila yikababugannya poka abamwene pabuzilo bubo mu Chihebeli bukwitiziwa ukuti Alamagedoni.

Ubuvumbuli 16:6

Bakakupula ibanda ilya bantu abazelu na balaghuzi, po wabapa ibanda ukuti bang'wele, ukuyana namumo chikababaghilila.”

Ubuvumbuli 20:8

sona akwiza pakuzizimbula inko izya bantu kunkuto zyosi folo izya chisu ichapasi, kokuti u Gogi nu Magogi. U Satana akwiza pakubabungannya bosi poka pakulwa ubwite. Ubwinji bwabo buli ngati gho musesenga uwa mulubazu ulwa nyanja.