Yoweli 3:18 - IBAYIBOLO 2024

¹⁸ “Pisiku linilyo amaghamba ghakwiza pakutonya uvinyo umunoni umupya, tope utughamba tukwiza pakwenda ulukama. Isoko zyosi izya mu Yuda zikwiza pakwizula na mizi. Imbwibwi zikwiza pakwenda ukufuma mu Nyumba iya Mwene mupaka nukufika mwikombe ilya Akasiya.

Yoweli 3:18 Iomraidhean Croise

Yobu 29:6

nkaba nu lukama ulwinji nkani ulwang'ombe ni mbuzi sona amakwi agha misyunguti ghakakulagha na mwilyalabwe bulo.

Masalimo 46:4

Pali ulusoko lumo lulo utusoko twache tukubahobosyanga abantu aba mukaya akakulu nkani aka Chala, ubuzilo bubo buzelu bubo Uwakumwanya Nkani akwikalako.

Ukufuma 3:8

Po nika pakubapoka munyobe izya bantu aba mu Ijiputi nukubefyamo muchisu chilachila nukubinjizya muchisu ichikulu nkani icha mboto mumo mukwikala aba Kenani naba Hiti naba Amoli naba Pelezi naba Hivi sona naba Yebusi.

Yesaya 30:25

Pisiku lilalila ilya kughoghiwa ukukulu nkani, bo ivitembe vikuwa, utusoko utwa mizi tukwiza pakwendagha pamwanya pighamba lyosi napatughamba tosi.

Yesaya 35:6

Umulemazu akwiza pakunyela ngati mbabala, ululimi ulwa chinunu lukwiza pakukolomoka umwalusekelo. Pakuti imbwibwi zikwiza pakwighuka munkolongo, tope utusoko tukwiza pakwenda munkolongo.

Yesaya 44:3

Pakuti nkwiza pakupungulila amizi pachisu ichanyota, nukubika utusoko pachisu ichumizu, Nkwiza pakupungulila u Muzimu wane pabana binyu, sona nu lusayo lwane pabaluko lwinyu.

Yesaya 45:8

Nkwiza pakutuma ubupoti ukufuma kumwanya, bukwiza pakutima ngati vula. Ichisu chikwiza pakwighuka, nukupokela ubupoki, umwakuti ubugholosu bukule, ne Mwene nkazipela izi.”

Yesaya 55:1

U Mwene akuti, “Zagha, mwebosi mwe muli ninyota, mwize ku mizi; sona na mwe mute ni ndalama, zagha, mughule nukulya! Zagha, mung'wele pabulo uvinyo nu lukama.

Yesaya 66:11

Pakuti mukwiza pakonka amabele, ukuti musangalusiwanje nukwikuta, mukwiza pakung'wela nkani, sona nukuhoboka nulukama ulwinji ulwa kubakwana.”

Yelemiya 31:12

Bakwiza pakwimba umwalusekelo pighamba ilya Ziyoni, bakwiza pakukolomoka nu buhobosu pachifukwa icha bwiza ubwa Mwene, pavyakulya vivyo akubapa, ingano nu vinyo sona na mafuta, utwana utwa ng'ozi nutwa ng'ombe, bakwiza pakuba navyo vyosi vivyo bakuvilonda.

Mika 6:5

Mwee bantu bane, kumbuka zizyo u Balaki u mwene uwamu Mowabu, akabatika pakubabombela sona namumo u Balamu umwana uwa Bewoli akamwamulila. Kumbuka ubulendo bwinyu ubwakufuma ku Shitimu ukubuka ku Giligali, ukuti mumanye namumo u Mwene akabapokela.”

Zekaliya 14:8

Pisiku linilyo amizi amapela bumi ghakwiza pakwendagha ukufuma mu Yelusalemu, u hafu ghakwiza pakwendagha kubufumilo ubwa Nyanja Imfwe, sona u hafu uyunji ghakwiza pakwendagha kubwinjililo ubwa Nyanja iya Medeteleniya pachisanya napa chisiku.

Ukubelengiwa 25:1

Bo aba Izilayeli bali mwikombe ilya Shitimu, abanavuli bakanda pakulowa na bakolo aba mu Mowabu.